تنهيده في منتصف الليل

[جنة المنتدى]

٠
السلام عليكم
ورحمة الله وبركاته

٠٠

تنهيده في منتصف الليل

٠٠

▪جزء كبير من الحساب
يوم القيامة
على حاجة اسمها
"الإيذاء النفسي"
مش لازم تكون ضربت،
ولا شتمت، ولا أذيت
جسديًا عشان تتحاسب..

▪الإيذاء النفسي
اللي بيكسر قلب،
اللي يطفي نفس،
اللي يخلي حد ينام
وهو موجوع
التنهيده التي تطلع من القلب
في منتصف الليل
. ده عند ربنا سبحانه وتعالى
مش بسيط.. بل جدآ كبير
٠٠
▪كلمة قلتها باستهزاء،
نظرة فيها تنمر
تجاهل متعمد،
غدر، او خيانة،
لمن أمنك على قلبه
أو حتى شعور سلبي
خبّيته جوه قلبك
تجاه حد خذلك

▪كل ده من "الإيذاء النفسي".. وكله مكتوب، ومتسجّل، وهيتحاسب عليه الإنسان
زي ما بيتحاسب
على كل فعل وكلمة..

▪ فيه ناس بتستخف بالمشاعر
ولاتقدر قيمه قلبك وحبك
٠٠
"وتحسبونه هينا
وهو عند الله عظيم"..
لكن ربنا ﷻ لا يغفل.. عنهم

▪اللي أستضعفت قلبك
عشان طيب
واللي كسرت بخاطره
وهو بيقدرك وبيعزك
واللي أستهترت بوجعه
عشان "مش مهم" في نظرك..
كله عند ربنا محسوب،
ومش هيروح
٠٠
فيه وجع بيتنسي
بس بيوصل للسما..
دعوة مكسورة من حد أتظلم،
تنهيدة في عز الليل
من قلب موجوع،
دمعة نزلت من عين حزينه
ده كله بيرتفع،
وربنا العدل ما بينساش..

الإيذاء النفسي
مش محتاج صوت عالي،
ولا عنف ظاهر..
ممكن يكون في صمتك،
في برودك، في سخرية مقصودة،
أو حتى في إنك تسكت
وقت ما كان
حد محتاجك تتكلم
وتطبطب على وجعه
وتكون له ملاذ امن
من قسوة الأيام
كله مكتوب في السما

، النبي ﷺ
قال "المسلم من سلم المسلمون
من لسانه ويده"
واللسان هنا مش بس الاهانه
دي الكلمة اللي ممكن
تكسر أو تجبر،
تحيي أو تميت..

راجع نفسك،
قبل فوات الأوان
مش بس في عباداتك،
لكن في أثرك على الناس..
بتسيب وراك طبطبة وحنان؟
ولا ندبة؟ أو شعور بالأمان؟

لأن يوم القيامة،
مش بس "عملت إيه؟"
لكن كمان
"كنت إيه في حياة
اللي حواليك؟
٠٠

نسأل الله لنا ولكم العافيه
وقلوب طيبه هينه يارب

٠٠

 

[رضا التركي]

أصبت عين الحقيقة أختنا جنة
ياريت الكل يحاسب لنفسه قبل ما يحاسب
للناس اللي حواليه على الأفعال
يحاسب نفسه بميزان عدل
وبشوف عيبه قبل عيوب الناس
وهل هو قد التحدي ده أو هيميل
لصالح نفسه ويكابر ويعاند
وهل عنده الشجاعة الكافية
لإعتذار أو غفران أو صفح ولا لا
شدني العنوان بصراحة وحبيت أشارك
برغم اني مش بميل القسم العام
دمت كما عهدتك طيبة القلب
ودمت بكل ما هو خير وأكثر

 

[جنون عآبثهة]

-




صدقتِ غاليتي
القلوب أمانة، ومن جبر خاطر عبد جبر الله خاطره.
@جنة المنتدى
يعطيك العافيه ع طرحك الرائع
دمتِ

 

[ملاك الحب]

نم مظلوم ولا تنام ظالم
اللم اجعلنا من المضلومين ولا تجعلنا من الظالمين
يعطيك العافية على هذا الطرح الرائع ماننحرم غلاتي

 

[هدوء]

من جمال الكلم ما تفضلتي به هنا

في موضوعك الثري بما فيه من حكم

ومواعظ ..

جوزيتي كل الخير

 

[تراتيل حرف]

وعليكم السلام ورحمة الله وبركاته

ما أعمق ما كتبتِ وما أصدقه
كلماتكِ جاءت كجرسٍ يوقظ الضمائر النائمة، ويذكّرنا أن الوجع النفسي ليس شيئاً يمر مرور الكرام،
بل أمانة تُسجّل وتُحاسب أمام الله.
أحببت كيف رسمتِ بالكلمة نظرة القلب،
والصمت، والسكوت، وكيف أن كل ذلك يُسجّل، فتنهيدة واحدة في منتصف الليل قد تصل إلى السماء وتكون شهادة على وجعٍ لم يره أحد.

جزاكِ الله خيراً على هذا التذكير،
وجعل كلماتكِ نوراً يضيء القلوب المكسورة، وبلسمًا لكل روح تألمت.
غاليتي @جنة المنتدى
دمتِ بهذا النقاء والدفء
الذي يجعل كل من يقرأكِ يشعر بالطمأنينة،
ويذكره أن الرحمة والحنان أهم من كل شيء،
وأن الأثر الطيب الذي نتركه في حياة الآخرين
يبقى خالدًا،
كنسمة رقيقة تلامس الأرواح.