على كف القدر نمشي ولا ندري عن المكتوب

[ندى الورد]

السلام عليكم ورحمة الله وبركاته

مساء الخير والورد والفل والياسمين
مساء رائحة الزيتون وأشجار العزّ اليانعه الشامخة
كفلسطين


بشكر كل من راسلني وسأل عني سواء بالمنتدى خاص او برا المنتدى وشكرا لدعائهم وحبهم الصادق
وأخص بالذكر الملازمين الدائمين المقربين
ندى الورد
همس الروح
رضا التركي
داخل المنتدى وخارجه أسعدكم الله ولا اراكم مكروه
وعد وكاسيوبيا وروفي شكرا من القلب

هالفترة الماضيه كانت مو بس صعبه لا اشي بيشبه الخيال
الأكذوبه العجب العجاب

دوم بيدخلوا اليهود لمدينتنا بيصير استشهاد شباب
اغتيالات بيطخوا ليقاتلونا وكم ساعه بيخرجوا
خمسون ساعة واليهود من تلات ايام لامس بالليل اجتاحونا
بقرار متفق عليه مع الاردن ومحمود عباس وطبعا غزة انضمت
على قائمة المتخاذلين باعت القضيه وباعتنا بامتيازات اقتصاديه قدمتها اسرائيل لهم ..

فكانت مدينة جنين التي لاتتجاوز في مقاومينها المئة شاب تترواح اعمارهم بين ١٦ عام وثلاثون عام محط هدف للعدو


اجتاحونا بألفين جندي و300 دبابة وجرافات ومجنزرات
وطائرات حربيه وطائرات أباتشي قصفوا منازلنا وحرقوا بيوتنا
هجرونا من منازلنا .. الاف الجنود الاسرائيلين لخمسون ساعه
بكلابهم المتوخسه تهجم على صغارنا

بتنا بدون منازل بلا ماء ولا مأوى
كبارنا وعجائزنا يصرخون باسم الله أكبر
والجوامع صوتها يعلو ب الله أكبر
والشباب والصغار يصرخون حيا على الجهاد


ماتسمى بدولة اسرائيل بجبروتها المعتمد على امريكا
لم تستطع السيطرة على مدينة جنين
مدينتي مدينة العز والقوة والصمود .
فخورة جدا أني من فلسطين ولدت من رحم جنين


بناتنا شامخات كالنخيل ورجالنا اسودٌ في وجه الذل
شعب نحن لانلين


رغم ماتعرضنا له من اذى وظلم الا أننا شامخون بأذن الله

حربنا لن ولم تنتهي
اليوم نحن في بيوتنا نائمون قد يهاجموننا الليلة او غد
وقد نعود للبكاء ويعود الذعر بين الاطفال نعم

لكن لن نيأس فأما النصر واما الشهادة
والله لا ينصر القوم الظالمين .​

حببيتي عذرراء الشامخة كشجرة اصلها ثابت وفرعها في السماااء ربي ينصركم ويسدد خطاكم يااروووحي

 

[ندى الورد]

وربي دوووم لايفرقنا

 

[رضا التركي]

بدنا حفلة وسهرة خميس بكرة يا ندى الورد
نحتفل باتتصار اخوانا النشاما

 

[ندى الورد]

بدنا حفلة وسهرة خميس بكرة يا ندى الورد
نحتفل باتتصار اخوانا النشاما

اليوووم يارضا ليش بكره اليوووووم

 

[ندى الورد]

عذرآء الشوق
رضا التركي
يلا اكتب لنا قصيده وليدة اللحظه

 

[سمارة]

السلام عليكم ورحمة الله وبركاته

مساء الخير والورد والفل والياسمين
مساء رائحة الزيتون وأشجار العزّ اليانعه الشامخة
كفلسطين


بشكر كل من راسلني وسأل عني سواء بالمنتدى خاص او برا المنتدى وشكرا لدعائهم وحبهم الصادق
وأخص بالذكر الملازمين الدائمين المقربين
ندى الورد
همس الروح
رضا التركي
داخل المنتدى وخارجه أسعدكم الله ولا اراكم مكروه
وعد وكاسيوبيا وروفي شكرا من القلب

هالفترة الماضيه كانت مو بس صعبه لا اشي بيشبه الخيال
الأكذوبه العجب العجاب

دوم بيدخلوا اليهود لمدينتنا بيصير استشهاد شباب
اغتيالات بيطخوا ليقاتلونا وكم ساعه بيخرجوا
خمسون ساعة واليهود من تلات ايام لامس بالليل اجتاحونا
بقرار متفق عليه مع الاردن ومحمود عباس وطبعا غزة انضمت
على قائمة المتخاذلين باعت القضيه وباعتنا بامتيازات اقتصاديه قدمتها اسرائيل لهم ..

