ضاقت الدنيا بعيني ....واظلمت فيني مدينة

[رااشد]

ضاقت الدنيا بعيني واظلمت فيني مدينه ..
من بعد ما ودّع اللي .. ما اعيش انا بدونه


يا ضياع الحال فيني لفني ثوب السكينه ..
السما تبكي قهرها والفضا ضاقت ركونه


يلعن اوقات الموادع؟؟ تذبح العمر وسنينه ..
كيف اعيش اللي بقالي دونما طلة عيونه


فرحتي من يحتريها ..وداخلي الله يعينه ..
والشعور اللي سكني كان رب الكون عونه


يكفي سّلمته شعوري واعتبرته والدينه ..
قلت له سمّه بكيفك وإعتني بكامل شؤونه


كيف افرط في حبيبي وارضى يتركني حزينه ..
كيف ودّع قلبي اللي ما رضى انه يخونه..


البلا اني رضيت وكلمة المسلم تدينه ..
ولو يعوّد بي زماني .. ما رضى قلبي جنونه !


هالشقا والدمع فيني ونبضة الخافق ونينه ..
اذبحوني في مكاني واعجزوا لا يوصلونه


من رحل عني وقلبي كنهم الا ذابحينه ..
يطعنونه يطعنونه يطعنونه يطعنونه


رجعوه لشوف عيني رجعوا ايدي ف إيدينه ..
اااآه وينك يا عيوبه؟؟ غيرته !! \ كثرة ظنونه


قسوته لحظة زعلنا همسته لحظة حنينه..
رهبته حزة حضوره هيبته ضجة سكونه


ما حسبت اني رهينه لين خلاني رهينه ..
يوم ودعني عرفت إني انا ملك ٍ لكونه..


لو نكرت الحزن فيني ودي اظهر مستهينه ..
احرج احساسي عيوني وقال والله يعرفونه ..


الحزن بحري ودمعي مبحر فبحري سفينه ..
والشراع هموم صدري والشواطي يحترونه


طفلة ٍ تسكن شعوري ذاقت احساس الغبينه ..
التهت فيه بمواجع وانتهت بأقصى سجونه..


حدها جاحد زمنها بالسكاكين السنينه ..
فالقهر كانت تعاني والقهر مابه ليونه..


شابت بعز الطفوله ومالها احد ٍ تدينه ..
الامل مات بحشاها والمواجع يدفنونه


ما نطق الاحساس فيها الا مع طلة جبينه..
يوم اقبل من غيابه وعانق عيون ٍ يبونه..


الله حيها يا عيونه حي هالمشيه الرزينه ..
حي صوته حي زوله حي احساسه ولونه


من بعد ما ضاقت بعيني شوارع هالمدينه..
شوفوا الدنيا وسيعه شوفوا الدنيا عيونه..
</b></i>

م,ن

 

[رااشد]

 

[ندى الورد]

كلمات راقت لي
وجميلة معبرة

 

[رااشد]

كلمات راقت لي
وجميلة معبرة

مشاهدة المرفق 162209

العفوو مديرتنا
سلمت يدأك
وجمال اطراااىك
الروعه والذووق

 

[بنت السحاب]

رااشد
اشكرك على حسن النقل وطيب الإنتقاء..
جميلٌ كأنت بل انت أشد جمالا

 

[رااشد]

رااشد
اشكرك على حسن النقل وطيب الإنتقاء..
جميلٌ كأنت بل انت أشد جمالا

انرتي استاذه
بنت السحاب

 

[العذبه]

ابيات رائعه
تسلم الايادي
دوم الإبداع والتميز
تحياتي

 

[رااشد]

ابيات رائعه
تسلم الايادي
دوم الإبداع والتميز
تحياتي

كلك ذوووق
العذبه
ششاكر لك مروررك