هبد وصواريخ على كيف كيفك

[روفي]

يأست

من ساعه جالسة في الملف الشخصي احاول اضبط حاجة بس مهي راضية تضبط معي زعلانه مني او انها تكرهني

إن كنتي تكرهيني فأنا اكرهك واذا زعلانه على اقرب بحر
المهم اشوفكم على خير لازم اخرج ولي عودة لاحقاً

 

[روفي]

بمناسبة الطفش / انقلعي ياشيخة الناس نايمين

المهم
ابغى اسولف لكم عن قصة
مو قصة قصة يعني مقطع من حياتي سابقاً لما كنت اولى متوسط الى ما خانتني الذاكره

المهم بذيك الفترة كان معنا عرس لقريبتنا والي هي خالة بنت عمي بس كلنا نقولها خالتي لأننا تعودنا من صغرنا نجي ونروح عند بعض ف خلاص كنا كلنا اهل
وطبعا كانت ايام مدارس والناس تجتهد والخ
بس وش صار
أنا وشلتي من بنات العائلة
" ابرار بنت عمي_ وصايف بنت عمتي _ ليان بنت عمي الثاني _ خلود بنت خالتي "
كلنا اجتمعنا قبل العرس بأسبوع تقريباً في بيت عمي ابو ابرار
طبعا ابرار البنت الوحيدة ومعها اخوان بس وقتنا كنا بزران والأهل ما عارضو اننا ننام عندهم ثلاثه ايام أو اربع ما اذكر كم كانو بالضبط
المهم بذيك الايام رحنا بيت عمي كلنا على أساس نسوي حماس ونحس بأجواء العرس والمشكلة ان العروسة بشرق الأرض وحنا بغربها
اخذنا إجازة من المدرسة كأنه زواج ابونا وهجينا بيت عمي رقص وضحك وطقطقة على بعض وحش في الناس على اشياء ما صارت نتخيلها ونموت ضحك ماعليكم اكثر شلة محششة ومجنونة في العائلة
المهم ابرار كانت الدي جي كانت تحط لنا اغاني هي وليان وخلود خبيرات ما شاء الله عليهم
ف بيوم من الايام كان وقت صلاة الظهر وابرار قالت احس اني حرانه وبدخل غرفة اخواني اتهوى شوي
وطبعا دخلت في سبات عميق ولما أذن راحت وصايف تقومها من النوم عشان تصلي والغبية من كثر ادماننا على الاغاني بذيك الفترة كانت تقول أي اغنية نقول قومي يبنت صلي تقول أي اغنية دخلنا وكفخناها وقامت بعدين تضحك تقول والله ما ادري انكم عندي
المهم خرجت من الغرفة وتوضينا وصلينا وبعدما خلصنا دخلنا المجلس ننام
غرفة ابرار ما كانت بذاك الكبر وعشان ناخذ راحتنا كنا ننام في المجلس كلنا مع بعض
تخيلو بالايام العادية لما كنا نروح ننام عندهم ندخل ننام بعد صلاة الفجر ومن السوالف والضحك والاسرار الي ما اذكر منها أي حاجة كنا ننام الظهر
المهم نرجع
لما دخلنا المجلس ننام كلهم تسدحو الا أنا جلست على الكنب وأقول بصوت مستفز " قومو قومو " ما ابيهم ينامون وانا اصلا كان باقي شوي واكمل يوم كامل بدون نوم ف خلاص فصلت وكنت اضحك وأقول قومو عشان انرفزهم واضحك
وهنا ابرار انفجرت قالت بصوت عالي خلاااااص
ليان وخلود وقتها راحو يشربون موية ومع دخولهم صرخت ابرار ليان هجت من الخوف وخلود أخذت لها ذيك الطيحة الي يحبها قلبكم وقسم بالله موقف يقتل ضحك وأنا جالسة اكتب تذكرته بالتفصيل وضحكت بقوة يمكن تحسونه موقف عادي بس والله للحين كل ما تذكرناه نموت ضحك خصوصا على شكل خلود هههههههههههه

المهم خلص اليوم ذا على خير والكل نام الا انا وليان جلسنا شوي وليان غفت وأنا جلست اضحك زي الهبلة كل ما اتذكر الموقف الي صار ونمت العصر


واليوم الي بعده ما شاء الله علينا صرنا مجتهدات ونبي نداوم في المدرسة على أساس اننا دافورات اتصلنا على عمي قال معه شغل وما يقدر يمر ياخذنا واتصلنا على جدي الله يطول بعمره وقال سيارتي خربت قبل شوي من نحاسة حظنا
وبعد كل ذا الي صار استسلمنا وعيال عمي جابو لنا حمضيات عبوة عائلية بما ان العدد كبير
والله يحفظنا صبينا كاسة لكل وحدة وهنا بدا التمثيل كل وحدة تمثل انها سكرانه وانو حبيبها خانها او وحدة تسوي نفسها ولد والثانية بنت وكل وحده تقول عن الثانية خنتيني ما تقولون ناقصات عقل والله حماس وبنفس الوقت لسه كنا صغار بس لو رجع الزمن والله اسويها ثاني وفوقه نشرب بيبسي ونقول قهوه تركية هههههههههههههه

المهم هذي بعض المواقف الحلوة الي صارت معي ومع شلتي حبيت اسولف لكم عنها شوي

طبعا سالفة الحمضيات ما يدري فيها الا الشلة الموجودة في قلب الحدث لو الاهل عرفو الله يرحمنا