فكانت مدينة جنين التي لاتتجاوز في مقاومينها المئة شاب تترواح اعمارهم بين ١٦ عام وثلاثون عام محط هدف للعدو


اجتاحونا بألفين جندي و300 دبابة وجرافات ومجنزرات
وطائرات حربيه وطائرات أباتشي قصفوا منازلنا وحرقوا بيوتنا
هجرونا من منازلنا .. الاف الجنود الاسرائيلين لخمسون ساعه
بكلابهم المتوخسه تهجم على صغارنا

بتنا بدون منازل بلا ماء ولا مأوى
كبارنا وعجائزنا يصرخون باسم الله أكبر
والجوامع صوتها يعلو ب الله أكبر
والشباب والصغار يصرخون حيا على الجهاد


ماتسمى بدولة اسرائيل بجبروتها المعتمد على امريكا
لم تستطع السيطرة على مدينة جنين
مدينتي مدينة العز والقوة والصمود .
فخورة جدا أني من فلسطين ولدت من رحم جنين


بناتنا شامخات كالنخيل ورجالنا اسودٌ في وجه الذل
شعب نحن لانلين


رغم ماتعرضنا له من اذى وظلم الا أننا شامخون بأذن الله

حربنا لن ولم تنتهي
اليوم نحن في بيوتنا نائمون قد يهاجموننا الليلة او غد
وقد نعود للبكاء ويعود الذعر بين الاطفال نعم

لكن لن نيأس فأما النصر واما الشهادة
والله لا ينصر القوم الظالمين .​

وعليكم السلام ورحمة الله وبركاته

صباح الخير والسعادة والنصر اختي الغالية عذراء
حسبنا الله ونعم الوكيل بالصهاينة
متوحشين ومجرمون وارهابيون
الله ينصركم عليهم
اللهم كن لإخواننا في فلسطين معينًا ونصيرًا
اللهم انصرهم على من عاداهم فإنه لا يرد أمرك ولا يهزم جندك
سبحانك اللهم وبحمدك عليك باليهود الصهاينة
اللهم حرر فلسطين والمسجد الأقصى على رايات الإيمان وصيحات الله أكبر اللهم امين

الحمد لله على سلامتك حبيبتي
قلوبنا معكم


//

 

[آيہلا]

ونقوول صباح الخير مع انه الدنيا لسه ليل
لكن على اعتبار انه بلشنا يوم جديد ربي يجعله
خير بخير...


أصعب شيء ممكن يتعرض له الشخص انه يتعامل مع
أشخاص هوائيين مزاجيين
بكونوا بفترة نعك كويسين وفل الفل وبعدها بيقلبوا
ويتحولوا

ايش السبب تدور تبحث تلاقي انه انقلب عليك
وبعاملك وحش لانه ... Girl friend
اعطته تعليمات ماتتكلم معها مثلا

اوووووه يا الهي ماهذا ..ما تتحرق بكاز انت وهي
شخصيات مهزوزه

أو تلاقيها تتعامل معك بحب حببتي أختي من دونك المكان
مش حلو وفجأة قالبه وجهها شبرين

تبحث تلاقي انه سي السيد مو هاضمك متلا وبيفتن
تتحرق بكاز كمان هيك نوعيات


يعني عليم الله عليم الله بهالفترة عندي كمية طاقة سلبيه
محتاجه شي طوشه شي هوشه شي حركشه من حد اولع
فيه


ناس تفكر بعمق وكيف تنجح بهالحياة وتقضي طول الوقت
تتأمل بالمستقبل وايش تعمل
وناس بتركض ورا شاشه على هبل وضياااع وقت

