علموك القساوه وأنت طبعك حنون

[رااشد]

علموك القساوه وأنت طبعك حنون
ياترا كيف تجرح بالهوا من هواك

عقب ماني بغالي صار دمعي يهون
لية ترخص دموعي وأنت تعرف غلاك

ليه تطعن خفوق عذبته الطعون
الف جرح(ن) تركته بالحشى ماكفاك

لا حصل منك جرح أقول عادي تمون
لعنبوها ميانه يالغلا وش بلاك

كنت أول حبيب وكنت أخر جنون
وكنت أراهن على حبك وأدور رضاك

وكنت دوم أرفعك وأقدرك وأنت دون
شفت يومك معي كيف إرتفع مستواك

وأنت عيشتني حب وغرام وشجون
وانتها بي غرامك في شباك الهلاك

ما حسبتك كذا كنت أحسبك ماتخون
لين ماخنت شوقي وانكشف لي غطاك

جيت يمك بشوق ورحت منك مغبون
دام هاذي فعولك خل ماك بسماك

بالسلامة مادامك للهوى ما تصون
قلبي اللي سليته في غيابك سلاك
م ن

 

[صمت البوح]

بالسلامة مادامك للهوى ما تصون
قلبي اللي سليته في غيابك سلاك

ما اجملها من أبيات
صح لسان قايلها وشكرا لنقلها

 

[رااشد]

ما اجملها من أبيات
صح لسان قايلها وشكرا لنقلها

ا نرت اخي صمت
شاكر مرورك
دمت بود