مساجلة شعرية بحب قيس وليلى❤ مع (white wizard.....قرينة القلب)

[نغــم]

محتاج أيديك تتشابك

مع حنيني

وتلمّ كل دموعي ..

اللي وجعاني

ومن عطش فرقاك

الضمّه ترويني ..

وتبقالي جوا الشكّ ..

أيماني .

 

[white wizard]

طيب على بركة الله نسخن كدا ونبتدي ولما نقوم من النوم نرد عليكي

بحبك ايوه
مش هنكر
بس انتي بردو زنانة
وانا ع الحال دا
مش هقدر
عاوزه كل يوم
طلبات
مَررتي عيشتي وياكي
واللي نصبح فيه
بنبات
نسيتي لما كنتي زمان
تقوليلي كلام
يسحر
بحبك ايوه
مش هنكر

 

[يارا]

ما اجمل المساجله الشعريه هنا
حقا اسعدني وجود مساجله بهذا المنتدى
اتمنى لكم التوفيق

 

[نغــم]

مين اللي زنانه ..

الكلمه دي ليا ؟

شوف مين بيتكلم !

اللي ياما زمان زنّ ..

عشان عليه انا احنّ

ويبص في عنيا

ومن نظرة واحده ياناس

رايته دي يسلّم ..

وصموده يتبخر ..

ويقولي أطلبي وأتمني

دلوقتي طلباتي

بقت مُرّه .. بتعكر

دا انا اللي ياما .. سكوتي

من زنّك .. أتعلم ..

شوف مين بيتكلم ..!!

 

[ندى الورد]

ههههههخخخخخ

 

[white wizard]

بتقولي بزن عليها

وبدوب من رمش عنيها

ودا كله كلام م البوق

وان جيتي للحق يا حلوة

انا واخدك تخليص حق

عاش يا الساحر عاش

 

[المســــافررر]

زمانها شربت اللبن ونامت

المهم في الاخر مافي حد يبكي ولا يتراجع ...÷÷÷÷÷هههههه

 

[نغــم]

نعم نعم

يااللي مفيش منك

في الدنيا اتنين !!

ياأبو دم خفيف ..

على أيه شايف نفسك ..

وعاملي فيها عمر الشريف !!

بلا نيلة يابابا ..

بقى ست البنات تتاخد تخليص حق !!

ياصلاة الزين ..

امال بقى أنا واخداك ايه ..

فخ وكمين ..

ولاَّ بوليصة تأمين !!!

 

[المســــافررر]

ايييوه بقى عاشت الست
الي متسبيش حقها ابدا

دي لسه بتسخن واللي جاي ......ها تخليه يسلم النمر ويقول حرمت .....

 

[المســــافررر]

دي لسه بتسخن واللي جاي ......ها تخليه يسلم النمر ويقول حرمت .....

انا مش بقومكم علي بعض انا بس بهدي الجو.....عشان ما يبقاس فيه تكسير عضام ...ودم ....

 

[white wizard]

بتقولي ست البنات

عسلية وسكر شربات

دي ملامحك محتاجه تعريف

مناخيرك خطين بارليف

وعيونك شقوها بالسيف

خُطابك يدخلوا باب بيتكم

يشوفوكي وادي وش الضيف

 

[نغــم]

روح بص يابابا لنفسك ..

جرى أيه ..

مش شايف كِرشك !!

أهو مترين قدامك ..

هو انا يوم ماهحنّ ..

هوافق بواحد زيّك ..!!

غلطان ...

دا انا جاني سُلطانك ..

عارفاك متكاد أكمني ..

موافقتش بيك .. اه وسيبتك

علشان اللي أحسن منك ..

ماهو حُط نفسك مكاني ..

لو جاني أقصى طموحي ..

راح أبص ليه للداني !!

هاااا .. اتكومت جوا القفه

ولا أزوّد قصفك تاني !!




