إني أريد أن أطفش ✋🙄😂

[الشارد]

الواحد محتاج أجازة طويلة من كُل شئ ، من مسئولياته اللي على كتافه ، مِن دَوشة وزحمة التفكير ...التفكير في الكبيرة والصغيرة ،
اجازة من القلق والحسابات والترقّب والحَذر والخوف من اللي جاي ...
اجازة من الاجهاد المتكرر ،من التوتر ،.. اجازة من نفسه حرفياً
..اجازة من صراعاته الداخلية والخارجية ..والمقلية والمشوية

الواحد محتاج يهرب زي العيال زمان لما كانوا بينطّوا من على سور المدرسة عشان طالبة معاهم فرفشة وروقان بال مش طالبة دراسة

الواحد عايز ينطّ من سور الأعباء والمسئوليات والهموم ويجري والجدع يلحقني ...ويسيب كل حاجة وراه لفترة ..
من غير ما يبص ايه اتكسر ، أو ايه ممكن يتكسر في غيابه او ايه ممكن يحصل فيه تقصير بسبب هروبه ....
ده حتى جوا الهروب بردو بنشغل دماغنا

...
الواحد محتاج يشحن طاقة وهدوء واسترخاء ...ونفسية حلوة ...وحد يستناني على أول شارعنا يخطفني وانا مش واخد بالي

الواحد محتاج يفصل فيشة الارهاق والملل ..ويطلع من المود العام والخاص وأي مود بصراحة

إني أريد أن أطفش

/
\
انتهى​

 

[ندى الورد]

بالله خلينا نطفش من الووواقع دا

ونرجع كما كنا ليت الزمان يعود

على راي ام كلثوم قول للزمان يرجع يازمان

اشكرك ع عفويه المووضوع وجماله

 

[هدوء]

كم نحتاج لراحة من كل شي
حتى من انفسنا حين ينتابنا التفكير
ويهزمنا .،؟
شكرا اخي مروان على طرحك القيم