وفلانه وفلان

دخيييل الله بس ​

 

[آيہلا]

بكرا عندي شغل مهم جدا في المدينه وكل ما هالشغل
بنحدد مع الجماعه موعد لنوقع الاتفاقيه بيدخلوا اليهود
المدينه وبتتسكر يالطيف


هلا اتفقنا ان شاء الله بكرا
من المسا وانا فاتحه التلجرام وعمالي بس راقب بالاخبار
دخلوا اليهود حدن طخ عليهم صار شيء

والنوم طاير ياحبايب من التوتر ما مصدقه يطلع الصبح ولاقي
نفسي بمكتبي والجماعه عندي
ياااارب بكرا يكون جبر خاطر لي ولكل حدن محتاج جبر خاطر
يا الله


بس تصدقوا جد في بحياتنا محطات حتى لو تقدمنا فيها.بأحلامنا لو نركز بنلاقيها نزفتنا كتير من أعصابنا
وتوترنا

يمكن لانه مافي شيء بيجي بالساهل


ملاحظة ع الطايرر

مو كل من حكى انا فلسطيني بيكون حر وشجاع
مثل مافي نسور وصقور في غربان ​

 

[ندى الورد]

ونقوول صباح الخير مع انه الدنيا لسه ليل
لكن على اعتبار انه بلشنا يوم جديد ربي يجعله
خير بخير...


أصعب شيء ممكن يتعرض له الشخص انه يتعامل مع
أشخاص هوائيين مزاجيين
بكونوا بفترة نعك كويسين وفل الفل وبعدها بيقلبوا
ويتحولوا

ايش السبب تدور تبحث تلاقي انه انقلب عليك
وبعاملك وحش لانه ... Girl friend
اعطته تعليمات ماتتكلم معها مثلا

اوووووه يا الهي ماهذا ..ما تتحرق بكاز انت وهي
شخصيات مهزوزه

أو تلاقيها تتعامل معك بحب حببتي أختي من دونك المكان
مش حلو وفجأة قالبه وجهها شبرين

تبحث تلاقي انه سي السيد مو هاضمك متلا وبيفتن
تتحرق بكاز كمان هيك نوعيات


يعني عليم الله عليم الله بهالفترة عندي كمية طاقة سلبيه
محتاجه شي طوشه شي هوشه شي حركشه من حد اولع
فيه


ناس تفكر بعمق وكيف تنجح بهالحياة وتقضي طول الوقت
تتأمل بالمستقبل وايش تعمل
وناس بتركض ورا شاشه على هبل وضياااع وقت

وفلانه وفلان

دخيييل الله بس ​

ياارووحي انت وسوالييفك وحشتني تعي اعمل معك طووشه وهووشه ههههههههه

 

[ندى الورد]

بكرا عندي شغل مهم جدا في المدينه وكل ما هالشغل
بنحدد مع الجماعه موعد لنوقع الاتفاقيه بيدخلوا اليهود
المدينه وبتتسكر يالطيف


هلا اتفقنا ان شاء الله بكرا
من المسا وانا فاتحه التلجرام وعمالي بس راقب بالاخبار
دخلوا اليهود حدن طخ عليهم صار شيء

والنوم طاير ياحبايب من التوتر ما مصدقه يطلع الصبح ولاقي
نفسي بمكتبي والجماعه عندي
ياااارب بكرا يكون جبر خاطر لي ولكل حدن محتاج جبر خاطر
يا الله


بس تصدقوا جد في بحياتنا محطات حتى لو تقدمنا فيها.بأحلامنا لو نركز بنلاقيها نزفتنا كتير من أعصابنا
وتوترنا

يمكن لانه مافي شيء بيجي بالساهل


ملاحظة ع الطايرر

مو كل من حكى انا فلسطيني بيكون حر وشجاع
مثل مافي نسور وصقور في غربان ​

ياارب يوفقكك ويجعل كل الخير بدربك يااصيله يااحرة يااشامخة

 

[آيہلا]

ونقووول يامساء الخير من بعد تعب

اليوم كان حافل بالتعب الصح وضبط الاعصاب والشغل يلي
مليان مشكل ومشاكل

اليوم تأكدت انه انا حدن اسم الله علي الله يحفظني
ذكية وبقدر اضبط اعصابي واتصرف بحكمه في المواقف
الصعبه


