خلص ربيعك..

[العـ عقيل ـراقي]

بما ان ما في قسم للشعر الشعبي

أنشر هذه القصيدة الشعبية هنا






مو شماته
خلص ربيعك
ولربيع حبنه اتذكريت
جايني بعد شلعان گلب
وشكثر بهجرك بجيت
خلصن ادموعي
وظل بس نحيب
ومنك حيل أيسيت
درت وجهي لأمس
لگيت مگنطر حزن
ولافني عله خصرك
گاغد بس اتشگگيت
بجاه شامة أنهيدك
لا تگلي دوريتك
وما لگيت
انه كلش اگبالك
بس اعيون گلبك
ما حيتني
وهسه شافتني وانه
ميت
خلبصت غزل روحي
وحكتلك اسنين من عمري
وانته بضحكات شامت
بي اتشمتيت
وشكثر نجمات ليل
عله صدرك بالعشگ
الك يملگون
طرزيت
ليش خليت الهوا
بس هو يدگ بابي
وانه حته بيبان روحي
الك فتحيت
تعال گبل لا يلحگ
علي الضيم
وك حته بوكاحة عينك
انه تونسيت
يا وكح من عرفتك
ذاك انته مسلفن حسن
ومنك ما بطليت
گلت اسمعك عتب
روحي وهضمها
بس من العشگ
حيل استحيت


27/05/2021
العـ عقيل ـراقي​

 

[امل مفقود]

كتبت فأسرتنا بجمال كلماتك
دمت ودام نبضك وقلمك
تقديري لكم

​

 

[العـ عقيل ـراقي]

ذاك من رقة
حسكِ المرهف
شكرا لعطرك هنا
كل الاماني
عقيل العراقي

 

[ندى الورد]

جميل جدا شاعرنا

 

[العـ عقيل ـراقي]

الاجمل
عطرك هنا

 

[الصخري g]

سلمت يداك وصح لسانك

 

[العـ عقيل ـراقي]

شكرا لحضورك
كل الاماني