السلام عليكم ورحمة الله وبركاته
لا تخلو روايتي تلهيكم عن الصلاة والعبادة
أعتذر على الأخطاء الإملائية
ما احلل النقل دون ذكر اسمي
ملاذ ♪♪ { البارت الثامن }
/أحبك ومن بين كل البشر أخترتك
صعب أوصف مشاعري لا جيت قربك
"كان يردد هالكلمات وهو يدخل الشركه ببتسامه جميله"
بمكان ثاني
كانت تغني بصوت شبه عالي في حديقة الجامعه /
أحبك موت ومن بين كل البشر أخترتك
صعب أعيش لحظه بدونك
أنت الي صوتك عافيتي وقربك
آههه ياليت البعد يقصر
تلمني لحضنك و.." وقفت عن الغناء و جلست متربعه عالعشب ببتسامه " والله ما قدرت أكذب اكثر من كذا ههههههه
ردت عليها صديقتها وهي تهز رأسها / وش الي مقدر أكذب تعلمي الرومانسيه يا بنت بكرا لا تزوجتي بتقولين لزوجك هالحكي ؟
كشت عليها / مالت عليج وعلى سوالفج , وين أنا وين الزواج
التفتو على صوت ثقيل من وراهم / مين يبي يتزوج يا شوق؟
ابتسمت شوق / هلا والله, أبد ماحد بس كذا نسولف عادي
نور ببتسامه/ شخبارك عيوش؟
عطتها نظره حرقتها / فهد , بخير دامني شايف كل هالزين " وناظرت شوق ببتسامه "
شوق ونور بلعو ريقهم من طريقة كلامها ونظراتها ابد ما تبشر
تقدمت وجلست بوسطهم وشبكت يدينها بيدين شوق الي ارتعشت كل عظمه بجسمها / اشتقتلك شوقي
شوق حاولت تبتسم / تشتاقلك الجنه يارب
فهد < نقولها كذا عشان لا نخربط / وانتي ما اشتقتي لي؟
شوق سحبت يدينها بشويش وهي مرتبكه / ها اقصد ايه اشتقتلك
فهد بزعل / ليه تكلميني بصيغة بنوته؟
شوق في نفسها _ لا عاد انتي الرجال / اممم مدري
فهد رجع مسك يدينها / اسمعي شرايك نطلع نتغدا اليوم سوا؟
شوق طيرت عيونها _ لا يشيخه لو ذبحتيني ما طلعت معك / اسفه مقدر اهلي جايين عندنا
نور بقهر / خير شغالتكم أنا ؟ كأني جدار مو معطيني وجه
فهد التفت بما انه كان عاطيها ظهره ورفع حاجبه / لو سمحتي لا عاد تقاطعيني أنا وحبيبتي آنسه نور
شوق سحبت يدها ووقفت بقهر / ماسمحلك تكلم صديقتي بهذي الطريقه
فهد وقف وصار يهديها / آسف وحقك علي واذا تبين اعتذر لها الآن؟
شوق كانت متكتفه ولا قالت شي وهو بـ دوره التفت لنور / اسفين نواره السموحه منك ما نعيدها مره ثانيه
نور وهي الثانيه تكتفت / اسامحك إذا تركتينا في حالنا
فهد لوى بوزه / تمام بترككم لكن .. لا عاد تكلميني بصيغة أنثى آنسه نور
تركهم وراح ونور تنهدت وجلست / غثيثه
شوق جلست قربها بهدوء وسرحت بخيالها _ ياترى ليه عيوش تتصرف كذا ؟ معقول حصل معها شي اجبرها تسوي نفسها رجال؟
نور وهي تهز شوق وتصرخ / شوق وصمخ
شوق نقزت ولما شافت نور ابتسمت / هلا هلا
نور برطمت وهي تعدل جلستها / شفيك سارحه؟ بمن تفكرين؟
