اثبت حضورك ببيت من الشعر الشعبي

[عابر السبيل]

وش حيلتي في ما حصل يا انجل العين
وظهر المجن اللي من الوقت مقلوب

باقي طريقن قد مشاه الملايين
يشبه لصفر ن في الحسابات مضروب

تشيله الارياح مادري على وين
واجداث حس ن لفها الصد في ثوب

كم في دروبي شفت م الناس جاثين
وكاس الفراق اللي من الوقت مشروب

عابر السبيل

 

[عابر السبيل]

طل الندى ياللي على خد ورده
كنك تصبّح نادي الورد بالخير

او انت يسرن حل من بعد شده
على خدود الورد غاد ن دواوير

او انت مزحن في تفاصيل جده
يا مرصّعن خد الزهر بالدنانير

كم حافظن للناس م القلب وده
ومعطر الاسطار بالحب تعطير

كم ذا مضى لي يالغلا عنك مده
ابيع واشري م لاحاسيس تعبير

عابر السبيل

 

[عابر السبيل]

مسيك بالخيرات حلو المدينه
وش حال زينن ابعدته الليالي ؟؟

اللي جمع سر الصبابه ب عينه
عندك جوابن لح به لك سؤالي؟؟؟

درب التلاقي ياغلا الكل وينه؟
كنه حرامن عقب ماهو حلالي

عابر السبيل

 

[عابر السبيل]

قالت من انت وقلت ضيف ن على الباب
جاه الظلام ولا لقى معازيب

انا طلبته حبة ن قال ما ااناب
وانا ان طلبته كنتة ن قال ما انيب

ونجلن اليا لجلج بها عذ الانياب
اغدى كما جني تواجه مع الذيب

 

[عابر السبيل]

ياحلو وادعني ترا الربع ماشين
وانا مناتي منك لو كان نظره

يامدللن بحر الجدايل ب لونين
فعلك غريب ن والهجر منك فطره

بغيت انا اهدي لك من القاف بيتين
شعت احاسيس القوافي ب سطره

مثل السحاب اللي تعدى على وين
مر السحاب ولا همل منه قطره

عابر السبيل

 

[عابر السبيل]

يبوح صمتك يالعيون الغريبه
ياهي سواليف ن تخالط سواليف

فيها السعادة ساكنه بالمصيبه
تنتف فوادك بالنواعيس تنتيف

غريبة ان واهوى جمال الغريبه
ولا يجي هالوقت دايم على الكيف

كم يستعيض اللي فقد له حبيبه
كنه يناجي تالي الليل له طيف

كنه يخبي العطر في وسط جيبه
او هو يفتّح م العطر له مظاريف

عابر السبيل

 

[hmad alshooog]

تعال عطر الحــــب
في طـلّتك فاح
دام أبرك الساعات
ساعة حضورك
مجرد أقرى رسايلك.
.القلب يرتاح
وشلون لا شفتك
وعانقـت نـــورك

 

[التوق]

اللي يبي يخسرك ماراح يربحك
واللي يبي يربحك لجلك يعاني .
واللي يبي يسترك ماراح يفضحك
يفضحك من يرضى عليك الهواني .
واللي يبي يشتمك ماراح يمدحك
حتى لو انك مجني تصير جاني .
واللي يبي قربك لو أبعدت يسبحك
حتى لو إنك بحر مابك مواني .
واللي يبي بعدك لو يدل مطرحك
ماجاك لوكنتم قراب المباني

شعر :صالح المطرفي

 

[عابر السبيل]

اكفخ بجنحان السعد خافق الريش
ثم ارتحل ياطير من فوق غيمه

وخذ لي سلامن يم ناقض عكاريش
اللي نياط القلب منها كليمه

الوصل منها بين فقر وتناويش
ياهي على الصدات صوبي كريمه

ماغير ادوّر له على البعد تفتيش
والحال من بعد الغلاوي سقيمه

عابر السبيل

 

[عابر السبيل]

تجمّع الزينات في ليلة العيد
تقول حورن تشعل الليل غفله

يجي لهن ضحكن ومزحن وتغريد
وقلبي لهن مابين طارن وطبله

باسبابهن تلقى شريد المقاريد
مسحور زينن في الجميلات قبله

يلعب لنا غصنن بالاطراف وايميد
وثليل ليلن بالشبه مثل نخله

وتردد ابياتي مع الليل ترديد
وكم يسحرن الليل في لحن حفله

عابر السبيل

 

[عابر السبيل]

