مِيرِيَام
قيثارة الأدب
الهيبة ثوب مفصّل ولايگ عليك
الهيبة ثوب مفصّل ولايگ عليك
والكفو ~ لغيرك ابد ما نگولها
يا معلِّمهم على معنى الشموخ
انتَ تاج المرجلة ومسؤولها..
المعالي حقها من عندك تغار
منهو غير چفوفك انت يطولها ؟
والمواقف ديَّة بأعناق الرجال
يغيب صاحبها ويظل مفعولها
حتمًا يتَيْه الكرَم درب الجبان
والشجاعة بخيل صعب ينولها
وانت اسمك لاح في أعلى الجبال
ونوره شعشع فوگ سور سهولها
وذاع صيتك بالديار وبالقفار
يا صقر سنجار يا مكحولها
يلي تزرع طيب بمتون الغريب
اتزيح عن ظهر الكهيل حمولها
ويلي علّمت البعض معنى الوفاء
ولما تصعب بيدك انت حلولها
ويلي ما تحتاج من عندي ثناء
وانت ماليها بعرضها وطولها
امطر امطر غرِّگ الوديان خير
واجني الطيبات من محصولها
و وكِّر بجنحك على سطوح السحاب
واضرب بسيفك وگص ذيولها
وفتِّر بهذبك يا خيّال الأصيل
ما تسبقك مهما تعدو خيولها
ولا يكدِّر صفوك الشخص الرذيل
العفون تبان من شكولها
وانت شمس الگايله بوسط النهار
تحير من يا ساس تبدي أصولها
وما ابالغ لو گلت عنك كبير
والرجال كبار من فعولها
الهيبة ثوب مفصَّل ولايگ عليك
والكفو ~ لغيرك ابد ما نگولها
الشاعر العراقي:مأمون النطاح
اعضاء الغابة العربية شاهدوا ايضا
اسم الموضوع : الهيبة ثوب مفصّل ولايگ عليك
|
المصدر : منتدى الشعر الشعبي