شوق لمت رجولها لحضنها وببتسامه / ولا احد .. احس عندك شي ودك تقوليه؟
نور ابتسمت وجلست نفس جلستها / امممم ايه عندي " كملت كلامها بعدما شوق رفعت حواجبها ونزلتهم بمعنى وشهو" الموضوع حساس شوي وابيك تكونين صريحه معي أنا اختك قبل أكون صديقتك
شوق عقدت حواجبها / نوير لا تلعبي بأعصابي من متى وبينا هالمقدمات؟
نور أخذت نفس عميق وزفرته / شوق لو جينا نخطبك لناصر بتوافقين؟؟؟
فتحت عيونها على وسعهم من الصدمه, في حياتها ما توقعت هالشي _ لا لا مستحيل مابي شي يدمر صداقتي ويا نور
نور ابتسمت وهي تمسك يدين شوق / أياً كان جوابك علاقتنا بتكون مثل ماهي وناصر أكد لي هالشي واذا منتي موافقه مستحيل نفتح الموضوع مره ثانيه ولا بيوصل لأهلك
شوق تنهدت براحه / نور انتي تدرين اني مسويه اضراب عالزواج, وعندي شلة عوانس بعد ههههههه
نور ابتسمت بحزن _ والله يا شوق ودي تكونين مرت اخوي وتوافقين لكن مقدر اجبرك على شي وادري بك تحبينه حيل لكنك تكابرين وتدوسين على مشاعرك ,
وقفت ومدت يدها لشوق / قومي يا حمـا### إذا جلسنا شوي زيادة تفوتنا المحاضره
مسكت يدها بقوه ووقفت ببتسامه / آخخخ يلا مشينا
مشو وهم بطريقهم للقاعه كانو يسولفون
شوق وهي مبرطمه/ هيي نور , شسوي إذا رجعت الست تناظرين بهذيك النظرات؟
وقفت واقشعر جسمها لما تذكرت / يووه وربي تخوف وتقرف ما كأنها نظرات بنت
شوق تنهدت / وربي طيحت قلبي ببطني حسيتها شوي وتاكلني
نور ناظرتها من فوق لتحت بتفحص وما حست الا بـ ضربه أليمه على رأسها / آهههه يا حيوانه ليه تضربيني
شوق وهي منحرجه / خير ليه تناظريني بهذي الطريقه
نور ابتسمت/ اشوف وش الي عجبها فيك , تدرين مالومها لأنك اليوم ما شاء الله تبارك الله عليك طالعه قمر عيني عليك بارده ربي يحفظك من عين الحاسدين
شوق رفعت حاجبها وهي تناظر ثيابها
كانت لابسه بنطلون جنز أزرق مع تيشرت أحمر لنص الفخذ والكم طويل وواسع وبنهايته ضيق وكانت لابسه حلق أحمر نعومي مره وحاطه روج أحمر خفيف وخدودها موردة من الشمس وزاد حلاها شعرها المفتوح بلونه البني على الأسود الي يوصل لنص الظهر وحاطه عليه ربطه باللون الأحمر ومع ضوء الشمس طلع شعرها كأنها مشقرته وهذا غير عيونها الي ذابحه الكل بنات كانو او عيال , صحيح عيونها مو ملونه و بنيه لكن فيها براءة الكون كله ومع رموشها الخفيفه والصغيره إلى أن عيونها كبيره وحواجبها مرسومه رسم وانفها الصغير , تعتبر شوق أحلى وحده من بنات العيله
شوق وهي تفكر / والله مدري ماحس فيني شي يجذب يعني عادي شوفي هذي انتي وهذي أنا وانتي ما شاء الله عليك حلاوه ودلال مدري وش شايفه فيني هذيك لاحقتني..
