توقيت الشعر

[مـيريام]

في توقيت الشعر
يتلاقى الزمان والمكان
في دوامة الإبداع هي لحظة
لا تعرف حدوداً زمنية،
بل تمتد من فجر النور
إلى غسق الظلام
حيث ترقص كلمات الشاعر
على أوتار الأحاسيس وتنساب
بين جوانب الوجدان.
..
نبضه يترنم بإيقاعات الحياة،
يرسم صوراً لا تنسى بألوان الشجن
والأمل، تعكس وقائع الحب والحزن،
وترتسم بأحلى العبارات التي تحكي
قصص الأرواح.
..
في هذا التوقيت،
تتجلى العاطفة والشغف
حيث يتجسد الشعر كا اللغة لا تحتاج
إلى كلمات للتعبير،بل تغني بلحن الروح
وتتراقص بين صدى الخيال
وعمق التجربة.
..
يبحر الشاعر في بحر الأفكار،
يسترسل بين المشاعر ويغوص في
ثنايا الذات ليخرج بدفء الحرف
وسحر البوح يعانق أرواح القراء
وينساب فيها كعذوبة السكون.
..
تم الافتتاح بتاريخ 1/7/2024
توقيت الشعر 7:4صباحاً ​

 

[مـيريام]

يالغامض اللي تَـلِّ قلبي من أقصاه
شـلـعـتـه منّي وْراح فِدوة لِكِلـِّك
يا وَيحَ قَلْبي من مَحَبّتْك وَيـحـاه
عاجبني بِغْموضِك وْ مابي أحِلِّـك
..
خَلِّك مثِل مَنته أنا طبعِك أهواه
بْزينك بْشيـنك مثِل منته خَلّـك
لا بو خفوقٍ حَب عذابه وْ تِمَنَّاه
لا بو عيـوني لو تِـفَـكِّـر تِـمِلِّـك
..
"لكن شَرطي شرط وْ لابُد ترضاه
ماشوف غيري في الهوى يستِحِلّك
وإنـته تِخَيَّل رَدّ..شخص إنتَ منواه
يـهـواك من راسك إلى حدود ظِلّك"
..
كل شي بي زين وْمِثِل مَ إتِّـمَنَّـاه
وإن ما سَعَتْك الأرض عيني تِشِلِّك
بس لا تِجَرِّب غيرتي..لَنـّي والله
ما أنصحِك فيها لو إني مَحَلِّـك
..
حُبِّك مابين القلب والضِلْع ممشاه
كيفه يحق له شي وْبسمِك تِمَلَّك
تسرح في نبضه ولاّ تمرح في مجراه
القلب و راعي القلب يفداك كِلّك
..
شعر: أنور المشيري​

 

[مـيريام]

بَيْن عِنْقِكْ وِالْجِبِيْن أفْلاكْ وِنْجُوْم وْمِدَارْ
الشِّفَقْ صَافَحْ يِدَيْن الْبَدِرْ فِيْ خَدّ السِّمَا
وِالنِّسِيْم اللَّى يِلاعِبْ لَيْلِكْ بْعِزّ النَّهَارْ
كِلّ مَا انْفَلّ الظَّلامْ النُّوْر فِيْ صَدْرِيْ نِمَا
..
وِالْعِيُوْن اللَّى شَعِبْهَا مَا يِمِلّ الإنْتِصَارْ
كِلّ مَا سَلَّتْ هَدَبْهَا صَوِّبَتْ عَيْن الْعَمَى..!
كِنْت أعَافْ اللَّى يِمِيْل وْكِنْت أحِبّ الإخْتِصَارْ
لَيْن مِلْتِيْ وِاسْتِقَامْ الْعِشْق بِالْقَلْب وْ زِمَى
..
مَا دِرَيْت إنّ الصِّدَفْ تَمْحِيْ سِنِيْن الإنْتِظَارْ
مَا هِقَيْت إنّ اللِّقَا يَنْهِيْ مِشَاوِيْر الظُّمَا
وَاللّه انِّيْ قَبْل اشُوْفِكْ مَا عَرَفْت آخِذْ قَرَارْ
لا انْسَأَلْت آرِدْ (يَمْكِنْ) وِ (احْتِمَالْ) وْ (رُبَّمَا)
..
مَا انْفَرَضْتِيْ فِيْ تِفَاصِيْل الْحَيَاةْ.. إنْتِيْ إخْتِيَارْ
غَيْمٍ أوْحَى الرِّيْح تَدْعِيْ وِالْمِطَرْ حَنّ وْهِمَى
كَيْف أحِسّ بْغُرْبِتِيْ مَا دَامَتْ أحْضَانِكْ دِيَارْ
لَيْه أخَافْ مْن السِّفَرْ وِانْتِيْ الْوَلا وِ الإنْتِمَا
..
مِنْ مِتَى الدِّنْيَا تِمِدّ الْجَرْح وِ تْمِدّ إعْتِذَارْ.؟!
بَعْد عِمْر مْن الْجِفَافْ أرْوَتْنِيْ بْعَذْب اللِّمَى
مَا غِدَى فِيْ سِكَّةْ الأيَّامْ ضِيْق وْ لا حِصَارْ
كِلّ حِزْنٍ يَوْم جِيْتِيْ وَدَّعْ حْدُوْد الْحِمَى
..
شعر :فيصل القاضي