وحي من صورة

[عابر السبيل]

خطرن يصب الزين من خدها طيب
وعين ن من الانعاس صارت صريعة

وشفايفن حمرن رقاق ومراطيب
لاهي على ضيقن ولا هي شنيعة

والوجه صبحن طار صوبه يعاسيب
والورد في وجهه تفتّق ربيعه

ورموشها دقاق ن طوال ومهاذيب
وفي العين سر ن ليتها لي تذيعه

وخشمن على الخدين عالي المراقيب
ياهي لمجنون الضماير فجيعه

كن الذهب في شعرها له ملاهيب
تشري فوادي نوب ونوبن تبيعه

ياكثر ناس ن يطلبونه مطاليب
واكثر قلوبن من سببها وجيعه

من وين ماشفته فلا به عذاريب
يطيعها زينن وهي ماتطيعه

ياسلسبيل ن منيتي م المشاريب
او حلو عنّاب القلوب المجيعه

مالوم لو والف معا مثلها الذيب
يهوى مواصلها وكب القطيعه

حاق الغلا في كفّها له مقاضيب
يولع بها زينن وهي له وليعه

ينوّخ جمال الكون عنده مراكيب
تصهر جمال الكون فيها وتميعه

ملت على الشرق هو والمغاريب
وضاق الشمال ابها وجنوب البقيعه

اربع جهاتي كلها له معازيب
سهل ووعر والمرتفع والوضيعة

اشب من شانه مع اليوم واشيب
وصدري لها شقّ ن ولا له رقيعه

تمشي تكب الزين قدمه تكابيب
لاهي على ريث ن ولا هي سريعة

تشبه لغيم ن غيّب الشمس تغييب
يضفي لها ظلن غريب الطبيعة

يامستحيل ن بين بعد ن وتقريب
اشقيتني بين العطا والمنيعة

يحضر معك عقلي على الحب ويغيب
ولا سد رمق الجوع منكم ضريعة


عابر السبيل







م

 

[جنة المنتدى]

قلم راقي وجميل
وسطور بعطر الياسمين
صباحك كله سعاده وخير

٠٠

 

[ندى الورد]

يازين وصف عابر في هالجمال

ويازين من يقرأ هذي الحروف

ابدعت بالوصف شاعرنا جميل صح لسانك وبوحك
ودام نبضك

 

[عابر السبيل]

قلم راقي وجميل
وسطور بعطر الياسمين
صباحك كله سعاده وخير

٠٠

حياك الله ومرحبا بك صباحك ومساك خيرات ومسرات اسعدني مرورك المشرف للنص وصاحبه

 

[عابر السبيل]

قلم راقي وجميل
وسطور بعطر الياسمين
صباحك كله سعاده وخير

٠٠

مرحبا بك والعطر هو ما تركتيه يتيه به المكان اشكرك كثيرا وشرفني مرورك

 

[عابر السبيل]

يازين وصف عابر في هالجمال

ويازين من يقرأ هذي الحروف

ابدعت بالوصف شاعرنا جميل صح لسانك وبوحك
ودام نبض

قالت ندى يازين حرفن تجيبه
وحلو القوافي دايمن لي على الطوع

ياشبه شمسن تسحرك في مغيبه
وصارت ل لمحات الحلى مثل ينبوع

مرحبا بك ونورتي المكان اشكرك كثيرا لاخلا ولاعدم