نور كانت لابسه بنطلون اسود وتيشرت اخضر مكتوب بوسطه " Noor " باللون الذهبي " التيشرت هديه من اختها سندس " وكانت لامه شعرها الأسود على شكل ديل حصان وحاطه روج اورنجي خفيف ولابسه حلق باللون الذهبي وسلسال بسيط وناعم
وطالع شكلها طفولي وبريء جداً مع عيونها العسليه الصغيره ورموشها الكثيفه وانفها الصغير مرره
شوق وتذكرت /تخيلي أمس بعدما رحتي جت عندي وتقول خلينا نتعرف وبصراحه ما حبيت اكسر خاطرها وسايرتها وعاد اليوم نشبت لي
نور كملت مشي / تبين نصيحتي؟ خليكِ بعيده عنها مو مرتاحه لهالبنت أبد احس بتتورطين من وراها
شوق لحقتها وهي تضحك / هههههه وش قايلين لك البنت تاجرة مخدرات؟
نور بضيق / مدري والله ما حبيتها
شوق وقفت ونزلت راسها وبهدوء / يعني ما تحبيني؟
نور ابتسمت وهي تحط يدها على كتف شوق / انتي حياتي يقلبي كيف ماحبك؟ وبعدين شوفي الفرق بينك وبينها صحيح انك عربجيه شوي لكن مو مثلها تقولين عن نفسك رجال
شوق بنص ابتسامه / قرري يا قلبك او حياتك ما يصير الاثنين
نور مسكت ذراعها وهي تمشي ببتسامه / مقدر اقرر الإثنين زبايل مثلك ههههههههه
شوق وهي الثانيه ضحكت / هههههه انقلعي يا حيوانه
وكملو طريقهم ضحك وسوالف واخذو بهدله محترمه من الدكتوره لأنهم تأخرو عالمحاضره واخذو انذار وبعدها دخلو وجلسو جنب بعض.........
بالجامعه عند الشباب " رائد , ريان , ابراهيم "
" قبل المحاضره "
سلمو على بعض وجلسو بالكفتيريا
ريان يكلم ابراهيم ببتسامه / شخبارك يابو الشباب؟
رد عليه ببتسامه / بخير الله يسلمك ويسعدك وانت شخبارك وشعلومك؟
ريان بنفس الإبتسامه / يسرك حالي يالغالي , شخبار المعرس؟
ابتسم وهو يناظر رائد الي بادله الإبتسامه / بخير الحمدلله
ريان سند ظهره عالكرسي / وصلّه سلامي
ابراهيم كان شابك يدينه ببعض رد ببتسامه / الله يسلمك يوصل
بعد فترة صمت طويله قال ابراهيم / شعندكم اليوم بعد العشاء؟
رائد عاقد حواجبه و هز راسه / ولا شي
ريان / بنزور الاهل ويمكن نطول عندهم , ليه؟
ابراهيم ابتسم / خلنا نطلع الاستراحه نغير جو احس الجامعه جابت لي الكآبه
رائد بتأييد / صادق والله داومت يوم واحد ومليت
ريان ابتسم / تمام إذا بتروحون أنا معكم
ابراهيم ببتسامه واسعه / بكلم خالد يعزم مزيد وناصر وسامي وانتم إذا ودكم تعزمون احد لا تستحون
رائد يقلد البنات / ياااي أنا بستحي " وغطى وجهه "
وضحكو كلهم وبدو يخططون للطلعه ويعزمون الخلق < حشى ماهم بالجامعه
بجامعة خالد وسامي
خالد وصلته رساله من ابراهيم قبل يدخل المحاضره محتواها " اليوم نبي نطلع الاستراحه علم مزيد والشباب "
رد عليه بـ اوكي وكمل طريقه
بعد ما انتهت اول محاضره شاف سامي وراح متوجه له
سامي ببتسامه واسعه / يا هلا وغلا بمعرسنا الغالي
خالد رد الابتسامه وهو يضمه / هلا بك زود يالحبيب
سامي مازال مبتسم / شخبارك وشعلومك؟" وغمز له " تنصحنا نعرس ولا بلاها؟
خالد ضحك / ههههههه الله يرجك تراها ملكه مب عرس
سامي هز كتوفه / نفسه أهم شي ما عدت عزابي وبتصير ممل مثل الشياب
خالد نفخ صدره وضرب عليه / حبيبي الدنيا كلها تتغير لكن خالد؟ مـسـتـحـيـل
سامي ابتسم وبانت اسنانه / تعجبني والله يابو الثقه
خالد بمزح / تخيل عاد اسمي ولدي الثقه وربي الولد ينتحر هههههه
سامي زادت ابتسامته / لا خلاص تأكدت مستحيل تتغير ، الناس يعرسون يعقلون ويبطلون كلام البزران لكن انت ؟ الله يستر علينا وعليك
خالد ضرب سامي بكتفه / مو بزر إلا انت يالقوطي
سامي ابتسم و رد الضربه / مو قوطي إلا انت يا وجه التيس
/ وش هالالفاظ الشينه يالفاسقين
خالد وسامي التفتو بفزع وبعدها تنهدو براحه
مشاري صديقهم ضحك وهو يتوجه ناحيتهم / هههههه وربي انكم جبناء
سامي رفع حاجبه وقال بسخريه / حبيبي لو تجرب الي جربناه تعرف ان الله حق
خالد يكمل / إذا ما جربت تحمل مادتين بسبب دكتور حقد عليك لا تتكلم عن القهر
مشاري تكتف ببتسامه / بس أنا ماجبت سيرة القهر
خالد ابتسم/ ياخي سلك مو لازم تدقق بكل كلمه والثانيه
سامي غمز لمشاري وبمزح / خذه على قد عقله
خالد رفع حاجبه / شقلت؟
سامي ابتسم/ قلت اني احبك ومقدر اعيش بدونك انت اكسجين حياتي ونبض قلبي يامن ملك كياني و...
