أحبك

[ريـ م]

تنام الناس وارصفت المدينة باللقى تدري
سرقتك هذي الليلة م ابيها تمر من دونك

توسد قلبي الساهر، واغازل شعرك التمري
بأصابيعي وتتنفّس عطر بخصاله مجسونك

واحط يدي على قلبك واقول انه تحت امري
وعلى خدك حييت الليل ارتل الشعر لعيونك

أحبك يا يباس الشوق واحبك يامطر عمري
انا اعشقك انا اهواك انا بالحب مجنونك

وامـرني وتتـدلـل على بـالـك شنـو يـطـري
إذا مليت من دنياك اغيّر لك نظم كونك

ادفّي لك شتاء بارد واخلي الصيف لك مطري
وانوّر لك ظلام الليل واسوّد الصبح لعيونك

واحط الشمس في يمناك واخلي هالقمر يسري
ليكتب في عتم جهلك انا مجنون بجنونك

واطفي لك حروف الشوق واسرج بالغزل شعري
واذا تضحك على ابياتي تجيب الصبح بسنونك

ولو بيدي على شانك شسوي يا بعد عمري
قسم بالله ما تعرف غلاك بصدر مفتونك

على التاريخ بالدنيا نسجتك نور في حبري
بحور الشعر تتسابق عشان ارضاك وعيونك

رمش عينك يساوي الكون وعينك كوني السحري
ولك عالم وسط قلبي، واعمي العين الـ تخونك

وأحـبـك لآخـر الدنـيا وأحـبك دون مـا أدري
أحبك دون أي معنى بمعاني تختصر كونك


ريم الشمري

 

[ندى الورد]

والنعم وثلاث انعام بريومة
شهادتي فيك مجروحة قلم
فخم وموزون ليه عودة تليق
لايليق مررور سريع تختم
بحب

 

[روح أنثى]

صح نبضك
قبل لسانك
قصيدة مميزة
ذات طابع فريد
القوافي فيها حنان
والسطور مصاغة بإتقان

دام إبداعك أيتها الـ @ريـ م
يذهل عيون الذوق