لكل ام بترضع طبيعى واللبن عندها ضعيف أو خايفه من اللبن يجف أو لو انتى بترضعى وبتسيبى البيبى بتاعك وبتروحى الشغل فالبوست دا عشانك
انهارده هنعرف ازاى نزود اللبن وهنعرف ازاى نحتفظ بيه
مبدئيا مش بفضل أعطى ادويه لزياده لبن الأم لأن بيبقى فيها ضرر للبيبى وللأم
طيب هنزود اللبن ازاى
يالا بينا اقولك
١- هنستخدم الشفاط الكهربائي دا بيساعد كتير فى تنشيط غدد الثدى وبيكون ليه دور كبير فى زياده اللبن
٢- هتسمرى فى تناول الفيتامينات والكالسيوم ال كنتى بتاخديها أثناء الحمل
٣- هتشربى سوائل كتير وخصوصا المايه
٤- هنهتم كويس بالأكل عايزاكى تتغذى كويس ونكتر بقى من البروتينات والخضروات والفاكهه وخصوصا ال بتحتوى ع فيتامين c لأنها بتساعد فى ازاله احتقان القنوات وتسهل سريان اللبن فيها
٥- هنتفادى اى حاجه تضغط ع الثدى ذى انك تنامى ع بطنك أو وتلبسى حماله ثدى ضيقه لأن اى ضغط ع الثدى ممكن يسبب اعوجاج وضغط اقنيه الحليب
٦- قبل ما تشفطى أو ترضعى انصحك بوضع كمادات دافئة على الثدي، مع عمال مساج لطيف جدا، فدا بيوسع الأوعية الدموية، ويرخي جدران الأقنية، ويسهل مرور الحليب.
٧- ناخد بالنا ان إنتاج الحليب في الثدي بيرجع لحاجة المولود، يعنى كلما زاد الاستهلاك كلما زاد الحليب، عشان كدا افضل طريقه لزياده اللبن هي الشفط أو مص الثدي بشكل صحيح لفترة كافية ، يعنى اما بيتم إفراغ الثدي بشكل كامل، بيقوم الثدي بإفرازات وإشارات عصبية إلى الدماغ من أجل زيادة هرمون الحليب وزيادة الإدرار في الثدي
وعشان كدا أغلب مشاكل الإرضاع بتنتج عن أن المولود يمص الحلمات فقط، ولا يمص نسيج الثدي ذاته، والطريقة الصحيحة هي أن يطبق المولود فكيه على نسيج الثدي فوق اللعوة مباشرة، وأن تكون كامل الحلمة داخل فمه،
و تعرفى أن طفلك يمص الثدي بطريقة صحيحة
سيكون فمه مفتوحا بشكل واسع واللسان مع عضلات الفك تتحرك بشكل مستمر، وستلاحظين أيضا تحريك منطقة الصدغ والأذن، كل هذه العلامات تدل على أن طفلك مص نسيج الثدي بشكل صحيح.
🗯ويجب أن يكون يقينك عاليا بأن الله -عز وجل- هو الذي كتب رزق طفلك، وكل ما قمت به أنت هو مجرد أخذ بالأسباب
أسأل الله -عز وجل- أن يمن عليك وعلى طفلك الجميل بثوب الصحة والعافية دائما
طيب يادكتور ازاى اشفط اللبن من الثدى وعايزه طريقة احفظ بيها اللبن للبيبي
🗯اولا اختيار نوع الشفاط بيرجع لعدد المرات المراد شفطها وحسب النوع الملائم لاستخدامك علما بأن الشفاط اللبن السيلكون أسوء الأنواع وممنوع استخدامه
ففى نوعين من الشفاط شفاط يدوى وشفاط كهربائي وهنتكلم ع النوعين
🗯اولا طريقه استخدام الشفاط اليدوى
١-️بنحضر اناء معقم
٢-بنغسل ادينا كويس وبنغسل الثدى ونقوم بتدليك الثدى بحركات خفيفه اتجاه الحلمه وهز الثديين برقه
٣- بنضع كمادات دافيه ع صدرك لمساعده الحليب ع النزول
٤- نضغط برفق ع الحلمه بين اصابعك وتكرار هذه الحركه لعده دقائق فهتبدأ اول القطرات فى النزول
٥- هنريح دقائق بسيط وبعد كدا هنبدأ فى استخدام الشفاط فنضع الجزء المخصص من الشفاط فى منتصف الثدى فوق الحلمه ونثبته كويس قبل مانبدأ فى الشفط
٦- هنبدأ بالضغط ع المقبض بلطف بحركات منتظمه ولكن بسرعه وبعد كدا هنبدأ واحده واحده نبطىء السرعه ولكن الشفط هيكون أقوى لاء اللبن هيكون بدأ فى النزول
🗯وبنشفط الاول من ثدى واحد لحد مااللبن يبدأ يوقف وبعد كدا نكرر نفس الخطوات فى الثدى الاخر
مننساش اننا نغسل جميع أجزاء الشفاط بعد استخدامه
ثانيا استخدام الشفاط الكهربائي
هو طريقه ممتازه للشفط وخصوصا لو كنتى مستعجله وممكن تشفطى اللبن من الثديين في نفس الوقت وهو بيبقى عباره عن كوب شفط وقمع متصل بيها بتضعيه ع حلمه الثدى وع المنطقه المحيطه بيها وانتى هنا مش محتاجه تبذلى اى مجهود فى الشفط
ولو نختار الوقت ال تكونى فى هاديه ومرتاحه بيكون احسن لأنه بيساعد ع زياده تدفق اللبن والوقت الأفضل بردو بيكون فى الصباح اول ما بتصحى من النوم بيكون الصدر ممتلئ باللبن
وبنشفط ع الاقل ٨ مرات فى اليوم لأن دا بيساعد ع إنتاج كميه كافيه من اللبن وبيزود مخزون اللبن كمان
🗯تعالى هقولك ع طريقه نحفظ بيها اللبن لاستخدامه بعد كدا
بنخزن اللبن فى اناء معقم أو كيس خاص بالحليب ممكن نضعه فى التلاجه لمده خمس ايام وممكن وضعه فى الفريزر لمده اسبوعين
أو تجميده لمدة قد تصل إلى ست شهور
وافتكرى كويس إنك تضعي علامة على الحليب قبل وضعه في الفريزر عشان تعرفي مدة صلاحيته.