قاطعه خالد بضحكه عاليه / ههههههههههههههه يرحم امك اسكت شفيك قالب شا###
غمز / نقلب لعيونك
مشاري / المووهم يا شباب أنا استأذن
خالد / على وين؟
ابتسم / والله يا طويل العمر حصل معي ظرف طارئ ولازم اخرج
سامي بشقاوه / لا يكون جتك الـ### الشهريه
ههههههههههههههه
مشاري دخل معه الجو / اوه كيف عرفت
خالد متفشل / يا كلـ### استحو على وجيهكم وش هالحكي
مشاري بخبث/ مسوي نفسك العاقل البريء يالعريس " وغمز له "
خالد فهم قصده وضربه بالكتاب على وجهه / الشرهه على الي يكلمكم " وراح عنهم "
مشاري وهو يضحك / ههههههه بفهم هالرجال من وين جايب كل هالخجل
سامي ابتسم / تعرفه ما يحب هالسوالف , يلا امشي نراضيه والا ما يغششنا بـ أيام الإختبارات هههههههه
وراحو وراه صارووخ يراضونه......
" توضيح "
ذكرت بالبارت الثالث ان سامي مسافر لألمانيا ثلاث شهور
لكنه الغى رحلته بسبب تعب امه المفاجئ ^_^
نرجع عند شوق ونور
بعدما انتهت المحاضره توجهو للكافتيريا وجلسو يسولفون
شوق / نوير شرايك تجون عندنا اليوم؟
نور برطمت / مدري والله ماتوقع ماما ترضى
شوق ابتسمت / لا ابشرك بترضى لأن خالتك طبطوب بتجينا
نور بفرح/ احلفي " وحطت يدها على خدها " من زمان عنهم وربي مشتاقه لهم حييل
شوق زادت ابتسامتها وهي تشوف فرحة صديقتها / يلا اتصلي بـ أمك وعلميها انك بترجعين معي وهي تكلم ناصر
نور ما صدقت خبر على طول اتصلت بـ امها / يمه طلبتك قولي تم
ام ناصر / الناس تقول السلام عليكم هلا شخباركم وش الي طلبتك ما طلبتك
نور برجاء / يمه يمه بليز بروح مع شوق بيتهم خالتي بتروح لهم
ام ناصر ابتسمت / ما شاء الله تمام يقلبي انتبهي لنفسك زين ولا تطولين
شوق سحبت منها الجوال / الووو هلا السلام عليكم شخبارك خالتي؟
ام ناصر فرحت / هلا وغلا وعليكم السلام بخير الحمدلله وانتي طمنيني عنك يا بنتي
شوق ببتسامه / الحمدلله يسرك حالي , خالتي شرايك تجون انتي وريوم بعد؟ والله ما تحلى الجمعه الا بوجود الحبايب كلهم
ام ناصر / والله يا بنتي مدري
قاطعتها شوق برجاء / خالتي بليز عشاني " وبرطمت ببراءة "
نور بنص ابتسامه / ترى ما تشوفك
شوق ضحكت على غبائها / ههههههه مالك دخل " عضت لسانها يوم تذكرت المكالمه " ها خالتي شقلتي؟
ام ناصر ببتسامه / وانا اقدر ارفض اي طلب لـ بنتي
شوق زادت ابتسامتها وبخجل / تسلمين والله
نور كانت حاطه يدها على فمها كاتمه ضحكتها على شكل شوق, محد يقدر يخجلها غير الامهات بكلامهم المعسول
شوق بنظرات وعيد / انزين خالتي تامريني على شئ ؟ ما بقى شي على المحاضره
ام ناصر بحنان / سلامتك يبنتي الله يحفظك ويسعدك
شوق غصب عنها تبتسم / امين يارب أجمعين في امان الله
بعدما سكّرت نطت على نور وصارت تخنقها / هين يا حيوانه تضحكين علي
نور اطلقت العنان لضحكاتها / ههههههههههههه وربي شكلك تحفه وانتي خجلانه ههههههههههه مو لايق عليك ابد ههههههههههه
شوق بعدت عنها وهي مبرطمه / انقلعي شسوي عاد كلام مامتك حلو ويخليني اضحك واخجل غصب عني
نور قامت تقرص خدودها / يا الله فديت الخجوله كنة ماما " ورجعت تضحك " ههههههههه
شوق رفعت حواجبها / نوير شاربه شي؟