ويلا تصبحون على خير بنقتل من نبع الحنان كل يوم اطب هنا وما انام

 

[روفي]

لا يالعاشقة الحين تجي امك تهبدك بكف وتعرفين الاختلاف على اصوله

هذي أنا اكلم نفسي المفروض أكون قد رقدت من زمان بس جالسة اخذ لي فره هنا وهناك وداخله سكوني وعايشه الجو هههههههه

تصبحون على خير منجد المره ذي عشان لا انلطم

 

[روفي]

تخيلو تخيلو شصاااار

اخوي كسر كاسة تتوقعون بياخذ هوشة ولا بس الهوشات لنا حنا المساكين الفقراء الى الله اصلا من اليوم واحسها بتنكسر وانا الي بكسرها بس الحمدلله جات منه ولا جات مني

تعالو بطلبكم طلب
كل الي يشوف مدونتي وخصوصا المشاركة ذي اتمنى تدعون لي في يوم العرفة الدعوة في هذا اليوم لا ترد خصوصاً انه يصادف يوم الجمعة
وكلنا نعرف يوم الجمعة فيه ساعه استجابة ومع اجتماع العرفة والجمعة والصيام يالبيه الله يستجيب جميع دعواتنا يارب
قلت اطلبكم من قبل لأني اعرف عقلي حبة سمسم وبنسى اقولكم
والي يبيني ادعي له بأي شي يتفضل وما يستحي اذا شي خاص عندكم الهمسات ورسايل الخاص واذا شي مو خصوصي تفضلو واطرحوه لي هنا وبإذن الله ما انسى أي واحد فيكم وادعي لكم واحد واحد والله يستجيب

أنا عادي ادعو لي بأي شي وأهم شي ادعو ان الله يجعلني وإياكم من أهل الجنة ويغفر ذنوبنا ويأجرنا من عذاب القبر وعذاب جهنم

 

[روفي]

الافتار الجديد هذي أنا لما سلطون يهاوشني بعدما يشوفني كذا يجي يراضيني وهو اصلا ماله دخل الغلط مني انا

سلطون اخوي الكبير سلطان

 

[روفي]

فقرة ضحك ووناسه



آلبنت اللي ينقآل عنهآ نعمة من ربي هي أنا والسلام عليكم ورحمة الله وبركاته، صفقوا

 

[روفي]

ᴗ̈

بنت ضربت بويه

قالت البويه : لو ابي اضربك ضربتك
بس انا ما امد يدي على حريم !!

ولبست عبايتها وطلعت

قمة الرجوله ☻>

هههههههههههههههههههههۂ هۂッ
.

 

[روفي]

كنت متوقعه انو حياتي تصير مثيرة بالمستقبل ، وفعلا صارت مثيرة بس للشفقة

 

[روفي]

‏°
- : وين سويتي الحادث ؟
‏: لو يهمك كان عرفت
‏: لا يا تبن انا شرطي ☻⁽ ℡

 

[روفي]

يا جماعة الخير
اريد دكتور اسنان يفحص لي عيوني من امس ما اسمع☻

 

[روفي]

- اي بنت تبي تعرف جمالها:
روحي عند المتزوجة وقولي شافني زوجك بالغلط
واذا شفتيها عصبت اعرفي انك مزززه
واذا قالت لك لا عادي مَ ينتبه أو ما شافك!
^ اعرفي ان بينك وبين (عبسي)
فرق الاسم بس ☻

 

[روفي]

عندما تبتسم الفتاة بعد صمت
طووووووووويل
فأعلم ان

التخطيط لكارثة قد تم بنجاح

 

[روفي]

•
• ‏جعلني الله وياكم من اصحاب الملايين او على الاقل انا لحالي يارب..»

 

[روفي]

محشش راح المحكمه!
القاضي يساله:انت متزوج من؟
قاله:متزوج حرمه!
القاضي:تستهبل يعني في حد يتزوج رجال؟!
قال:ايوا. اختي متزوجه رجال
القاضي انتحر

 

[روفي]

معنى الهيبه ⇣

ان اهلك يهددون الاطفال فيك "̯

 

[روفي]

‏كل ما قلت استحي , ينصدمون مني مدري شسويت في حياتي انا

 

[روفي]

الشاب :- تخافي من الكلاب ؟؟
البنت :- صارلي كم ساعه و انا قاعدة جنبك شفتني خفت !!
بالطول بالعرض ، ام لسان بتهز الارض

 

[روفي]

صمتي لا يعني ضعفي ,,, بالعكس :- ! ! عندي لسان يخليك سنتين تدور على قطع غيار لكرامتك لكن الضرب على الميت حرام

 

[روفي]

أكثر كلمه تقهرني عند المدرسين

" ضحكونا معاكم" ؟
لآ حول و لا قوة الا بالله إحنا جالسين نضحك عليك
كيف نخليك تضحك على نفسك...!!*
هههههههههههههههههااااي

 

[روفي]

فيه احد يغار علي ☻

يغار حتى من الهوى وكذا ؟

- مافيه!
- شكراً !.
- لا لا ماازعلت لا والله عادي .
- فكو يدي مافيني شيء ߘ⮊ -لآ مو دمعه بس عيوني مزكمه‍