في عندي موضوع شاغلني من شهرين في شغلي لمشروع
لي شهرين تماما بعاني من مزاجية صاحبه وتقلباته لدرجه
انه الكل فقد الأمل يمشي هالموضوع وأنا لا

اليوم كان اجتماع المحاميين للأطراف انا وشريكي ومحامينا
والطرف الاخر ومحاميه

وهما يرتبوا بالاتفاقيه كان تعامل الطرف الاخر بغرور
وشريكي عصب وكنت خلص على وشك أخسر المشروع يلي
له شهرين ماخد جهدي ووقتي وماديا ومعنويا

لولا لطف ربنا بالدرجه الاولى وحكمتي في إدارة الموقف
وتم تحديد التوقيع امام القضاء في المحكمه بكرا الساعه
11 ان شاء الله

اليوم من الساعه 8 صباحا خرجت من البيت للساعه تسعه تقريبا
المسا وأنا في الشغل كله حرق اعصاب وتعب


الله يلطف فينا بكرا واروح مبسوطه ومنجزه انجاز كبير
بنجاح يارب
ادعولي ياجماعة ​

 

[آيہلا]

مسا مسا مسينا
كيفكم ياحلوين يا أمورين ياعسولين

لاتقلقوا مو رايقه بس جاي على بالي أتغزل بحدن قلت بتغزل فيكم

اليوم كان مهم لنجلس أمام القاضي ونوقع على المشروع
امس من كتر ماكنت متوترة ومرهقه وبفكر على الساعه اتنين ونص

ضرب ضرسي وصرت أحكي ياوييييلي وابكي متل الأطفال من كل قلبي
الله لايوجع حدن بهالوجع

وانا المصيبه فين هاد الضرس كل ما أشرب له مسكن ومضاد التهاب
يخف ويحكي لي الدكتور تعالي أعطيكي بانج واعمل له اللازم


انا بخاف من الأبر وموت بصير ابكي متل الاطفال مابروح
فكل شهر بوجعني ههه

امس من كتر الوجع نزلت ع المشفى واعطوني مسكن ألم بالوريد
لقدرت نام واهدا
ومن الصبح نزلت للشغل والله يقرفه من شغل تعب والتعامل مع الناس موت


ولقيت شريكي مو ناوي يكمل شغل معي بالمشروع لانه قال مو كسبان

فأيش عملت اعطتيته من نصيبي ومكسبي ونزل مكسبي النص تقريبا

والله شاعره بدي انجلط جد

صح الحمد لله حقي رجع وكسبت بس مكسبي نزل النص وربع احلامي تبخروا

يالا الحمد لله على كل شيء


حظ ومكتوب​

 

[آيہلا]

ونقووول يا مساااء الفل للكل

لي زمااان عن الدردشه واليوم بما انه مروقه رح ادردش حبتين

تعرفوا لو مكانكم اقرأ واستفيد من تجارب غيري لانه خاصه أنا حياتي عبارة عن
فيلم آكشن على منوعات الله وكيلكم مافي شي ما عشته ههههه الحمد لله طبعا


هلأ تعرفوا انه نحنا لمن الحياة تضغطنا بضغوط كبيره , مو يعني الله مابيحبنا او
بيعاقبنا .. أكيد الاغلب وماتحكوا لا انا مو هيك الأغلب هيك

بس تزيد الضروف عليه بيبلش يا الله ليه مابتحبني وانا اتحملت وانا تعبان وانا ماعدت
أتحمل ومن هالكلام ..

