مجموعة الصخري... اكتب ما شئت من أفكار، أشعار، نثر، حكم، عذب الكلام

[الصخري g]

قلمي



هلوسات عاشق وحوار بين ظالم ومظلوم


قالت احبك
والقلب ما زال يهواك
والروح ما تقدر
تعيش بلياك
وعالبعد ما عدت قادر


قلت يا بنت
الحب مو كلمه تنقال
الحب نعمه من الله
ومو كل البشر يفهمها


قالت انا كنت تايهه
مغروره بحالي
تباهيت بحسني
وجمالي
سمعت كلام الناس
اغفر لي وسامحني
احلفك بالواحد القهار
للي يغفر ويتوب
وهو الرحمن
الرحيم
الغفار


اقول يا بنت
انت مالك ذنب
سمعت كلام العذال
اللي ما يحبون لنا الخير
ويحسدون الغني
وحتى ما نجا منهم
المتعثر الفقير

ياما على هجرك بكيت
كنت أظن اني في حقك خطيت
لكن لما عرفت الصحيح
اصبحت على نفسي انيح


اقول يا بنت
قلبي التئم
اشكر ربي
على كل النعم
ما ابغى أخوض التجربه
من جديد
قفلت قلبي
بقفل من حديد
ماله مفتاح ابد
ولا حتى كلمة مرور
انا عايش حياتي
متهني بروحي ومسرور
خلي كلام الناس ينفعك
ياما كنت صادق
ومخلص معك


قالت سامحني يا غالي
أملي تصبح حلالي
عطني فرصه ثانيه
أصلح اللي بينا إنكسر
كنت انا انانيه
وعن الحق عيوني معميه
انت ما تعرف بقلبي غلاك
العيشه ما تسوى بلاك


وبعدين يا بنت الناس
قلبي انا مو كبده تنحاس
اتركيني بحالي
ومن هم الحب
اغني على وجعي
مواويلي
أعطيتك بدل الفرصه
فرصتين وثلاثه
وكما قال المثل
اللي انقرص من الحيه
يخاف من جرت الحبل
قلبي ما عاد
مثل اول هبل
بيدك انت ذبحتيني
دمرت مستقبلي وهجرتيني
رجوعي لهواك
يعني هلاك


يا ثائر اعرف قلبك حنون
ودريت انك مو انت التخون
سامحني يا غالي


اقول يا بنت
كل اللي مضى
راح وخلاص انتهى
عيشي حياتك مثل ما تبغين
واطلب من الله تكونين
تعلمت الدرس الثمين
وانا بعد راضي بحياتي
حملت الهم ودمرني سكاتي
والحين بعد ما قلبي شفا
من الصدمات
واللوعات
والكسرات
مستحيل اعيد التجربه
قلبي ما هو حقل تجارب
ما عاد يتحمل مصايب
اقول الله معك
لكن المهم انك تعلمت
من درس الحياه
الحب مو كلمه تنقال
الحب قول وفعل
الحب حلو
لكن يحتاج
ثقه واخلاص
وإن غابت الثقه
غاب الأمل

 

[الصخري g]

جديد ثائر بني صخر (عاشق البداوه)

في 2022/8/25 الساعه السادسه والنصف صباحا

محكمة الحب


اليوم بنعقد محكمه
نبي نعرف الجاني
ومن المجني عليه

محكمه...

احكي يا ثائر ونسمعك
هات الدليل وقدم البرهان
اللي معك

سيدي القاضي
عطيته قلبي
وما حافظ عليه
سيدي القاضي حضرات المستشارين
سقيته حبي من دم الشرايين
عطف وحنان واغلى مشاعري كانت بين يديه
وبعد هذا هانت العشره عليه

وانت يا مزيونه
نبي نسمع ردك عليه

سيدي القاضي
عن حبه ما كنت راضي
يلعب على حبل الهوى
وحبه ما كان صافي
يعرف بنات كثير
يتنقل من بنت لبنت
مثل حر الطير

كذابه يا سيدي
ليت دمي ينشف في وريدي
إن كلامها مو صحيح
هذا كلام سمعته من جريح
ما يحب الخير
وهايم في هذا الكون الفسيح
هجرته حبيبته ويبي ينتقم
من كل عاشق مستريح

اسكت ولا تقاطع
اعطيتك فرصه تتكلم
شايف انا المزيونه تتألم
كملي كلامك
باين مظلومه
من حسنك ودلالك

يا سيدي القاضي
كلامك كله غزل
ابي اعرف وين العدل

يا سيدي انا مظلومه
كنت دوم معه مهمومه
ابي استريح
احكيلك بالعربي الفصيح
ما عدت مهتمه بحبه
جاني رجل غني
معه فلوس ومتهني
يبي يخطبني
وعلى أمريكا معه يطلعني



شفت يا سيدي القاضي
قالتها ولا تبالي
باعت حبي وعشرتي
بفلوس فانيه
وما همها حسرتي ودمعتي


نظر لي القاضي
وفي وجهه ضحكه خبيثه
قال اتركها بحالها
ما دامها بالفلوس مستريحه


والله يا سيدي القاضي
ما عادت هي مرادي
لو اعلم هذا تفكيرها
ما قربت منها ومن ديارها
لكن اقول حسبي الله بكل مفتري
اللي عواطف الخلق عندهم تنباع وتنشري
انا اسحب القضيه
بعيش حياتي بهنا وحريه
ما عدت اعشق من جديد
بقفل قلبي بقفل من حديد


رفعت الجلسه وانتصر الظلم
على العدل من جديد

توقيع : @الصخري g ​

 

[الصخري g]

طـوينـا صفحـة المـاضـي وتبنـا
خـذينـا اللـي كفـانـا وانتـهينـا
وعن قـولـة نبـي نصيـر تعـبنـا
وعـن مـن لا يـراعـينـا سـلينـا

نبـي نسلـى مـن الحـب ونشـبنـا
عـذاب الحــب مـكتـوب علـينـا

نهـايـة حـبنـا يـأسـه غـلبنـا
ولكـن يـا زمـن وش فـي يـدينـا

أحبــك يـا بعـد روحـي شـربنـا
وتكسـر كـاس الحـب فـي أيـدينـا .