اثبت حضورك ببيت من الشعر الشعبي

[عهود منسية]

حالي عقب فرقاك محزن
الوقت دونك ما أطيقة


جانك لصوت القلب تفطن
قرب اللقا لا لا تعيقه


خل العناد وكون مذعن
لا تشب في قلبي حريقه


الحب عقب البغض ممكن
حاول تلاقي لك طريقه


عندك أنا هالقلب برهن
صدقني حبي لك حقيقة




عهود

​

 

[عابر السبيل]

يا شامخ البنيان يا شاهق الطود
فرقاك تاكل م المعاليق معلوق

عندي على هذا مثابيت واشهود
وثوب الصبر يا حالي الشف مشقوق

بالصبح يوم الظل ياحلو ممدود
اصارع التهمام ياشيت والشوق

والحال في نقصن ولا تقبل الزود
اواحن لك ماحنت ا لعيس والنوق

دربي معك من فعل الايام مسدود
ثم صرت لي عوقن وانا بالمثل عوق

عابر السبيل

 

[عابر السبيل]

مريتني يا طرد الازهار وورود
ضج المكان بريحة الورد وازهار

يا اجمل ملاكن لين الغصن والعود
سلام ياغصنن تصارع والاثمار

غصنن يطاوع هبة الريح والنود
من حولها افلاكن من الزين تندار

ياكن لمحاته سجايا من الحور
وفكري بها من ثاير الحب يحتار

بابوابها يلطم لها الموج مسجور
كم مات في موجه ياغلا القلب بحار

اليا مشى يضفي على ليلنا نور
كنه ينابيعن من الزين وانوار

عابر السبيل

 

[عابر السبيل]

في وسط هاك الليل تشبه لفانوس
تسجن ظلام الليل يابسمة النور

ياجامع اذيال الليالي مع الروس
للناس دور وطلعتك بينهن دور

عيني عليها كنها عين حاروس
وانا على شوفه مع الليل مجبور

عابر السبيل

 

[جنون عآبثهة]

-






لا تقنع العالم بشيٍ تسويه
‏قد قيل من مبطي رضا الناس كايد
‏الناقصين يكبرون المشاريه
‏والواثقين يكبرون الوسايد .

 

[عابر السبيل]

الميّت اللي مالك الله تحييه
واللي رحل ياحلو ماهوب عايد

ولا مع الفاقد شي ن ويعطيه
وللوقت ياصاحي فعول وعوايد


عابر السبيل

 

[عهود منسية]

يا مقيم(ن) في قليبي ما تحول
موطنه روحي وأحاسيسي قرايب


باقي(ن) كل الغلا له مثل الأول
حبي له يا سامعي من العجايب


ما يتغير مهما ليل البعد طول
لو نعاني من هموم ومن نشايب




عهود​

 

[عابر السبيل]

كم ذا تعد الوقت يومن ورا يوم
كنك وكيلن في حساب الدقايق

وبالقلب ياصاح من الحب معلوم
وتهمل من الاعيان جوز الشقايق

والقلب مايسمع من النصح واللوم
كنه يسوقه وسط الاظلام سايق

انفاس صبحي به كما انفاس يشموم
صبحن حفيفه عبر الاوراق رايق

عابر السبيل

 

[عهود منسية]

أغيب ونلتقي صدفه
ما بين حروف منسيه

أجيك وبالقلب رجفه
غصب ما كان بيديه

كيل الود لي وفه
وهالابيات معنيه

قلبي مستند كتفه
غلاك ومخلص النيه

على أوتار الوله عزفه
أقول أهلاً ويا حيه

ثقيل بالرغم من خفه
وياني هو ع البغيه

شبك يمناي مع كفه
يساوي الروح وشويه



عهود

 

[عابر السبيل]

سلام ياحلو ن مكانه على الشط

أغيب ونلتقي صدفه
ما بين حروف منسيه

أجيك وبالقلب رجفه
غصب ما كان بيديه

كيل الود لي وفه
وهالابيات معنيه

قلبي مستند كتفه
غلاك ومخلص النيه

على أوتار الوله عزفه
أقول أهلاً ويا حيه

ثقيل بالرغم من خفه
وياني هو ع البغيه

شبك يمناي مع كفه
يساوي الروح وشويه



عهود

صح لسانك ويسعد ربي مسساك

 

[عابر السبيل]

سلام ياحلو ن مكانه على الشط
تراجد الامواج من شان عينه

عمري معه شيلن ترافق معا حط
سلام ياللي بينهن فخره ب زينه

حروفي لها بالدرب دايم تخبط
تشبه لمن ضيع مع الناس دينه

عابر السبيل

 

[عابر السبيل]

ياقف على حد الشفق م الغلا عود
يلوّح يودعني ب ردنه مساها

هيفا المخاصر تجمع البيض والسود
بين المقابل ولليالي فقاها

سحر الجدايل لا تلاعب مع النود
تبصر به عيون وتنسى عماها

تحط في قلبي على النار بارود
ينسى المصلى سجدته من سهاها

عابر السبيل

 

[سلمــان]

تدور بي الدنيا كما الرحاء لف
فيني وله وفيني من الشوق بركان

تحضني الكلمة العذراء وظفها ظف
وانا فدا عينك و كني بقايا انسان
سلمان

 

[عابر السبيل]

الغالي اللي حط له م الكرز شف
وخده كما وردن تغلاه ودا ن

وحرفي كما وشمن على ظاهر الكف
ويزرع على خده من الزاهي ألوان

تاقف صفوف الزين صفن ورا صف
حورية ن تلبس فساتين انسان

شهد الرضاب اللي على الشف ماجف
شكله وشكل الغير يا فهيد شتان

عابر السبيل

 

[عابر السبيل]

بشراك من مسراك نجم يباريك
يبدد لك الوحشه ويضوى طريقك

كنه ظلالك رافقك في مماشيك
وانا الخيال اللي يشابه حقيقك

من بينهم يادافي الحس نغليك
وان عزت الدنيا تراني رفيقك

يا ماخذي ياكم والله نعطيك
لو كان بالاضلاع شبت حريفك

عابر السبيل

 

[سلمــان]

الموت يصاحبني كف على كف
اهز اركان الفضا واطير هيمان

واذا رجعت للقاعدة مالها شف
مثل الضرير اذا ابصر وصار ندمان
سلمان

 

[عابر السبيل]

ياعازف القانون بالله ب شويش
خذيتني بيعن على اول السوم

كنك تناهش خافقي لك تناهيش
اشبه لطيرن بالسما يقلب الحوم

يوزع على سود الهماليل بالريش
كنه يوزع له هواجيس واهموم

بالقلب شوكن ما تطوله مناقيش
وعندي احاسيسن كما احساس مظلوم

عابر السبيل

 

[سلمــان]

و فجئة و تذكرته بأفكار مطاريش
كنت حر وطليق وعن الحب محشوم

ومن شفت عينه عرش قلبي معاريش
ليلي سهد وموقفي غير مفهوم
سلمان

 

[عابر السبيل]

نص مكرر جرى مسحه

 

[مـيريام]

الله على جو الشتا ليل ونهار *
*جون جميل ويشرح الصدر شوفه

يجمع محبينه على جلسه النار *
*اهل وحبايب كل من طال شوفه

لا شفت انا غيومن وتحمل لنا امطار *
*يفرح لها قلبي ويصفق كفوف