تقول تذكرني وانا اقول فاكر
كم اذكرك لاجيت يومن ابنساك

يااحلام امسي وامنياتي لباكر
من عاد ينسى لحظة العمر لقياك

قلبي لصدفات الجميلات شاكر
كم ياخذك منهو تمنيته اعطاك

عابر السبيل

 

[عابر السبيل]

بشر عن الليل تكتب الحرف يمناه
في كفها لي حروف ومعالم

ياكم اموته م الغلا حيل واحياه
بشّر عسى مثلك م الايام سالم

ياحي هاك العين ياناس حيّاه
ياجويهلن يمشي وهو حيل عالم

عيّا زماني عن تلاقي وعياه
والوقت ياصاحي على الحب ظالم

عجيب يا حرفن يكتبه ثم يمحاه
وانا بحرفن يكتبه حيل حالم

عابر السبيل

 

[عابر السبيل]

يبوحني له صمتي اللي بلاني
واصبح كما سفرن للاعيان مفتوح

اسهرك ليلن في ظلامه ضواني
كم ذا يطيب بعتمة الليل لي بوح

وكم تسحر النظرات قلبن غواني
وانقشك نقش المسافر على لوح

اظن صمتي علمك عن مكاني
واصبحت سر ن م النوى صار مفضوح

عابر السبيل

 

[عابر السبيل]

كم ياخذك هجسن لدارن بعيده
دارن بها منهو تحبه وتغليه

حلو ن لذيذن شفّته من وريده
الخالي اللي مالك الله تسليه

نور الصباح اللي تخلل بايده
رقيق ربي بالحلا حيل حاليه

اكتب لها فخر القصايد واعيده
والكف يكتب والخوافيق تمليه

عابر السبيل

 

[عابر السبيل]

الليل عدى ماوصل منك كلمات
ولا وصلني منك ياحلو مرسال

مليت اعدد بالسما منك نجمات
كني اعد الليل باقفاي واقبال

نجوم السما تشبه مع الليل شمعات
كني وكيلن بها واشعل اشعال

ياصاحبي ياعلها لك سلامات
وكم تخلف الايام حالن بعد حال

عابر السبيل

 

[عابر السبيل]

سقها عسى ياصاح بالامر خيره
سقها عسى سو الليالي يتعداك

تولعت انا بك مثل طفلن وطيره
ويش اضحكك يا قلبي اليوم وابكاك

ياسيرة ن صارت معك خوش سيره
ويش ابلشك ياقلبي اليوم واعياك؟؟؟

سلام ياحلو ن فوق راسه حريره
وجه الملاك اللي ورا نور شباك

عابر السبيل

 

[عابر السبيل]

روّح وخل الدار للي يبيها
مالك على طرد المخاليق مصلوح

نفسن بها العلات منها وفيها
ياشايلن قلبن من الحب مجروح

كم فرحة ن والحزن لك مقتفيها
وياكم بوحن يلهج القلب بالنوح

عابر السبيل

 

[التوق]

القاف نوّه أمطرتنا، مزونه
والخيل مسرج والهجن علقّ شداد

للعاذل، اللي مقفيات ٍ، ظعونه
اللي بظنه،، واقف بكل مرصاد

يطرد سراب ٍ وأخلفنه، ظنونه
ماعاد له، غيرالحزم نوم ورقاد

أنحي، لبير ٍ قد تهاوت ركونه
ماها نضب والصوح ماجاه ورّاد

ترى اللسان حصان ياللي تصونه
وإن كان هنته هانك بكل مقعاد

والحق الأبلج، مايمارى بلونه
متوهّج ٍ نوره على روس الأشهاد

شعر محمد بن عمار

 

[التوق]

حدثيني عن حياتك لو ثواني
خبريني عن متاهات السنين
جاوبيني سؤالٍ فيه عاني
فيه معنى الحب وأنغام الحنين
ساعديني يبتدي منك زماني
علميني حب خافي في الكنين
نظرةٍ منك ترى فيها المعاني
كلمةٍ توصف تجاعيد الجبين
يا ملاك الحسن عمري فيك فاني
لا تجازيني بهجرك يالظنين
نور خدك بالشعر أنطق لساني
ثور البركان لفقلبي دفين
يا زهر يانع ويا عنق الدماني
يا شفا المشتاق يا عودٍ لدين
أنتي أللي في هواك اليوم باني
كل معنى الشعر ولماسٍ ثمين

شعر:صالح السنيدي

 

[عابر السبيل]

يا اقحوانن جاوره شفة التوت
يا ردين العود ياحلو اللما

كم ينقطع وسط لمسافات لي صوت
وكم يعشق الظميان لمحك يالسما

عيش الحياة اللي تجاور مع الموت
يامجاورن للجوع لا تهلك ظما

عابر السبيل