((يالرمز وينك ما تشوف المقالي))

[القارظ العنزي]

يا غابة العشاق ما شفت . . غالي
غابت وغابت غابتي . ..... مع غيابه
ويلي عليها عقبها ويل ....... حالي
وويل من عشقه وعشقي غدابه
يالرمز وينك ما تشوف .. المقالي
وينك عن اللي صارت روحه خرابة
افزع لنا يا ذيبنا ............ يالمعالي
في قافك اللي كله عز .... ومهابة
ما شفت ظبي الريم ريم المفالي
راح وتركني عايش في ...... سرابه
كنت احسب انه من عمام وخوالي
اثره غريب بالهوى .......... لا قرابة
القرب قرب الروح وقرب . الغوالي
لو هو ..... بعيد بالنسب والنسابة
يالرمز توبة من شبيه ..... الغزالي
ما لي وماله لو يجيني .. .... انهابة

القارظ العنزي

 

[ملاك الحب]

يعطيك العافية على هذا الطرح الجميل

 

[نبع ايزيس]

قلم مبدع جدا
صح بوحك وصح لسانك
عبقا يتشتت بين السطور ولا مريد
يروق لي خيالك وما تكتب أيها الالق

ود لا يبور

 

[القارظ العنزي]

الله يعافيك ملاك الحب
كلك ذوق راقي

 

[القارظ العنزي]

صحة ايامك نبع ايزيس
كلك ذوق راقي دمت بخير

 

[ندى الورد]

تعاال يالرمز
شوف القارظ وش كاتب

عن مر الهجر والمقال

واسي خلن في الهوى
صاار من الهجر والله يعاني

صح لسانك وعلا شانك يالقارظ

 

[القارظ العنزي]

صحة انفاسك ندى الورد
طبت وطاب مرورك الأروع

 

[ألرمز]

يا غابة العشاق ما شفت . . غالي
غابت وغابت غابتي . ..... مع غيابه
ويلي عليها عقبها ويل ....... حالي
وويل من عشقه وعشقي غدابه
يالرمز وينك ما تشوف .. المقالي
وينك عن اللي صارت روحه خرابة
افزع لنا يا ذيبنا ............ يالمعالي
في قافك اللي كله عز .... ومهابة
ما شفت ظبي الريم ريم المفالي
راح وتركني عايش في ...... سرابه
كنت احسب انه من عمام وخوالي
اثره غريب بالهوى .......... لا قرابة
القرب قرب الروح وقرب . الغوالي
لو هو ..... بعيد بالنسب والنسابة
يالرمز توبة من شبيه ..... الغزالي
ما لي وماله لو يجيني .. .... انهابة

القارظ العنزي

القارضي اخو عزيز وغالي
فكره مشوش من عنود غدا به

يطرد ورى ريم بوسط المفالي
يرتع ولاهو بالمخاليق آبه

الريم ياشوق الهنوف متعالي
لامر به قلب المشقى سطا به

مريت به والقلب داله وسالي
واثره تناوشني برمشه ونابه

والحظ لا منه تعثر ومالي
ياخذك في قيض شديد سرابه

والبرد شينه من هبوب الشمالي
من شد برده كم ذيب عوى به

وترى الهوى لاهو هوى لك ولا لي
ولاهوب عم لك ولا من قرابه

مير اتركه وادرس كتاب المعالي
تلقى به اعلوم تفيد وذرابه .
الرمز

 

[القارظ العنزي]

صح الله السانك يا ذيب الرجالي
واظنك يالشغموم ليه ... قرابة
نصيحتك وصلت ونعم المقالي
قبل الهوى بديت اقرا . الاصابة
وقريت علم الرب كله .. حلال ي
سنة نبي الله وسيرة .. أصحابة
وتاريخ عاد وناس فتت جبال ي
مع طسم وجديس وعلم روابه
متعصب شوي لمذهب خوالي
مذهب بني شيبان حنبل كتابه
مع غيرهم مع غير كثر الرمالي
الاف كتب حزتها ...... والخطابة
لكن نوبات نهوم .يم ... الغزالي
ترويح روحي يا كبير .... المهابة

 

[مـيريام]

مابين
ا @القارظ العنزي @ألرمز
وسجال بين شاعر وحكيم
الحب القسمة والنصيب
و الحكمه تأتي لمن يملك
البصيرة، هنيئا لكم ياسادة

افزع لنا يا ذيبنا يالمعالي
في قافك اللي كله عز ومهابة
..
مير اتركه وادرس كتاب المعالي
تلقى به اعلوم تفيد وذرابه

إطلالة صباحية تناغم في المفردة
وإحساس يعكس أصالة القصيدة

تحياتي لكم ميريام

 

[ألرمز]

مابين
ا @القارظ العنزي @ألرمز
وسجال بين شاعر وحكيم
الحب القسمة والنصيب
و الحكمه تأتي لمن يملك
البصيرة، هنيئا لكم ياسادة

افزع لنا يا ذيبنا يالمعالي
في قافك اللي كله عز ومهابة
..
مير اتركه وادرس كتاب المعالي
تلقى به اعلوم تفيد وذرابه

إطلالة صباحية تناغم في المفردة
وإحساس يعكس أصالة القصيدة

تحياتي لكم ميريام

تم التوثيق ببصمة شاعره
فشكرا لحاكم الحرف وحكيمة
ان شعر ابدع وان نثر اثرى

كل التقدير والامتنان لشخصك الفاضل

 

[مـيريام]

تم التوثيق ببصمة شاعره
فشكرا لحاكم الحرف وحكيمة
ان شعر ابدع وان نثر اثرى

كل التقدير والامتنان لشخصك الفاضل

العفو ياطويل العمر
منكم نتعلم أصالة الحرف