نور غارقه في الضحك / هههههههه ايـ هههههه ايه شاربه هههههههههههه حشيش ههههههههه
شوق قامت بسرعه وحطت يدها على فم نور وهي تقول من بين اسنانها / فضحتينا يالحيوانه اوص وربي لو سمعو كلامك يشتكون عليكِ
نور بعدت يد شوق وارخت ظهرها عالكرسي وببتسامه واسعه / اعلى ما بخيلهم يركبو
/ شوق ونور
التفتو على مصدر الصوت وهم متفاجئين
هدى بخوف وهمس / سمعت البنات انهم يبون يبلغون الاداره عليكم بتهمة الإزعاج
شوق بنفس الهمس / ليه حنا بمركز الشرطه عشان في تُهم وبلاغ؟
نور بنظرات ساخره / هذي الي كانت تقولي شاربه شي , شايفه نفسك هالحين؟ وربي لو انطردنا وين نروح بوجيهنا
شوق جلست براحه ولا همها شي / لسه قلتي اعلى ما بخيلهم يركبو وين راح كلامك؟
اقترب لما شافهم / وش صاير؟
هدى وهي متكتفه وتلعب بسلسالها وواضح عليها الخوف والتوتر / مشاعل وشلتها رايحين يشتكون على شوق ونور
فهد بنص ابتسامه/ ولا يهمكم خلوهم علي " وراح "
نور بعيون متسائله / من مشاعل؟
هدى تنهدت وجلست / هذي عزيمة اكثر شله مشكلجيه بكل الجامعه كل ما جاو بنات جدد يسوون معهم مشاكل ويفترون عليهم وكل وحده تشهد زور لخويتها
شوق تعدلت بجلستها وبحماس / واااو ودي اشوفهم
هدى هزت رأسها / صدقيني ما ودك
نور ابتسمت / لا تغرك براءة وجهها تراها انسانه مستفزه لأقصى حد , اذا شافت شخص معصب تروح تطقطق معاه وتمزح وتضحك لما تعصبه زياده واذا شافت شخص مشكلجي تروح تغيضه وتتمشكل معاه لما يعتزل المشاكل كلها
شوق كانت جالسه بكل فخر وهي مبتسمه وكأنها تسمع مدح مو ذم
هدى وعيونها على شوق / الي يشوفك يقول الأخت رابحه ملايين
شوق هزت كتوفها ببتسامه / احس بالفخر لما شخص يقول عني هالحكي مادري ليه
هدى بنص ابتسامه / لأنك مجنونه
نور ابتسمت/ في هذي صادقه
جاء وجلس قرب شوق ببتسامه وراحه / تمت العمليه بنجاح
ابتسمت هدى وهي عارفه ومتاكده انه مهددهم بشئ وقالت شوق بفضول / وش مسويه معهم يالشيطانه؟
فهد سكت ولا رد وشوق انحرجت
هدى حست بموقف شوق فقالت تتظاهر الغباء / الا وش حصل معك فهود؟
فهد ببتسامه / العام سجلت لهم مقطع فيديو وهم يشتمون الدكاتره والمديره واليوم هددتهم فيه
نور ابتسمت/ وربي انك ذكي
شوق ناظرتها ورجعت تناظر الطاوله بشرود
فهد حس انها سكتت بسببه فقال وهو ينزل من الكرسي ويجلس على ركبته قدام شوق ويمسك يدينها / أنا آسف شوق بس ماحب لما تكلميني بذيك الطريقه بليز تفهمي وضعي
شوق مازالت شارده بملامحه الانوثيه المغطى بـ اهمال عائشه لها وملمس يدينها ناعم بعكس شوق الي يعتبر يدها اخشن ,, تنهدت وهي تبعد عيونها وتقول ببتسامه / شرايكم بكرا نطلع نتغدا بعد الجامعه ؟ طبعاً إذا الأهالي وافقو
نور لوت بوزها/ ماتوقع ماما توافق " وابتسمت بخبث " الا إذا كلمتيها انتي
شوق هزت رأسها / يصير خير , وانتو يا هدى وفهد
فهد ابتسم بفرح / بالنسبه لي تم معكم يعني معكم
هدى هزت كتوفها وبحيره / مادري والله بكلم اهلي وارد لكم خبر
شوق وهي تخرج جوالها من الشنطه / ارقامكم بليز
تبادلو الأرقام وكل شخص رجع لمحاضراته لما أنتهى الدوام ورجعو فهد وهدى لبيوتهم ونور وشوق وقفو ينتظرون مزيد يجي ياخذهم..........
