آه من قلب تعذب بالمواحع والجروح

[رااشد]

آه مــــن قـــلــبٍ تعـذب بالمــواجع والجـــروح
والمصـيـبـه خِـلـّـه الــلي بالمـــواجع جـــارحـه

وإن ســـألتــه ليه ودك يــا بعـــد روحي تـروح
قــال ظــــرف ولا هــقـيت إنـي لقلـبك شـارحه

قـمـت أداري قـلـبـي اللـي مـن غـلا خلـّه ينوح
بس أشوف إن المشـاعــر مــن قراره سـارحه

دون حـكـي ولا جـدال ودون تفسيـر وشـروح
مــا أظــن الــروح تـقـبـل رايــه اللي طــارحه

قـمـت أضيـع بـيـن جــده بين ضحكه والمزوح
قمـــت أجامـــل والـــبنادق في ضميري قارحه

يا حبـيـبـي نـجمـك اللي فــي سـمـا قلبي يلـوح
بـــالأمـانـه لا تـجـيــه وبـــالعــذاب اتـطـارحه

دام قــلـبـي مــن طـريـقـك حالف إنه ما يشوح
ليـــه قـلـبـك مـا يـجـيـه وفي الخفوق ايمـارحه

ودام قــلـبي لك تــعـهـّـد بالصراحه والوضوح
ليه قـــلـبك مـا تعهــّـد بــالوضوح ايـصــارحه

ودام قلبي في وصالك يا بعــد عـمري لـحوح
لـيــه قـلـبـك والـجــوارح بــالـمـفارق فـارحه

ودام قــلـبي حـالف إنه ما يفكــّــر في النزوح
لـيـه قــلـبـــك صــاب قـلبي بالوداع الـبارحـه



منقووووووووول

 

[ندى الورد]

اه من القلوب وموواجعها

ابيات اثرت ولامستني

اللهم ابعد عننا وجع القلوب

السعادة لقلبوونا اشكرك رحال

لاخلا ولاعدم من توواجدك وموواضيعك

 

[ملاك الحب]

يعطيك العافية
والله يمسح على قلبك بالصبر

 

[رااشد]

اه من القلوب وموواجعها

ابيات اثرت ولامستني

اللهم ابعد عننا وجع القلوب

السعادة لقلبوونا اشكرك رحال

لاخلا ولاعدم من توواجدك وموواضيعك

ماعلييج شر مديره
شاكر لك مرورك الانيق
لاخلا ولاعدم

 

[همس الروح]

سلمت يداك وسلم انتقاؤك

احترامي وتقديري لك

 

[رااشد]

سلمت يداك وسلم انتقاؤك

احترامي وتقديري لك

العفوو
شاكرر مروور مشرفتنا
دمتي

 

[رااشد]

كلاك الحب
كل الششكر
غلى مروررك الطيب

 

[امل مفقود]

سلمت ، اختيار موفق
الله يعطيك العافية على الجلب الطيب

..