شعر عن مواقف الرجال في الشدائد/ الفريق الازرق

[جيفارا]

لولا المواقف ما عرفت الرجاجيل ** والرجل يعرف بالشدايد والافعال

أنا أشهد إن به ناس وقت البهاذيل ** لاجد وقت الجد تطرى على البال

من يعجبونك في جميع المداخيل ** قوم تعز الطيب من كل مدخال

وترى العمر ما هوب فرق المشاكيل ** والهرج ما يرفع من الناس دجال

بعض الرجال كبار لكن مهابيل ** المرجلة ما هيب بالكبر والمال

وبعض الرجال أجسام لكن تماثيل ** جسمٍ كبير وداخله قلب تمثال

هذا كلام الحق من دون تبديل ** حبيت أقول الصدق والصدق ينقال

هذا كلامي فيه بعض التفاصيل ** شيٍ مجرب ما خرصته من البال

ولولا المواقف ما عرفت الرجاجيل ** وكان استوى بالهرج خايب ورجال​

​

 

[جاروط]

يعطيك العافية يارب



على هذا العطاء والمجهود







دمت بخير يارب

 

[رااشد]

طرح جميل
سلمت يدااك
اختيار مميز