بس امسّيك بالخير

[عابر السبيل]

وقفت ودي بس امسيك بالخير
وباقي السوالف يا رفيقي سلامات

سلام ياللي كل وجهه تعابير
مقسومة(ن) مابين بسمه ودمعات

كم ذا بكى من دمعتك نايح الطير
ولوحات حزني منك تبكي بلمسات

عند الشجى يا كم طاحت دنانير
من عين منهو يعشقك انت بالذات

اللي مشى لك في ظلام الدياجير
كن يلتهم ليلن تماوج بظلمات

عينه على شطن يجي له مسايير
شط(ن) علاماته مع الليل شمعات

جيته ودمعي فوق خدي محادير
وتحير في صدري من الشوق كلمات

يا صاحبي لك في خفوقي مزامير
يجي لها في ظلمة الدرب شيلات

بليا سبب جينا ولا به معاذير
والا انت خابر في الخوافيق نسمات

من شن بقلبي جيت امسيك بالخير
وباقي السوالف يا رفيقي سلامات

عابر السبيــــــ(محمد الحربي)ــــل

 

[همس الروح]

عابر السبيل قلم يعجز قلمي عن وصف جماله

سلمت يداك وصح لسانك وعلا شأنك يا شاعر

قصيدة ولا اروع

احترامي وتقديري لك ولقلمك

 

[جاروط]

اي و الله يمسيك بالخير
كلمات مفعمة بالحنين
و المشاعر الصادقة


لك ودي

حفظك الله ♥

 

[جنة المنتدى]

صباح كله سعاده وخير
والباقي سلامات وكل التقدير
قلم راقي وجميل
--​

 

[عازفة المطر]

قلمك راقي سيدي
وكلماتك لها وقع رائع
سلمت اناملك
ودام نبضها
دمت متألق

 

[عابر السبيل]

عابر السبيل قلم يعجز قلمي عن وصف جماله

سلمت يداك وصح لسانك وعلا شأنك يا شاعر

قصيدة ولا اروع

احترامي وتقديري لك ولقلمك

مرحبا ب ناثرة التبر وجميلة الحروف اشكر لك كل كلمة واشكر لك الحضور الذي يزيدني فخرا بسطوري نورتي المكان

 

[عابر السبيل]

اي و الله يمسيك بالخير
كلمات مفعمة بالحنين
و المشاعر الصادقة


لك ودي

حفظك الله ♥

والله يصبحك ويمسيك بالخير كل الشكر لك ومرحبا بك على قافلة السطور شرفت ابياتي بك