أسكت ياجرح وهنة الجروح هواي

[الغريب]

اظمك سر عليه وبيه اسولف بيك
شيسکته الجفن لو بیك من یسمع
جابوا مره اسمك وانذکر طاریك
ولو شايف عيوني بلا دمع تدمع
بجيت اعليك واكثر من بجي العین
من یوم الغبت لليوم لوتجمع
تعال وشوف حالي شلون ظليت
اعد ايام بعدك وادري ماترجع
يمرني الليل غبشه امعاگب الليل
ويصحي اجروح بيه اتريد دم ترضع
أسكت ياجرح وهنه الجروح اهواي
ضاكت بيه روحي وجسمي يتگطع
تهت بغياب عينك مني راح الشوف
وتشوف گلوب عميه وعيني ماتقشع
تعال اجروحي گامت تنزف اجروح
ويهد جبال صوتي وانته ماتسمع
من تواعدني بمطر وانه بحضن تموز
اصدگك ياگلب وابقى العمر ناطر
انه بكلمة احبك تمتلكني اجناح
وتحط بيه المنايه اعله السواتر
گلب سمجه انه گلبي ووكتي بركان
وشيصبرها روحي اتعيش باچر
تمنيت انه اشوفك گبل ماموت
وماريدك تجيني وماني حاضر
وماريدك تجيني وماني حاضر
م ن

 

[الغريب]

 

[الغريب]

 

[عبير الياسمين]

جابوا مره اسمك وانذکر طاریك
ولو شايف عيوني بلا دمع تدمع
بجيت اعليك واكثر من بجي العین
من یوم الغبت لليوم لوتجمع

حلوة جدا ومليئة بالاحساس عاشت ايدك

 

[الغريب]

حلوة جدا ومليئة بالاحساس عاشت ايدك

انرتي عبير
كلك ذوةق

 

[الغريب]

شاكر مروررركم
جميعا