عن زلزال مصر أتحدث

[ملاذ أمن]

في ناس لما حصل الزلزال، قلبت الموضوع هزار وكوميديا وتريند ، كحيلة نفسية للهروب من التوتر والخوف
وده طبيعي لأن وقت الخوف الشديد ، كل واحد بيعبّر عن شعوره بطريقته .

لكن لما الهزار يزيد ويتحوّل لتهوين أو تقليل من حجم الحدث الكبير
الموضوع بيفقد معناه الأهم، وبيخلينا نعدّي من غير ما نفهم رسالة ربنا لينا !!

الحدث عظيم وبيفكّرنا بحقيقتنا كبشر :
احنا محدودين، مش مسيطرين ومتحكمين ، ضعاف قدام أحداث الكون والحياة ، ومحتاجين ربنا عشان نقدر نكمل ..

واللي ما حسش بالزلزال رحمة من ربنا بيه
مش عشان جلده تخين، ولا جامد ولا هو بنفسه زلزال ولا أي حاجة يا فنان !!

تهوين وتقليل من حجم الحدث حتى لو حيل دفاعية مستمرة والتفاعل على انه مادة للضحك
هيسرّب لقلبك حالة من الغفلة، وانت محتاج الوعي واليقظة والبصيرة الآن ..
وهيطفّي إحساس مهم كان ضروري يفضل صاحي جواك لحدما يحركك تتعامل صح .

يعني خاف من الزلزال وشوف رسالة الخوف بتقولك انت محتاج ايه ؟!
(احرص على ما ينفعك)

زلزال مصر​

 

[ندى الورد]

كلامك صح ومااعليه غبار
فعلاا ولازم نووقف وقفه
ونتفكررر في حكمة ربنا ونبتهل
بالدعاء والنقرب ونصحو من غفلتنا

بس احيانا رددات الفعل بتكون عن تهدئة
الخووف الشديد فبيهونو ع نفسهم
مووضوع مفيد جززيت خيرا

 

[هدوء]

حفظ الله مصر واهلها ..

والانسان في مثل هذة الأمور يتقرب

الى الله ..

فلايرد القدر الا الدعاء ..



مقال جميل

 

[عاشقة الكتابة]

فعلا الامر خطير الم يرون ما حدث في تركيا وسوريا كانت دقائق فقط دقائق هدمت العمارات ومباني كان الامر مرعب جدا هذه كوارث ما هي الا رسائل من الله لبعدنا عن الدين و انشغالنا بالدنيا التي مصيرها الزوال

 

[سمارة]

الله يحفظ مصر واهلها
وجميع بلدان العالم
جزاك الله خيرا اخي

 

[عاشق بلا جواد]

حفظ الله المسلمين