وأنا اكيييد هيك

العام الماضي دخلت مشروع وللأسف خسرت فيه لضروف معينه بس وحده متلي ما تقبل بشيء
أسمه فشل لهيك ضليت مكمله وحولت مجالي والحمد لله انه شخصيتي على طول بشعرها
أيجابيه .. مع العلم انه مافي من محيطي داعم لي بالذات معنويا

وكمان اكيد اغلبكم هيك . يعني تدخل مشروع بدل مايحكوا بالتوفيق يبلشوا يحطموا فيك
ويزرعوا الفشل قدام عيونك

بس انا حدن عنيد جدا ومتمسك بيلي بطمح له ومابسمع لسلبيات الغير بتحمل النتيجه وحدي
ومابهتم ان فشلت في شيء على طول بكمل لآخر بس طبعا بحكمه وصبر وهالشي باخده من
التجارب بالأضافه انه بسمع الرأي وبمشي بيلي بشوفه صح

وفعلا دخلت مشروع لي أشهر بتعب عليه ان نجح بكون تعويض بأذن الله لي عن كل شيء سابق
طبعا ما حدن من محيطي داعم ولاحد سند بالعكس
بس انا مكمله ومابلتفت

وضليت خطط واشتغل لمدة شهرين عليه وطبعا انا بحكي مشروع يعني في أطراف تانيه

الأطراف التانيين هم رجال أعمال وتجار أراضي انا بنفذ لهم مشروع
رسمت الآليه وحضرت الاتفاقيات و و و لمدة شهرين وأخيرا بفضل الله وقعت على المشرووع وقدرت
اوخده وهووون شو صار

تعالو اكملكم الجزء التاني من القصه هههه​

 

[آيہلا]

ولمن وقعت ياجماعة الخير على المشروع طبعا انا معي شريك عمل مو شريك مكتب يعني
مشرف على العمال بياخد نسبه أكتر للأشراف واتمام الأمور ومتفقين
الأدارة والماليه والقرار المرجعي لي
وفعلا في الأتفاقيه في شرط عشر أيام وببلش تطبيق المشروع

تخيلو شهرين مانمت ولا أكلت وانا اتعب على المشروع وتواصلات و و
وعند التنفيذ غير شريكي رأيه وحسبها قال بيطلع المشروع خسران وانسحب

هووون كانت المصيبه والأنتكاسه والتعب
صار صاحب المشروع بيتواصل مع مكتبي ليه مابلشتوا لازم من عشر ايام بلشتوا
وشريكي مابيرد ع جوالاته ولا على أحد واسلوبه مستفز

هون شو رح اعمل وصلت لشريكي الأهبل وجلست معه افهم اعتراضه على ايش
لقيت انه مهندس الرجال ضايف اضافات على اتفاقيتنا بتسبب بخسارة على قولته لشريكي

صار علي ضغط ماتتخيلوه من شريكي يلي بدو ينسحب
من صاحب العمل يلي لازم نبلش بعمله
وما يخفى عليكم محيطي يلي كله كوم وشماتتهم وسلبيتهم كوم تاني

بس مع هيك ضليت حارب وحاول ومتمسكه بالمشروع على الله يضبط
بس خلاص شكله خربان خربان

ولقيت احسن حل انه دخل مهندس ومحاسب جددد مو من مكتبي ولا من طرفهم
واشوف رأيهم ايش

وكلمتهمم واعطتيتهم المشروع يدرسوه وكنت مقرره ايش بيحكوا اقرر قرار نهائي
بس يا الله شعوري ونفسيتي وتعبي وأملي كله بيروح

فعلا اتصل فيني المهندس وخبرني انه بالأضافات بكون المشروع فاشل وبدفع مني كمان
فلووس

هووون كانت صدمه وفجأه امي بتجي بتحكيلي انا خايفه عليكي يا أمي لو خسرتي
مشروع وخسرتي حلم الله بعوضك بس لاتشمتي حد فيكي او تأذي نفسك بأشي خسران وقتها
ماحد برحمك

صح اتذمرت وبلشت ياربي شو الحكمه تعبي يروح وياربي وابكي
بس بعدها لقيت انه خلص فعلا انا ليه بزعل ما ربنا هو صاحب الحكمه بكل شيء ووراه شيء
الخساره .. وهون شعرت انه فعلا بيقين انا متقبله قضاء ربنا
وقررت انه انزل لمكتبي واتصلت بصاحب المشروع وبشريكي واتفقت مع شريكي أنهي الموضوع

واجى صاحب العمل وحكيت له كل شيء وقلت له بسيب المشروع

صدقا داخليا كنت راضيه بيلي كتبه الله وماشاعره اني زعلانه
يمكن هالشعور واليقين ما شعرت فيه من قبل وبدون تذمر

