سلطان الزين
نجوم المنتدي
-
- إنضم
- 17 يونيو 2021
-
- المشاركات
- 213
-
- مستوى التفاعل
- 26
- مجموع اﻻوسمة
- 1
هراج القفا
شكرا على كل الكلام اللي تقوله من وراي
ولوكنت كفو ماتقول اللي تقوله بالخفا
ومدام هذي هقوتك وعلومك اللي في قفاي
ماهوب انا اللي يلتفت لعلوم هراج القفا
لكن انا بقول كلمه والرجال اللي معاي
ماني هنا وحدي وحنا أخوان دونك وأحلفا
ولاني بمجهول المكان تضيع أرضي من سماي
تعرف مكاني وأن لفيت أقول رجال ولفا
وأنا معك خصم على وضح النقى رايح وجاي
ومن خلقة الله وأحمد الله ماحد قد قال أفا
وأقسم بربي مانظرت بعيني لبنت قصراي
ولا سعيت أكدر الماء فالمشارب لا صفا
كلن عرفني فالجزيرة ويش طيبي من رداي
وحزامي رجال المعزة والشجاعة والوفا
أمد كفي بالسلام لصاحبي وأكعم أعداي
ولا أنت وأمثالك إلى جات المواجيب أختفا
لكن عساك تكون في ليني ولاتعرف قساي
ماودي أبلا نفسي بمثلك جهالا واضعفا
يكفيني انك قوتك هرج القفا ماهي لقاي
وانك بفعلك تعترف منت بكفو هذا كفا
قلته وانا رجال وأعرف وش قداي ووش خطاي
وأعز نفسي وأرتفع عن ماقف النذل بجفا
أكبر من أني التفت وارفع يدي ولا عصاي
وتكون في وجه السفيه اللي كلامه فالقفا
ولوكنت كفو ماتقول اللي تقوله بالخفا
ومدام هذي هقوتك وعلومك اللي في قفاي
ماهوب انا اللي يلتفت لعلوم هراج القفا
لكن انا بقول كلمه والرجال اللي معاي
ماني هنا وحدي وحنا أخوان دونك وأحلفا
ولاني بمجهول المكان تضيع أرضي من سماي
تعرف مكاني وأن لفيت أقول رجال ولفا
وأنا معك خصم على وضح النقى رايح وجاي
ومن خلقة الله وأحمد الله ماحد قد قال أفا
وأقسم بربي مانظرت بعيني لبنت قصراي
ولا سعيت أكدر الماء فالمشارب لا صفا
كلن عرفني فالجزيرة ويش طيبي من رداي
وحزامي رجال المعزة والشجاعة والوفا
أمد كفي بالسلام لصاحبي وأكعم أعداي
ولا أنت وأمثالك إلى جات المواجيب أختفا
لكن عساك تكون في ليني ولاتعرف قساي
ماودي أبلا نفسي بمثلك جهالا واضعفا
يكفيني انك قوتك هرج القفا ماهي لقاي
وانك بفعلك تعترف منت بكفو هذا كفا
قلته وانا رجال وأعرف وش قداي ووش خطاي
وأعز نفسي وأرتفع عن ماقف النذل بجفا
أكبر من أني التفت وارفع يدي ولا عصاي
وتكون في وجه السفيه اللي كلامه فالقفا
اعضاء الغابة العربية شاهدوا ايضا
اسم الموضوع : هراج القفا
|
المصدر : منتدى الشعر الشعبي
