من تكون أوراق عمري بشوفتك إلهن ألف خط وحظ

[الشامخ]

هسى ينسى
وأشلون
حبني
هسى يقسى
وما عاد
يحبني,

 

[الشامخ]

أجي يمه
أريد هواه
ويجي يمي
يريد هواي
يا ساعة الملگى
شوگي
يسولف الآه
وأنا الصبر
ضاگ
هوايات وياي,

 

[الشامخ]

يا أبو راسين
عگلك
بيات بيهم
لا تگول
نائم بالأثنين

هم وسفه وخطيه

 

[الشامخ]

وأشوف عيونه
تباوع روحي
ذاك اللي
يداوي بالهمسة
جروحي,

 

[الشامخ]

ومن يجي
حد روحي
أهمسله
وأگول
أحبنك يا هله
هلت هلي
وهواك
اللي يعرفون,

 

[الشامخ]

يعرفون
غلاك وگدره
وأشلون
تسحرني
ذيك النظرة
لمن تباوع
على الخدين,

 

[الشامخ]

وتردف قگايف
لونها الوردي
وتعدي من
عالنظر
ومن الروح
ما تعدي،

 

[مــاجــد 💯]

مدونة شاعرية شعرية
بلكنة عراقية باذخة
الجمالية والروعة


لصاحب المدونة الرائعة كثيف الشكر والتقدير

 

[الشامخ]

وهم
تگدر ترسم
صباحي
أشلون
وحچايتي بيها
ألف لون
ولون,

 

[الشامخ]

أشگد
تسحر روحي
بنص نظرة
وتاخذ إحساسي
واللي أحسه
واللي أنثره
بعد ما تكمل النظرة,

 

[الشامخ]

يا شوگ
عمري
وكل بسماته
يالماريد
من هالدنيا
غير همساته,

 

[الشامخ]

كلمن باوع عيوني
گال عاشگ
وكلمن شاف جفوني
عرفني مشتاگ
يا غصن أخضر
يا أبو المزاج الرائگ
الحب مش بس
حبر وأوراگ,

 

[الشامخ]

وياك عايش هالعمر
ولا تجي لحظة
ولا تمر
چني زرعت أشجار
حياتي بلا أيا ثمر
چني هويتك
بلا أيا شعور
وچني كتبتك
بلا أيا شعر

 

[الشامخ]

واعيدك بنفسي نفس
واباوعك بروحي شمس
وألتمس ألك
ألف عذر وعطر بعيني
وما اعاتب يا الصاحب
اللي أخذ كل سنيني

 

[الشامخ]

أفرح من تفرحين
وازعل
يوووه
هوايه
زعل من تزعلين
يا البتسامتك
تمطر ورد
وتدفن ونين,