بالشفا

 

[white wizard]

لا احنا كدا بهدلنا روحنا خالص مالص ، نرجع لقيس وليلي احسن بلاش الناس الشلأ دي



في واحده
أبواب جمالها تتفتح
لما الفرح يلقاها ..
وواحده جمالها
بيطرح
من بذرة شقاها ..
وواحده جمالها
عَمَاها
وانتي يا حبيبتي جمالك
متـــآهه !!

 

[نغــم]

لمين جمالي ..!

وأنت خايض في الحروب ..

وقصف نارك سهم صايب

كل جرح في القلوب ..

وأنا قلبي صامد قدام

جيوشك ...

ورغم أنك جتني غزو ..

أنا كُنت أقوى وأقتحمت

ثبات عروشك ..

باقي تعلن أنهزامك ..

شريد بيرجع حضن داره ..

من بعد غُربة الخطايا

وعند قلبي ..

شجاع .. تتوب .

 

[white wizard]

اذا فهي الحرب ، نخوضها من أجل أغصان الزيتون

انا كرشي مدلدل
يا ولية
يا خميرة تعبي
يا مؤذية
دا انا بفطر
باتون ساليه
وفطارك مع قدرة فول
خمسين بيضة
وملوخية
وبعده بتنجان بالتوم
وتحلي بتورتة
طعمية

 

[نغــم]

أيوه شكلك مبهدل ..
وكرشك كمان مدلدل
ولاَّ ماعندكش مرايا ؟
بتقول على مين وليّه ..
دا أنا زينة الصبايا ..
ياللي بتفطر ساليه
وباتون ماأعرفش أيه
وبتجمّل في الحكايا ..
مش هتملى برضو عيني ..
ولا هينولك رضايا ..
دا أنا اللي بخطوة مني ..
ضاعت شنبات ورايا ..
ومش شغل مياصه لأه ..
دا انا بنت بألف راجل ..
بس أعمل ايه ف حلاوتي ..
كتير خُطَّاب ومنهم ..
أنتَ .. ناظرين خُطايا .

 

[ندى الورد]

أحبكِ يا ليلى محبَّة عاشقٍ...عليه جميع المصعباتِ


تهونُ أحبكِ حباً لو تحبين مثلَهُ...أصابكِ من وجدٍ


عليَّ جنونُ لا فارحمي صبّاً كئيباً معذباً...حريق

الحشا مضنى الفؤاد حزينُ قتيلٌ من الأشواقِ أمَّا


نهارهُ...فباكٍ وأمَّا ليلهُ فأنينُ له عبرةٌ تهمي


ونيران قلبهِ...وأجفانهِ - تذري الدموع - عيونُ


صباح الحب في حب ليلى

 

[نغــم]

أزاي أكون تعبك !

وأنا الراحة اللي لو

شقت طريقها إليك ..

هتلمس جراحك النائية ..

هتمحي بلمسها همّك .

وتعرف أنك دوني ..

مالك سكن ، وراحتك قبلي

مجرد فاصلة ، أو هدنة

مابين روحك وبين نفسك ..

لأجل ماتفتح أبوابك وتتمنى

أكون لك حلم حبيّته .. فتتهنى

ووسط ماكل الدنيا دي تعباك

أنا راحة .. تيجي تضمّك .

 

[white wizard]

من امتى النبض يضحك

لو جوه القلب معطوب

و ازاي هفرح وانا بقرأ

دفتر حياتك يا عمري

لكن اسمي فيه مشطوب

قولوا للي نصب زينة

الفرح ع الحيطان

مصعبش ليه عليه

بُكى الطوب

 

[نغــم]

ياللي كتبت أسامينا

في دفاتر اللقاء ..

قلمك اللّي خطّ فينا

كان بيرسمنا أختفاء ..

ليه حروفنا ناقصه ضمّه

وليه الكسرة منها شدّه ..

مفيش حتى فاتحه واحده ..

تطرق للمغيب ظلامه ..

يهتدي بنورها .. ويُضاء .