وكنت خلص متأكده انه المشرووع مني .. وفجأة مابعرف كيف بآخر لحظة صاحب العمل
الله هداه والغى كل يلي زادوه وكمان دفع كاش للعمال لمدة شهر

يعني لو أضل اوصف الشعور يلي شعرته والفرحه ما ممكن انه عبر عنها
بثانيه ربنا غير الحال لحال وكسبت المشروع بشروط مكتبي انا

لهلأ صدقا ما عارفه أوصف شعوري كيف
بالأضافه انه اجت الأمور لصالحي وفرحت فرحه بفضل الله من قلبي الف الحمد لله


بعد تجربتي اكتشفت انه فعلا مالازم أقول ياربي ليش وياربي حظي ربنا بيضغط علينا كرمالنا
وبيحطنا بالمكان الصح

ونصيحه لو انكم بتولعوا بالنار أحكوا انه هاده النار فيها خير لنا كان ربنا ما ولعنا فيها
جد هالشي قناعه ويقين

​

 

[آيہلا]

مسينا مسينا على الحلوين

يمكن انتم بس يلي من أمس لليوم بطل عليكم

من أمس وانا بغرفتي بس نايمه مابصحى الا للضرورة القصوى ههه
تخيلوا بتتصل السكرتيرة نازله ع المكتب بحكيلها اه

بضل ساحبتها نوووم جد جد من امبارح لهلأ تقريبا بس نايمه
والمصيبه اليوم الصبح اعطتيت موعدين وطنشت

يمكن تعب الشهر الماضي كله ماشعرت فيه الا لمن نمت

بالذات اليوم من الساعه تلات الفجر بالليل لهلأ وانا بالغرفه مابقوم
الا للضروره جد ونوووم
هلا ماصدقت اشرب فنجان قهوة لأعرف هيك جمع انه عندي دماغ وراس هههه
حتى كل من اتصل على جوالي مابرد الا على الوالده
يلي صايره متل وكالة الأخبار اتصال وتواصل اول بأول ربي يحفظها

​

 

[آيہلا]

بدي علاج للنفسيه والمزاجيه هل عندكم حل

يعني أنا نفسيه بأمتياز جد ومصيبه انه يومين ما أخرج من البيت بصيبني ملل
والمصيبه الأكبر انه انا مو من النوع روحي عند الجيران واشربي قهوة واتكلمي
ةقضي وقت ان ماخرجت للمدينة خلاااص بضل بالبيت ولابخرج باب البيت حتى

بس بآخر الليل بقلب نفسيه

تعرفوا نفسي جد أغير كل حياتي
حلمي أسافر برا وأشتغل وابدأ بداية جديده
ترى انا مجنونه لو الأمر بيدي بعملها والله بس حكم القوي بقى هههه

انا شخصيتي شو بطلع بعقلي بعمله بحب التغيير بكره الروتين
بحب الأشخاص الوفيين بحياتي مايغادروا بس للاسف لهلأ ما كان واحد
ولا وحده وفيين

ربنا الله سكرتيرتي بتجنن هالبنت اختبرتها ماديا اختبرتها كذا اختبار ونجحت
جد بتجنن

يعني يمكن هي الشخص الوحيد يلي من سنه عرفتها بس كانت وفيه
لهيك عماله بدور لها على عريس هههه​

 

[آيہلا]

••●

اللهم بك أصبحنا نشهدك وحملة عرشك وملائكتك
وجميع خلقك أنك الله الأحد الصمد الءي لم يلم ولم يولد ولم يكن له كفوا أحد .

أصبحنا وأصبح الملك لله وحده .

وياصباح الخير
وياااصباح الورد
وياصباح الجمال للأرواح الجميله


من يوم الأربعاء وأنا صايبني فايروس عداني شريكي
الله يسامحه كان مرضان واجاني ع المكتب وهو روح
من هون وبنفس اليوم الله وكيلكم بلش أشعر بتعب

من الاربعا لهلأ وأنا بس بالفراش ماباكل ولابشرب ويادوب
بتحرك ومو نازله على شغلي وعند ترتيبات ضروري اتواجد
وبالكاد ويادوب قادره قوم هلأ جهز نفسي وإنزل والله