🗯وهنذوب الحليب المجمد ازاى
بصى ياستي هنطلع اللبن من الفريزر ونحطه فى التلاجه لحد ما يفك دا لو كان عندك وقت ولو معنديش وقت يبقى نطلع اللبن من الفريزر ونحطه فى وعاء ماء دافىء
ناخد بالنا انه مينفعش بعد ما فكينا الحليب نرجع نجمده تانى ولا ينفع نفكه فى المايكرويف
كمان مهم جدا انك تهتمى بأكلك لأنه هيساعد فى زياده اللبن ذى
🗯 السمك المشوي
من أكثر المأكولات ال بتساعد على زيادة كمية حليب الثدي عند الأمهات المرضعات وخاصة الأمهات الجدد.
• لانه بيحتوي على نسبة كبيرة من الكالسيوم الذي يساعد على إدرار حليب عالي في القيمة الغذائية.
• والسمك المشوي وجبة صحية ولذيذة ومحببة إلى الجميع ولا تساعد على زيادة الوزن.
🗯شوربة الدجاج
• تناول شوربة الدجاج الصحية منزوعة الدسم مع قطع الدجاج المسلوقة تعد من الوجبات المناسبة للمرضعات والتي توفر حليب قليل الدسم عالي البروتين والكالسيوم والقيمة الغذائية.
• انصحك بتناول كوبين من شوربة الدجاج يومياً
🗯منتجات الألبان الصحية
• توفر منتجات الألبان الصحية نسبة كبيرة من الكالسيوم ال بيزيد من القيمة الغذائية لحبيب الأم.
• على المرضعة أن تتناول كوبين من اللبن الحليب الخالي من الدسم يومياً أو قليل الدسم مع تناول الزبادي والجبن قليل الملح والزبدة الغير مملحة مع ضرورة عدم الإكثار من الزبدة حتى لا تصبح طبيعة لبن الأم دسمة مما يؤدي إلى زيادة وزن الرضيع بشكل سريع وزيادة وزن الأم بردو
🗯البيض
• البيض وجبة إفطار صحية لدى المرضعات وممكن تناولى حتى ستة بيضات أسبوعياً.
• بيحتوي البيض على نسبة عالية من البروتين إلى جانب المعادن المختلفة والفيتامينات.
• وبيساعد على إدرار حليب الثدي وبيعلى القيمة الغذائية.
🗯الجرجير
• بنصح كل المرضعات بتناول الجرجير يومياً فهو بيزود حليب الثدي بكمية كبيرة وكمان بيحتوى الجرجير على معادن مفيدة للشعر أهمها الكالسيوم والبوتاسيوم والزنك والحديد والفيتامينات.
نيجى بقى للمشروبات ال بتزيد من زياده الحليب للرضاعة الطبيعية
🗯الماء
الماء من أهم المشروبات ا لازم تتوصى بيها المرضعة لانه الأساس الذي يعتمد عليه تكوين حليب الثدي حيث يتكون من 80 في المائة من الماء.
فلو تجاهلت الحامل تناول الماء قلت كمية الحليب بشكل كبير حتى لو تناولت باقي المشروبات والأكلات المدرة للحليب.
تحتاج المرأة المرضعة إلى ثلاثة لترات من الماء كل يوم.
الشمر
🗯يعمل الشمر على زيادة هرمون الحليب بصورة سريعة جداً.
🗯انصح المرضعات بتناول مشروب الشمر وخاصة في الفترة الأولى بعد الولادة لانه يساعد على تنظيف الرحم وشد البطن بعد الولادة.
🗯ممكن تتناولى من كوب إلى ثلاثة أكواب من الشمر يومياً ويمكن أن تحلى بعسل النحل أو يتم تناوله بدون تحلية.
اليانسون
مشروب بيساعد على زيادة إفراز حليب الأم وله تأثير سريع.
كمان اليانسون له فوائد كبيرة منها احتوائه على مضادات الأكسدة وتحسين حالة الجسم العامة.
الحلبة
وطبعا هى من أشهر المشروبات التي تستخدمها المرضعات.
فبتعمل الحلبة على زيادة إفراز حليب الأم كمان بتقوي عضلات البطن وتساعد على التخلص من بقايا الولادة وتنظف الرحم ولها مفعول كبير في سرعة التعافي بعد الولادة.
يمكن تناول الحلبة الحصى أو المطحونة وممكن تضيفى الحلبة المطحونة إلى الحلوى.
دمتم واياهم سالمين