معلّقن حرفي

[عابر السبيل]

يامعلقن حرفي على غض الانهاد
مليتني غيره على اول حروفي


عطيت حرفي منك حلوات الاوساد
شي(ن) تحبه م الملامس كفوفي

عندي معك بالحب ياحلو ميعاد
وانا على الاسفار يا كثر طوفي

علمتني بالليل ياحلو الاسهاد
ظاميك انا وانته عجايب رشوفي

في وصف مثلك تعجز الصاد والضاد
ويعمى على سطري من الوصف شوفي

صار القلم بالسطر سرداد مرداد
وانته مع الاحلام غالي ضيوفي

أهواك انا ياجامعن كل الاضداد
ويموت في شوفك مع الشوف خوفي

صرته شرابي ياضنيني مع الزاد
وانسى على شانك عجايب ظروفي

لك في خفوقي ياغلا الروح مقعاد
وعيني سبب فرقاك دوما(ن)ذروفي

خليتني شاعر غريبن باالانشاد
وانا على فقدك كثير الحسوفي

هي قصة بالفكر ياحلو تنعاد
قصة غرامن تذبحه لي صروفي

ينقص لنا وصلن والابعاد يزداد
ينقص وهمي ياكل اليوم جوفي

عابر السبيل


عابر السبيل

 

[همس الروح]

شاعرنا الكبير
عابر السبيل
قصيدة جزلة
كل الشكر والتقدير لك ولقلمك
احترامي

 

[امل مفقود]

ابيات راقت لي بحروفها واحساسها
نزف شجي صح بوحك
وسلمت الاكف على ماخطت
يعطيك العافيه
لسموك اعذب التحايا .،

 

[الاستاذ]

كل الشكر والتقدير لك ولقلمك
احترامي

 

[رااشد]

صح بووحك
عابر سسبيل نص باذخ
وذا جمال رائع سلمت
الايادي

 

[هدوء]

نص غاية في الجمال
صح بوحكً وكلك شاعرنا

 

[ندى الورد]

صح لسانك شاعرنا وعلا شانك

 

[رااشد]

نقل مميز
تسسلم الايادي

 

[بابلي الهوى]

طرِحِ رِآئع تسلم الاياديِ
يعطيكـ الف عافيةِ ,, دمت بكلِ ح ـبً
’ لروِحك اجملِ الامنيات
واعذبها ’’
مودـتي