وعندي بس روح التزامات تانيه ضروريه وجد ماعارفه
كيف رح املك القوة انه اعمل شيء منهم كان بشغلي او
بحياتي لانه تعبانه بشكل ماممكن حد يتخيله

المصيبه بحكوا فايروس كورونا من النوع الخامس على
قولتهم يعني ان صادقين وبطلع كورونا على قولتهم اول ما
حب يشرف زارني

بس لا لا فايروس عادي اعتقد وكورونا الله يكفينا شرها
احنا وانتوووو


وادعولي يكون يومي خفيف لطيف ​

 

[ندى الورد]

••●

اللهم بك أصبحنا نشهدك وحملة عرشك وملائكتك
وجميع خلقك أنك الله الأحد الصمد الءي لم يلم ولم يولد ولم يكن له كفوا أحد .

أصبحنا وأصبح الملك لله وحده .

وياصباح الخير
وياااصباح الورد
وياصباح الجمال للأرواح الجميله


من يوم الأربعاء وأنا صايبني فايروس عداني شريكي
الله يسامحه كان مرضان واجاني ع المكتب وهو روح
من هون وبنفس اليوم الله وكيلكم بلش أشعر بتعب

من الاربعا لهلأ وأنا بس بالفراش ماباكل ولابشرب ويادوب
بتحرك ومو نازله على شغلي وعند ترتيبات ضروري اتواجد
وبالكاد ويادوب قادره قوم هلأ جهز نفسي وإنزل والله

وعندي بس روح التزامات تانيه ضروريه وجد ماعارفه
كيف رح املك القوة انه اعمل شيء منهم كان بشغلي او
بحياتي لانه تعبانه بشكل ماممكن حد يتخيله

المصيبه بحكوا فايروس كورونا من النوع الخامس على
قولتهم يعني ان صادقين وبطلع كورونا على قولتهم اول ما
حب يشرف زارني

بس لا لا فايروس عادي اعتقد وكورونا الله يكفينا شرها
احنا وانتوووو


وادعولي يكون يومي خفيف لطيف ​

حببيتي عذرااء الف الف سلامة عليك ماتشوفي شر ياروحي

يا رب إنّها صديقتي التي أحب، اللهمّ لا تدع لها موضع ألمٍ إلّا وقد شفيته. اللهمّ طهر جسدها من التّعب، ربّ أستودعك إيّاها، اللهمّ اشفِها وعافِها يارب. اللهمّ اشفِ صديقتي بشفائك، وعافِها من بلائك، وانثر الرّاحة في جسدها، وألبِسها لباس الصّحة والعافية، فأنت الشّافي

 

[آيہلا]

ونقوووول يامساااء الفل

هلأ انا كتير تعبانه ومرضانه والفايروس زايد علي وجعه
بس سبحان يلي خلقني حتى بعز مرضي بفكر بالشغل

قال وبقول رح ابلش ع بداية السنة ان شاء الله خطه جديده
واترك الشغل كدابه انا هههه مابعرف عيش بلا شغل
انا طبيعتي بحب الاستقلال المادي مابحب احتاج حدن واحكي
لحد بدي ..هوي انا بحكيلهم بدي وهاتو بس بقوة وتسلط

مو اكون بحاجة يعطوني بتفرق

المهم انه ضابطه اموري بأذن الله بس لاخر شهر واحد اكون
مكمله المشاريع يلي بلشنا فيهم اول السنه

وكنت بفكر وبفكر شوووو يا عذراء تعملي شي جديد بيشبهك
بدي شي يشبهني انا احبه

هلا مجال التجميل لساتني فيه وبشتغل فيه بس بشكل ثانوي
لانه صار عندنا كل خطوتين مراكز تجميل وصالونات

والشي لمن يكون متاح بكثره بيغقد بريقه وانا مابحب الا التميز
حقيقه اكون غير بمجالي بشيء ماحد بيعمله او مو موجود بكثره

معي خبرة علم​

الرفلكسولوجي​

عن طريق تدليك نقاط معينه في القدمين والجسم
طبعا انا اخدت المرحله الاولى والتانيه وسبت والتهيت
بأدارة المكتب لشغلي الجديد