مر الوقت سريع جداً تجمع الكل ببيت ابو ماجد واتفقو يسهرون مع بعض والشباب جهزو اغراضهم وطلعو للإستراحه ليومين تاركين وراهم الجامعات وهمها
[خلوني أوصف لكم بيت ابو ماجد]
بيت ابو ماجد مكون من ثلاث ادوار
الدور الاول والي هو الأرضي فيه جناحين
واحد لام وابو ماجد والثاني غرف للضيوف
وبوسطهم صاله كبيره جداً ووسيعه
وبنص الصاله في درج ياخذكم للدور الثاني
والي هو للبنات والشباب
ثلاث غرف للبنات وغرفتين للعيال
شوق وساره بنفس الغرفه
اميره وقمر بنفس الغرفه
بدريه لها غرفه صغيره منفرده
والعيال مزيد ومروان بنفس الغرفه
وماجد بغرفه كبيره ومنفرده
الدور الثاني يعتبر اصغر من الدور الأول لكنه الأجمل
والدور الثالث فيه فقط غرفه وحده متوسطه الحجم وفيها حمام صغير الله يعزكم والباقي كله مكان مفتوح يعني " سطوح "
من الباب الخلفي للبيت فيه حديقه كبيره جداً وجميله
بوسطها نافوره متوسطه الحجم تزيّينها انوار ملونه
وطاوله كبيره جداً مكونه من اربع وعشرين كرسي
وفي جلسه حلوه من الجهة اليمنى في الحديقه
والورود تملئ الحديقه وخصوصاً قرب الجلسه في انواع واشكال بعكس باقي الحديقه فيها فقط ورد زهري
وقبال الجلسه في الجهة اليسرى في ثلاث مراجيح
وفي غرفه صغيره تعتبر المخزن مثل ما ذكرنا بوحده من البارتات السابقه
ومن الباب الرئيسي للبيت في حوش صغير
نرجع للأحداث ^_^
عند البنات بالدور الثاني في غرفة قمر واميره
كان الكل جالس بالارض ومسوين دائره يلعبون جرأه وصراحه
شوق وهي حاطه كوعها على ركبتها اليمنى قالت بدفاشتها المعتاده/ الي قدها تلعب او تقلعو عن وجهي
نور رفعت يدها وبنفس طريقة شوق / قدها وقدود
ريما وبدريه وهنادي وقمر رفعو يديهم / قدها
شوق ناظرت البقيه / اميره وساره واريام ما ودكم تلعبو؟
أريام وعيونها على ساره واميره / تلعبون؟ ولا شرايكم ننزل الحديقه؟
شوق وهي تهز رأسها / آخخ يالخونه تطلعون وحنا نلعب؟ الله فوق
اميره ببتسامه / إذا ودك تعالي ننزل
وقفت أريام ومعها اميره وقالو لساره / ما ودك ؟
ساره وقفت / بروح غرفتي شوي والحقكم
هزو رؤوسهم وخرجو ومعهم ساره وكلٌ توجه لطريقه
شوق ابعدت عيونها عن باب الغرفه وقالت بحماس / يلا اول شي أنا ٫
مدت يدها وصارت تدوّر قارورة المويه ووقفت على
نور ببتسامه وسيعه / أنا بسأل هنوده
هنادي تنهدت وهي مبتسمه / امرنا لله تفضلي ست نور
شوق تدخلت/ بكيفك؟ هي تختار جرأه ولا صراحه
هنادي عضت لسانها/ صح والله نسيت ،، أختار الجرأه اسهل
نور بوت بوزها / كنت مجهزه سؤال خطيير " وصارت تفكر " اممممم طيب " وابتسمت " قومي ونزلي تحت وقولي لخالتك الي هي امي أنا أحب ولدك ناصر وابي اتزوجه
هنادي شهقت / وربي تنقلعييين مااابييي غيّري غيّري
