اثبت حضورك ببيت من الشعر الشعبي

[وعـــد 🎵]

من تذكّرتك دريت اني نسيت
‏الليالي .. في مشاعرنا غَدَت

‏ليلةٍ فيها على قلبك قسيت
‏الحياه بشكلها الثاني بَدَت

‏لا اتصلت ولا اعتذرت ولابكيت
‏كل حاجة بيني وبينك .. هَدَت

،،

 

[عابر السبيل]

اسأل دهايليز الطلل عن خيالك
وانشد حفيف الريح ياصاح وين انت

افتي فوادي عن حرام وحلالك
قد كان لي شك ن بها ثم تيقنت

عسى زمانن ممكنن واستحالك
يرحل يسسارك لا مضيت وتيامنت

ينقص جمال الناس ساعة كمالك
واخفيت حبه بالمضامير واعلنت

عابر السبيل

 

[العذبه]

نبتسم في وجه الأيام لو مابه حصيل
خاطر الطيـّب ما كل الظروف تكدره

 

[عابر السبيل]

ينصك باب ويفتح الله لنا باب
وما راح منا عند ربي بداله

كم فرّج الله من صعيبات الاكراب
وكم بدّل الله حالة ن عقب حاله

عابر السبيل

 

[وعـــد 🎵]

غلاتك بقلبي شي يطغى على التشبيه
‏كيف اوصفك والوصف يعجز به لساني ؟!

،،

 

[العذبه]

وجهه ينوّر مُدن .. عينه دوا كل عوق
ظبيٍ يلاعب هوى الانسام في مرتعه

اقول وين القمر ؟ ويقول فـ الجوّ فوق
واقول : انا أول بشر فالارض يجلس معه

حمد البريدي

 

[وعـــد 🎵]

انتظرت ومقصدي أشره عليه
‏لين طال الصبر والشرهه علي

،،

 

[العذبه]

‏متى انتصالح ؟ قبل لا تندلع ‎حرب
الشوق من كثر التباريح .. ساهي
͏
وش رايك نهاجر إلى بعض ؟ والدرب
أنا اتجاهك .. وأنت نفس اتجاهي

 

[عابر السبيل]

ماعلى سود الليالي مشاريه
تطبخ وتاكل من مذارع ولدها

تاعد وتخفي بالليالي مساريه
وتوعد وتخفي للخلايق وعدها

عابر السبيل

 

[العذبه]

عليه السلام .. العذب لا مرني طاريه
اضم الهبايب من جهاته .. واسامرها

يفز الشعور .. لكل دربٍ مشينا فيه
تبسمت من بسمته .. يوم اتذكرها

 

[عابر السبيل]

طاب الكلام وذعذت ريح الاشعار
ماناقصن ياكود قوس وربابه

سلام مني يا لذيذات الاسطار
ماجابت القمري على الغصن جابه

عابر السبيل

 

[وعـــد 🎵]

سولف على قلبي وعطني علومك
‏من غبت ماضوّى لـ عمري سراجي

‏ لا تنذهل من فرحتي في قدومك
‏حجم اشتياقي لك بـ قدر احتياجي

 

[Rayq_Marrh]

-














يحن لك قلبي وانا بالحيل مشتاق
‏ليتني كل ما اشتقت اقدر اشوفك ".

 

[صمت البوح]

:

ما زالَ صوتك في ثنايا مسمعي
‏ والشوقُ في صدري يفتتُ أضلُعي

‏والله إنَّ الشوقَ فاقَ تحمُّلي
‏ أيا شوق رفقاً بالفؤادِ ألا تعي

‏يا زهرتي إن مرَّ اسمك عابراً
‏ يزدادُ من فرطِ الحنينِ توجُّعي

‏حاولتُ أن أخفي هواك وكلَّما
‏ أخفيتهُ في القلبِ فاضت أدمعي..
‏
راااقت لي ..

:

 

[وعـــد 🎵]

شفت لو تاصل من الشوق الحدود السحاب
‏لو يدينك تلمس الغيم ويرش مطــره

‏لو عشاني تلعن البعد واشكال الغياب
‏ لو تسافر تجمع الود جاهات المره

‏لو تجي كلك عذر في إيابك والذهاب
‏ لو تحط الشمس في كف وفي كف قمره !

‏والله إلا تشرب المر وتــذوق العذاب
‏ وانت ما حركت فيني ولو قدر شعره
,,

 

[هدوء]

:

يا صدمتي في أكثر الناس ويا خيبة ظنوني..
يا ضيق صدري لا ذكرت إني عليهم ما كذبت ..
يا طعنة خلتني انسى من سبايبها طعوني ..
يا جرح ماله طب .
حتى لو أقول اليوم طبت .
البارحة والله يكون بعون أحاسيسي وعوني
أحاول أهرب من عمايلهم ولكن ما هربت

؛
م/ن

 

[ريـ م]

والله اني بحاجة للغياب الطويل
دام كل شي ابيه بالحياة اخسره

 

[العذبه]

اكتفيت بوجودك ليــن عشتك حياه
شـوفتك نور بدر وبسمتك ممتعه

كل ما جيت ابحكي عن غلاك ومداه
ضاع تعبير شوقي ما قدرت اجمعه

 

[هدوء]

:

لا خيرَ في ودٍ يجيءُ تكلُّفا
ولا خيرَ في خلٍّ يخونُ خليلهُ
ويلقاهُ من بعدِ المودَّة ِ بالجفا

 

[العذبه]

بيض الله وجه من كفى و وفى
الرفيق اللي مع اهل الطيب وافي

لا نصيته في لزومك ماتخفى
طيباً والطيب عادات السنافي