(( مقهى البوح الشعري ))

[ماهر_94]

هنا في مقهى البوح الشعري تستطيع بوح بما تشعربه شعراً سواء اكان من تأليفك او منقول … المهم تكون ابيات شعرية على ذوقك … ارجوا التفاعل

 

[ماهر_94]

كالولي اكتب غـــزل لاتكتب أنت احزان
أفتحت باب الغــــزل لني صرت حيــران
ياناس شأكتب شعر شأوصف اعز أنسان

 

[ماهر_94]

مو ذنب المخدة الذنب من الراس
ذنـب الشوگ لمّن ينگلب وسواس
ذنب الروح من تحن حنين النوگ
و الــونّــه الخفية تگطع الأنفاس
و الشمات يدرون الوجع من وين
و گـالـوا لا تلجّ و نـام مثل الناس

 

[ماهر_94]

ما ملـيـت منك و أنته تعرف زيّـن
صعبه على الگلب لو عاف شريانه
و صعبه على الورد لمن يعوف الماي
و أنـــا بـغـيـبـتـك ورداتــي ذبـلانـه
يـل ماخذ خيالي اشلون اعوفك گول
تصدق ان روحــي بــغــرامــك حيرانه

 

[ماهر_94]

زرعي الزرعته ويـاك شو خضر و مات
ضاع التعب يا حيف وسفه و حرامات

 

[ندى الورد]

ولايهمك نثبته مااهرر

 

[ماهر_94]

شفتك بالحلم فزيت أدور عليك
نسيت انة صحيت وبالحلم عفتك
اعاين بالوجوه وانت ما موجود
ما معقولة يمي وإني ما شفتك

 

[ماهر_94]

يسقط سجن شوكك ولك مو ملّيت
ما مرّة رحمت بحال مسجونك
شفتني لوحدي وأنت جمالك جيش
واحتلّيت قلبي الماكدر دونك
راح أدخل حرب صبرك بدون سلاح
واشمّت بيك كلّ المايكدرونك

 

[مــاجــد 💯]

سهرت مع ولفي ليالي جميلات
قلبي صافن فيه وأنا مثله صافن

وأنفاسي أنا ويّاه بالحب نسمات
في هوى شعري شعوره مواطن




طرح راقي
عوفيت ماهر

 

[بنت السحاب]

ماهر_94

مساحة يسودها الشعراء
و تأسر متذوقين الشعر..

سأكون دومًا هنا..

أن شاءالله يعجبك بوحي

 

[بنت السحاب]

أنتَ نبض، لا جيت تنساب كلك
وآحس كلي نابضك دون تفكير

أما آخذك كلك أو أرميك كلك
ما جاز لي نصك ولا جاز لي الغير

أملك قلب في داخلي ما يملك
آحس بأضلاعي إذا جيتني، اطير

بنت السحاب

 

[عابر الأوهام]

عاشت ايدك على الموضوع الجميل
فالشعر مراة القلب
---------------------------------------
الدهر متعبني كلش حيل ... يا صاح
وطبيب منين اجيب اليوم ... ياصاح
غلط دنياي كَلي ششفت ... يا صح
وموازين الدهر شبجت عليه
بقلمي
(ابوذية عراقية)

 

[بنت السحاب]

تذكر لقانا بآخر الليل وش كان
نزعج نجوم الليل واهل المدينة

حتى نهينا الليل لنوم ولهان
مانام طرف الليل حتى غفينا


بنت السحاب

 

[عابر الأوهام]

تدري من يمر طاريك؟
يطير النوم من عيني
ميته وتعدل سنيني
يضخ دم بشراييني
يالمضحكني ساعة
وساعة انت تبجيني
بقلمي

 

[بنت السحاب]

ملاكي لو يمس البحر يحلّي الماي ويصفي له ❤
بنت السحاب

 

[بنت السحاب]

ما فيه منك بين الرجال اثنين
ومالك شبيهٍ بالبشر غير ظلك

من قارنك بأشباه ما يمتلك عين
خله يشوفك بس بعيون خلك

بنت السحاب

 

[عابر الأوهام]

لو مسيته
متيه صبحي وكته ... لو مسيته
ناعم وجن ولفي ... لو مسيته
البحر مالح ويحلا ... لو مسيته
عسل سواك معبود البريه
بقلمي

 

[عابر الأوهام]

بيتك
تعال اكَعد بكَلبي صار ... بيتك
جديد الفيسبوك وصار ... بي تاك
العكَل مجنون تك وصار.. بي تك
انكَطع وتسودنت غصبا عليه
بقلمي

 

[ندى الورد]

يصير هنا نكتب شعر منقول
ماهر_94

 

[فارس الفارس]

لا احبه ولا يحبني ما اريد

ليش عذِب الروح خل ابقى بعيد

آني مرتاح من همٍ قديم

شلون اسلم روحي لهمٍ جديد

خل اريح بالي وأنسى كل واحد نساني

حبي المضيع حناني ما يفيد