نور رفعت كتوفها ونزلتها / انتي اخترتي جرأه تحملي ماجاكِ
هنادي جلست مبرطمه / خلاص بغير أبي صراحه
شوق وتناظر نور / موافقه على تغييرها؟
نور ابتسمت بخبث / أكيد
هنادي كشت عليها/ مالت عليك من بنت خاله
نور ضحكت / ههههههه في اللعبه مافي بنت خالتي ولا اختي " أخذت نفس وابتسمت " السؤال هو ,, تحبين ؟ ماتقولين ايه امي ما امي حنا نقول عن الحب هذاك الي ببالي بالك
هنادي ضحكت / هههههه أنا ببالي حب الأخوة
نور / اجل الي ببالي أنا وشوق
شوق ضحكت / هههههه فديت من حفظني
قمر / اص انتي وياها ويلا هنوده جاوبي
هنادي وجهت نظرها للكل / اممم بصراحه ,, لا ماحب احد ولا قد حبيت
وقبل احد يناقشها بالموضوع دورت القاروره بسرعه وجاء على قمر وريما
ريما ببتسامه / ها قموره جرأه ولا صراحه؟
قمر بنفس الابتسامه / صراحه أكيد
ريما وهي تفكر / صراااحه اهممم ,, وش سر طبخاتك؟ كل وحده أحلى من الثانيه ما شاء الله
بدريه / يا حيوانه اسألي شي صعب وش الي سر الطبخ مالت عليك
ريما ببراءه / طبخها حلو ودي اعرف مكونها السري عشان اكون طباخه ماهره مثلها
هنادي كشت عليها / مالت مو هامك الا بطنك
قمر ضحكت على هواشهم/ هههههه خلاص مستحيل اسمح بتغيير السؤال ,, سر طبخي هو حبي الكبير للطبخ و التغيير والتنويع في الأكلات ومثل ما يقولون لو تحب أي شغل رح تبدع فيه
شوق ببتسامه وعبط / كلام من ذهب صفقو لها
وبدا الكل يصفق ويضحك... واستمرت اللعبه ضحك واحيانا هواش بطلب تغيير الاختيار والكل مبسوط وفرحان
في الاستراحه عند الشباب
ناصر وخالد كانو محور الحديث في الاستراحه
ناصر يأشر على خالد / أقول أنتم يالخدم كم صار لكم تنافسون عالهبوط؟
خالد ببتسامه / حبيبي اننا ننافس عالهبوط افضل من اننا نلعب ونتعب واخر شي الصداره مب لنا
ناصر بنص ابتسامه/ المهم اننا اول فريق وصل العالميه
خالد بسخريه / اوه يالفخر ما وصلتو له الا من الحقره والبقره ههههههههه
ناصر قلب عيونه / حقره بقره ولنا الشرف وافضل منكم بمليون مره
خالد ببتسامه جانبيه / أحب اذكرك حنا اكثر فريق له جمهور كبير جداً رغم عوائقه بآخر السنوات الا اننا تمسكنا فيه لآخر اللحظات والحمدلله ما خاب ولا بيخيب ظننا بالعميد
مزيد ماسك راسه / هالحين ماعندكم سوالف غيرها؟ كل ما اجتمعتو بمكان لازم تتناقشون بهذا الموضوع ما مليتو؟
خالد ابتسم / اجل تبينا نتناقش بالموضه والماركات؟
ناصر بدلع ماصخ / خلودي حبيبي
خالد بدلع يلوع الكبد/ لبيه نصوري قلبي
ناصر وهو يلعب بأظافره / سمعت اخر خبر عن ماركة اديدس
خالد وهو يحرك عيونه بدلع / لا حياتي شفيها؟
ناصر / مدري بس اسمها يشبه المسدس " وضحكو خالد وناصر مع بعض " هههههههههه
مزيد كان يراقبهم بصمت وهو رافع حاجبه
