اثبت حضورك ببيت من الشعر الشعبي

[عابر السبيل]

خل التغلي راح وقت التغلي
وقل لي فامان الله اشوفك على خير

وعاود وزاور بالبعيده محلي
واسفح على الميعاد دمع التعابير

يازارع الخدين وردن وفلي
عليك اسطّر باكي القاف تسطير

راح العمر مابين عز ن وذلي
ويسرن بغيته صار جله تعاسير

طلبت بعضي ثم انا جيت كلي
واعطيك انا لو كان تبغي المساهير

ماينفع المهموم كثر التسلي
ولا سلامن نرسله لك مع الطير

عابر السبيل

 

[عابر السبيل]

لا لا جزا الله ساجع الورق بالخير
مانتاب مني بالجميلات مذكور

لحنك يعصّر موجع القلب تعصير
وقلبن يعيي يسمع الراي والشور

تبني بقلبي له عمارن ومقاصير
وانا حياتي ماضي ن راح واعصور

ينبت بخد ه لي ورود ونواوير
وشعرن كماليلن تجاور مع النور

يلتاع قلبي مع صباح العصافير
وكم مات من دون المواليف عصفور

عابر السبيل

 

[عابر السبيل]

الصامت اللي تفضحه رمش عينه
احلى السوالف يالعين الذوابيل

تزجر امواج اليم بيني وبينه
تموت دونه عاسيات الرواحيل

لحظ الجميل اللي تحبه سنينه
كم ذا يحبه ظلمة الكحل والميل

اغار من كاس ن شالها في يمينه
كنه يدلل صافي الكاس تدليل

عابر السبيل

 

[عابر السبيل]

غنى المغني من لهيبن تولاه
كل نهتتن ياغالي الروح في بيت

الشوق في الخفاق يامر وينهاه
ولاهوب حي ن مع الناس او ميت

ياساحري ياكم بيتن كتبناه
وتاقف لك الابيات وتقول حييت

ياكم بيتن طلسم الحس معناه
يذكرك بالخيرات ان رحت او جيت

عابر السبيل

 

[عابر السبيل]

الله كريمن ياغلا كل هالكون
يجود حظي بك وتصبح .........

يامخحلن الزين في كل مزيون
من بين هالاغصان غصنك رطيبي

اموات شوقي لك مع الوقت يحييون
وابغى طبيب ولا لقينا طبيبي

جمعت كل اللون يازاهي اللون
والخد روضن والزهر به خصيبي

من بين كل اللي يجون ويروحن
احساس قلبي صوب مثلك غريبي

عابر السبيل

 

[عابر السبيل]

كم واحدن يسأل عن احوال سالي
الخالي اللي به من الناس مشغول

ياكفتينن بين بخس ن وغالي
والقاتل اللي يعشقه حيل مقتول

لا وين رايح فتنتي يا سؤالي
لغزن مع الايام ماهوب محلول

البارح احكي مع توالي دلالي
وباقي من الفنجال بنن معا ثول

اجمع حرامك ياغلا من حلالي
ولاعاد بي حيل م الايام او حول

عابر السبيل

 

[عابر السبيل]

اتلى الخبر بك والقمر تو ماغاب
والنجم ياحلو اللما حيل نعسان

ويجول حولي بك م الاحساس اسراب
والبدر يضفيي فوق الاكام بالوان

كنه يصب التبر ياحلو ب اكواب
وطل ن على وجه الصخر صار ودان

يا دقيّق االاعواد يالذ مشراب
عصري معك ياصاحبي في خبر كان

عابر السبيل

 

[عابر السبيل]

ياتيك بالاخبار من لا توصيه
وتالي الخبر باكر يبيعون ببلاش

وكم يرخصك م الناس حي ن وتغليه
وكم عاشمن عشمن والارباح مهناش

وكم ياخذك حي ن من النا س تعطيه
ولا طايلن دينه ولا طايلن كاش

وكم واحدن اسمه م الاسطار تمحيه
وكم شايلن للموت من بين الارماش

عابر السبيل

 

[عابر السبيل]

تفرش اوراق الشجر في طريقك
وحفيف هالاغصان غادن هواجيس

تشبه وساويس الحلي مع صديقك
وهتف المطر يشعل لذيذ الاحاسيس

يامشعلن في وسط جوفي حريقك
وشوقن يلمّس ثومة القلب تلميس

عابر السبيل

 

[وعـــد 🎵]

اهديت لك قلبي على كف يمناك
‏وغيرك تمنى بس ، خابت ظنونه

‏في خاطري اسألك من بعد فرقاك
‏ليه الوفي دايم زمانه يخونه

..

