الفنان المصري سمير صبري في ذمة الله

[جنة المنتدى]

السلام عليكم ورحمة الله وبركاته


٠٠٠

٠٠

وفاة الفنان سمير صبري
بعد صراع مع المرض
أعلن الفنان منير مكرم،
عضو نقابة المهن التمثيلية،
وفاة النجم الكبير سمير صبري
عبر صفحته الرسمية بموقع الفيسبوك، عن عمر يناهز 86 عاما.
٠٠

 

[جنة المنتدى]

تم الإعلان عن وفاة الفنان
"سمير صبري" عن عمر 85 سنة
وبعد معاناة مع المرض ومسيرة فنية طويلة ومُبهجة عمرها
أكتر من 59 سنة..

في شهر فبراير اللي فات كان فيه مداخلة إنسانية من "سمير صبري" لـ الإعلامي "عمرو أديب" طلب فيها من الجمهور إنهم يدعوله وإنه محتاج كل دعوة من كل الناس في صلاة الفجر لإنه تعبان جداً ومحتاج دعمهم ووقفتهم جنبه.. العظيم إن بعد ساعات بسيطة الرئيس "عبدالفتاح السيسي" وجّه بعلاج "سمير" على نفقة الدولة وتوفير كل أوجه الرعاية الصحية له بالكامل.. مش كده بس.. كمان الرئيس اتصل بيه تاني يوم مباشرة عشان يطمن على صحته بنفسه وبسبب المكالمة دي معنويات "سمير" ارتفعت جداً.. صحيح إن قضاء ربنا نفذ لإن الحالة كانت فعلاً صعبة بس الجميل إن "سمير" قبل وفاته بشهور حس بوقفة بلده الكبيرة معاه وتقديرها لرمز من رموزها الفنية، وشاف دعم من رئيسها الراجل الأصيل اللي مواقفه النبيلة دايماً بتبقى حاضرة في اللحظات الإنسانية دي لكل الناس..

بداية ظهور "سمير" كانت بالصدفة في لقطة في فيلم "حكاية حب" أثناء لما "عبدالحليم حافظ" كان بيغني أغنية "بحلم بيك" في الشارع، ومن بعدها بدأ "سمير" يشق طريقه في عالم الفن اللي كان بيثبت فيه من اللحظة الأولى إنه شخص متعدد المواهب..

اتنوعت أدواره بين الكوميديا والتراجيديا في السينما والتليفزيون.. شارك في أفلام تعتبر من أيقونات السينما المصرية
٠٠
"سمير" قدم أيصآ
مجموعة كبيرة من البرامج التي حاور فيها أكبر نجوم الفن والسياسة في مصر والعالم العربي.. برامج زى: "هذا المساء، كان ياما كان، النادي الدولي"، وحاور خلالها عمالقة الفن والسياسة الأدب، ومنهم: حاكم سلطنة عمان السلطان قابوس، وموسيقار الأجيال محمد عبدالوهاب، والعندليب عبدالحليم حافظ، وكوكب الشرق أم كلثوم، ووحش الشاشة فريد شوقي، والصحفي مصطفى أمين، والأديب يوسف إدريس، والأديب توفيق الحكيم، والروائي يوسف السباعي، والملاكم الأمريكي محمد علي كلاي!..
٠٠
"سمير صبري" من أكتر الممثلين اللي طرحوا ألبومات غنائية خلال مسيرتهم الفنية، رغم عدم احترافه الكامل للغناء!.. من أشهر ألبوماته:"أبو علي"، ألبوم "تعالي" اللي كان فيه 8 أغنيات أشهرهم أغنية (سكر)، وألبوم ثالث في الثمانينات كان فيه 9 أغنيات!..
٠٠
من الحاجات المعروفة عنه في الوسط الفني هو حبه لمساعدة الناس.
٠٠
"سمير صبري" فنان شامل وموهوب كان بيدخل كل مجال وبياخد كل خطوة وهو واثق من نجاحه فيها، وبينجح فعلاً!.
. ندعيله . ربنا يرحمه ويرزقه الجنة
ويصبر أسرته وكل محبيه.

٠٠٠

 

[ألحان]

الله يرحمه يا رب ويحسن إليه ويجعل مثوااه الجنة
شكرا ع النقل والمتابعة