فارس ضحك/ هههههه وضعك مضحك يا شباب
ناصر+خالد / وليه إن شاء الله قالو لك مهرجين؟ " التفتو لبعض وابتسمو " القلوب عند بعضها ,, ورجعو يضحكون من جديد,, ههههههههه
مزيد يهز راسه / الله بلاني بأصحاب دقيقه ملائكه ودقيقه حتى الشياطين تسجد لهم الله يعينّي
ناصر ابتسم ووجه نظره لخالد الي بادله الإبتسامه/ حنا اصحاب واحباب
خالد يكمل/ والهواشات هذي هي أساس علاقتنا
سامي ببتسامه وهو يأشر على جهة خالد وناصر/ كلام من ذهب صفقو " بدأ يصفق ويضحك ولما شاف ان محد سايره تفشل وسكت "
خالد + ناصر فقعو ضحك / ههههههههههههههههههه مسكين طاح وجهك
سامي ابتسم ورمى الخداديه عليهم / مالت عليكم وعلى من يدعم حكيّكم
خالد سند ظهره / أنا عن نفسي جلست علي
ناصر بنص ابتسامه/ وأنا سلمت علي
سامي وعلى راسه علامات استفهام ؟؟؟؟؟؟؟؟
مشاري / انت قلت مالت عليكم وهم يقولون جلست علينا وسلمت يالفهيم
سامي ابتسم/ مين الي جلست وسلمت عليكم " وغمز لهم "
ناصر بدراما / الي اسرت قلبي وكياني وضيّعتني في زماني
الشباب كلهم / هوووو خف علينا يارجل
ناصر اكتفى ببتسامه وسيعه وجميله
مشاري وهو ناوي على خالد قال بخبث/ وانت من الي جلست عليك؟
خالد وعارف حركات مشاري قال ببتسامه / سامي ما يبي يعرف
سامي بإعتراض / الا ودي اعرف بسرعه
خالد وهو كاتم ضحكته / وداد
سامي وكأن احد كب عليه مويه بارده / غيرو الموضوع بسرعه
مشاري عاقد حواجبه / ليه؟
سامي بصوت مرتفع شوي / مالك دخل غيروووه
خالد ما قدر يمسك نفسه وفطس ضحك / هههههههههههههههههههههههههههه قلتلك سامي ما وده يعرف هههههههههههه
مزيد عاقد حواجبه ويفكر / وداد بنت العم صح؟
سامي يحس وجهه تحمر من ذكرى ذاك اليوم رماه بعلبة المنديل/ اووص ما تفهم انت " وأخذ قارورة المويه ورماها على خالد " وانت الثاني اسكت لا اتوطى ببطنك
جت علبة المنديل بصدره لكن لا جدوى خالد تسدح بالارض ومستمر في الضحك
سامي بعتاب وزعل / خالــد
خالد هدا شوي وقام عن الارض ويده على صدره / ابغى مويه
قام ناصر بسرعه وجاب المويه ورجع / تفضل
خالد ابتسم له ولا قال شي وشرب من المويه شوي وحطها / اوه بغيت أموت
سامي لاوي بوزه/ كان ارتحنا منك
خالد ابتسم / اسفين يالغالي
سامي تنهد / ماتشوف شر
مشاري بفضول وتساؤل/ هالحين شسالفتها وداد؟
خالد رفع عيونه لسامي فقال / قولهم والا ما يتركونك في حالك
خالد ببتسامه / إذا قلتلهم ما يتركونك انت
ابراهيم بنفاذ صبر / ياليل اخلص وقول يابو الدراما
سامي صغر عيونه / غريبه توقعته قايلك كل شي
خالد ببتسامه/ كلام اخوي ما انقله للثاني
سامي ابتسم/ تسلم والله
مشاري حط يده على راسه / دراما جديده
يتبع........
الشكر لك على حضورك المميز ياحلوة