لإن فارس كفو لاذت بسده الخيل
لإن فارس كفو لاذت بسده الخيل
تحب طبعة الأصيلة وتفهمة المهرة
ولإن خيالها متعب سروج الليل
تعشق كل صفاته وتحترم امره
يشد لجامها لو سار وسط السيل
ويرخي عنانها من يهذب بقدرة
ويميل وياها مرغم من تريد تميل
تدلل عليه وتمتحن صبرة
تِــسحر بالخطام وعينها دربيل
لو صدت تصيب الغافل بنظرة
وتكتب بالحوافر قصة التأويل
وترسم بالرموش اللوحة والفكرة
وما بين العسف واللكد والتدليل
وما بين المياه الراكدة ~~ ثورة
تعجبك بالحمية وبالبراءة طفيل
ولو غارت تحسها القابضة جمرة
أمن بالفرس لو ركد بيك الحيل
تلكاها سند لو ثارت الغبرة
وتلكاها ذخر عنك حمول اشيل
وتلكَاها نجم لو غابت الكَمرة
وتلگاها أسد تلهم أعداك الويل
وتلكاها حمل لو حكمت العَـبرة
يعجبني العتيق الهيكل الثميّــل
الجواد الجامح الما ينحني نحرة
ويعجبني الأصيل المطهم الصهيّل
الشطب الطموح الشابته سُمرة
شرفها القدير بمحكم التنزيل
وقربها الرسول وآله والعترة
الشاعر العراقي : مأمون النطاح
قراءة ممتعة وان شاء الله
ترتقي بالشعر واهله
اسم الموضوع : لإن فارس كفو لاذت بسده الخيل
|
المصدر : منتدى الشعر الشعبي
♥