لهيك اول شي بأذن الله مقرره اكمل دراسه بهاد العلم واتميز
فيه وافتح مركز يكون متخصص له هالشي بيشبهني جظا
واضيف قسم ثانوي تجميل بس يكون الاساس طبي بديل


هلا مو لهيك فرحانه
انا طول عمري نفسي بشيء مميز واخيرا اخيرا اخيرا
بفضل الله لقييييت شوووو بدي

حكيت مع مصمم عطور بالشااااام بيصمم الروائح والتركيبات
الخاصه هوي وبتتميز بنكهتك يلي تختارها وقررت بأذن الله
انه صمم عطر بأسمي جنان مع سبلاش خاص فيه بروائح
تكون خاصه وحصريه لي وحدي


شجعني ورسمنا خطة لنبلش بأذن الله
وكتييير معنوياتي مرتفعه رغم المرض

ومتشجعه
ادعولي ادعولي احقق حلمي وهيكا اجلس بدون ما احكيلكم
شريكي جنني
السكرتيرة مدحتها وطلعت مو قليله واذتني وطردتها
و و

مليييت مليييت بدي شي اكون في وحدي
رح شوف بلكي بأول عشره ان شاء الله سافرت للشام لانه ضروري سافر للاردن عندي شغل بأول عشره وبعدها بطلع ع رقمي الوطني الاردني للشام سهل وببلش يااااارب

ادعولي هاااا ويلي مابيدعيلي الله يرزقه حد بحياته
متل شريكي كرمال غصب عنه وقتها يدعيلي ​

 

[آيہلا]

ونقووول مسينا للمسا وصبحنا يلي عندهم صباح

من زمااان عن الدردشه مو عارفه ليه فاقده الشغف من كل شيء هالفتره ..

يمكن الحوادث والكوارث الكونيه يلي بتصير بهالبلاد
والله بتحزن وكأنه تحذير كوني الهي بيحكيلنا انتبهوا
وين رايحين ؟؟


لاهين بحياتنا وبأضغاث القلوب وخبث التصرفات دون
نوايا صافيه وكله على ايش من ورا شاشات أنا مو مسجله الا بالغابه يمكن لانه مابحب التعدد حتى لو منتدى ههههه

بحب كون بمكان يكون مملكتي فيه مابحب اتنوع ..
بس بحب احكي شي بسييط

والله مو تنظير ولاشيء
الدنيا من كتر قهرها من البشر بلشت جد غضب كوني عليهم
العاقل الحكيم بيحاول ياخد الحكمه من الامور لينجو ان الله اراد ..ف بالله بلاش ترهات

فلانه قامت فلانه قالت فلان بتحب فلان فلان بيكلم فلانه
كل حد ينشغل بنفسه أولى وأصح هيك الكل بيرتاح

الثرثرة الفاضيه مابتجيب نتيجه وكل بنآدم حقه يعيش
بالطريقه يلي تعجبه ماحد قاضي على حد

ف لو هيكا كل حد ينشغل بنفسه او كل صبيه تنشغل
بحضورها احسن
ع فكره مافي حد احسن من حد ولاذكر ولا انثى كل حد له
طابع بميزه ونكهه مميزه لحضوره
فيلي يحارب ليثبت حضور خاصه وهمي بكون غبي



وبس

مو جاييني نوووم ولي ساعتين بحضر بزلازل وفياضانات
والنفسيه تحت الصفر بشوي .فقلت ادخل ادردش ع الطاير


صدقوني كل يوم بكتشف اني ملاك والله من كتر سود النوايا
يلي بعلشرها او بكتشفها وبشوف نيتي صرت شك بنفسي
احكي معقول انا طيبه هيك او انا بغش حالي


يلي انا عاجبني بحالي شيء واحد صايره ردات فعلي باارده
وكانه قلبي انطفى ماعدت انرفز ولا اتنيل ازعل هههه يمكن
لانه صرت بتوقع كل شيء من اي حد فصار كل شيء عادي

وهالمرا بس جد

وتصبحوووون على خييير
وانا بكفيني اصبح بصحه وراحة بال وهالمشروع يلي مبلشه
فيه يكمل وآخد مكسبي واجييييب سيارة جيب ياعيني لو يتحقق هالحلم ان شاء الله

وماعود احكيلكم دورولي على الراجحي كاش ​