 

[عابر السبيل]

كم هي خسارة يالمزوح الرزوحي
شكلي خسرتك والخلايف على الله

باغسل على الاسطار لاجلك جروحي
ولا عاد به شوفن لزولك وطله

كن انكتب فقدك على اسطار لوحي
وشي ن كما المخراز بالقلب خلّه

وقامت تهدّم م العوالي صروحي
وحروات عقب العز بنذوق ذله

عابر السبيل

 

[عابر السبيل]

سرب القطا يارد على الميّ ظامي
يارد ولو موته على شربة المي

يصبح هميدن ما تشيله عظامي
يضوي وصكات الليالي لها طي

حتيش لو يلقى الندى بالغمامي
ما فادته جنحان مثله على شي

كم قال في لحظات موته سلامي
يا علة (ن) ما فادها لسعة الكي

بالخير يا غصنن هواه الحمامي
قام يترنم باللحن ساعة الضي

جنوب شكل الطير واللحن شامي
يتلي ترانيمن على موتة الحي


عابر السبيل

 

[عابر السبيل]

ترا الوطن دارن سكنها حبيبك
وان غاب تبدا لك مع العمر غربه

هو علتك واحيان يصبح طبيبك
يحييك يا ظامي من الريق شربه

كانك غريبه فاغرف انه غريبك
السلم سلمه والبلاوي ب حربه

ان راح يبدى لك مع الناس عيبك
وان كان عندك صار بالشوف طربه

كن الغلا يصبح بقربه نسيبك
كن تنتجلي به م التهاميم كربه

عابر السبيل

 

[عابر السبيل]

ظفيرته تاصل مثاني ركبها
كنه يجر الليل لا راح ماشي

وعينه على قلبي خطيرن عطبها
يجتال وحش الشوق في وسط جاشي

تقول ليل الليل جاها وخطبها
هي لذة الدنيا وغاية معاشي

عابر السبيل

 

[وعـــد 🎵]

على مشهاك خذني وين ما ودّك على مشهاك
‏معك تحلى مشاوير العمر والرّوح مسرورة

،،

 

[عابر السبيل]

إن مر يومن ما تشوفك عيوني
هذاك يومن مااعده م الايام

يا منتهى حلمي وغاية ظنوني
اهيم بك والبعد يذكي لي اهيام

من عقبكم يبهت على الوجه لوني
يا لوحة ن تبكي على كف رسام

في معرض اللوحات ما ناظروني
ولا عاد تحلم بي جميلات الاقلام

حي ن وصكات الليال ادفنوني
حي ن توارى يارفيقي م االاعوام

هبايب الاصباح لك يكشفوني
تكشفني انسامن وتدفني انسام

هبات الانسام عندكم ياصفوني
لا رفرفت بالقلب من عندي اعلام

اللي نسوني كودهم يذكروني
مع قصة ن تاتي بها ريح الاشوام

عابر السبيل

 

[عابر السبيل]

ينصك باب ويفتج الله مية باب
وماراح منا عند ربي بداله

كم فرّج المولى صعيبات الاكراب
وكم بدل الله حالة ن عقب حاله

عابر السبيل

 

[عابر السبيل]

وقفت اناظر باقي ن من بقاياه
طرحه وعطر وخصلة من جديله

وغديت كني شي من عارض اشياه
وقلبن خرشني ف الصدر من جفيله

الريح ريحه والجدايل من اتلاه
ومن كان مثل اه واعزتي له

كم ميتن فيني على الريح محياه
ولا عاد في كفي لقلبي وسيله

شطبت انا اسمي واكتب الحرف باسماه
من فوق جذع ن صار مثل الهبيله

اجيه انا باليوم والحلو ماجاه
وحرفن بدمعي كل يوم غسيله

عابر السبيل

 

[عابر السبيل]

خل السهر لي وانت ياصاحبي نم
غمض عيونك ثم تصبح على خير

يوم السهر لي يارفيقي غدى عم
باوتر الحاني مع الليل توتير

وان شفتني نايم بدّل مدحنا ذم
يا باشة الزينات سيد الغنادير

باكر مع الاصباح بالورد تهتم
شمه وضمه ياصباح الفناتير

ياللي لمعلولات الانفاس بلسم
لا قمت تلقى لي رساله مع الطير

بالزين تبدا ومثل بالزين تختم
يالله عساها يارفيقي مسافير

إصبح مع الاصباح ياحلو واسلم
والليل لي خله يجيب الدياجير

عابر السبيل

 

[عهود منسية]

وجدي عليكم وجد مسكيـن
تاه بصحاري الفقد ما عـاد

كأنه طعن .. قلبي بـسكيـن
شن الحرب بجيوش وعتاد

عقبه الحياه انقسمت اثنين
عيشه معه وعيشة المعتاد

صار القلب مقسوم نصين
ولا الـدواء وعلاجـهم فـاد

بـدل مـره اخـذته مـرتـيـن
باليوم مكتوب(ن) بالارشاد

زرت الأطـبه في البـلادين
والقلب طـبـه شـوف وداد

أزقر وانـادي يا المحبـيـن
ثيــبو صويب الحـال منباد

ما فـاد زقري في المقـفين
والـجرح في الـفواد قد زاد

لا شفت رحمه ولا بهم لين
كـأنه على الـغـيـاب معــتاد

دعـيـت رب الـكون ..آمين
يجبر قليبي ان كان هو راد






عهود

​