اثبت حضورك ببيت من الشعر الشعبي

[رومانز]

لاتقول ان الزمن غدار وان الحكم جاير
الزمن مايعترف باللي لنا واللي علينا
آه من طعم الفراق وآه من كبر الخساير
ليتنا من حجنا قبل الموادع سالمينا​

 

[جنون عآبثهة]

-





رضا البشر ما هو بـ آيه منزله ،
‏خل العقول الطايشة في طيشها
‏احيان تفكيرك يحل المشكلة ،
‏واحيان حل المشكلة .. تطنيشها !

 

[رومانز]

حب التسلي ثوب ماقد لبسناه
ونفوسنا بالحب ماهيب خوانه.

 

[جنون عآبثهة]

-





وانت ياللي سبب طيبي "تمادى رداك"
قلت لك : خايف ان بعتك ماعاد اشتريك
رح والايام تثبت وين يوصل مداك؟
وان عصت خطوتك رجليك جرب يديك
بتعرف مستواي .. وبتعرف مستواك
وبتعرف فرق ما اشوفك وما اشوف فيك
مثل ما كنت تدري .. وقتها عن غلاك
والله لـ تدري اني كنت واجد عليك ..

 

[رومانز]

ياعزة .. النفس لاهـنتي ولا مـلتي
‏لو كان بعض الاوادم بان تقصيره

‏انا مع الناس عرفت وش مشكلتي
‏اعطيت بعض العرب فوق تقديره ..

 

[جنون عآبثهة]

-





اللي مضى يفداك ، واللي بقى لي
‏ نفسي وآعرف شلون منك آعتقها

 

[عابر السبيل]

ماهو ب وقت ن للمعاتب ولا اللوم
بس التمعن بالتقاسيم يكفي

أسألك انا كم راح من فرقتك يوم؟؟
ووش حال قلبن كان صوبك يشفّي

ماعدت افرق بين ظالم ومظلوم
كن السهر يا صاح راقد ب صفّي

كم تهتني هالناس ياحلو بالنوم
وكم ذا رجيت العين يومن تغفّي

واسأل عيونك وش بلاها على الدوم
هامل عيونك ما طرا له يجفي

عابر السبيل

 

[عابر السبيل]

مع السلامه يا رقيقات الاعواد
سلم على وردن تشيله غصونك

امنولن لي عند الاغصان ميعاد
كله عشانك من كرامة عيونك

باكر ليا من الشتاء عندكم عاد
واصلرد من البارد على العين لونك

اذكر رفيقن كان سرداد مرداد
يغليك من بين الذي لك يجونك

عابر السبيل

 

[بحــ عاشقه ـــة]

..

طبعي تغير صرت قاسي وداخلي جداً حنون
ظاهري عابس وقلبي مبتسم لحظرة جنابك



تدري انكـ ياغرامي بعالمي منهو تكون....؟
كل هذا الكون واكثر ((والشكر لله جابك))


!

!

 

[عابر السبيل]

يسعد صباح الوجه يا بسمة النور
وتفدى عيونك ما كتبنا م الابيات

كل الحلا في طلعة الوجه منثور
وشعرن تلالا كن وسطه ثريات

للناس طور وبينهم تختلف طور
قديم شوقي لك شبيه الجديدات

خليت لي قلبن كما قلب مسعور
تنهبه زفراتن وتنهبه نهتات

احييت شوقن بالجواء كان مقبور
ياباعثن بالقلب ما كان قد مات

مضى على حبك لك ايام واشهور
فيها جديداتن وفيها قديمات

كن العشم بك يالغلا شاهد الزور
عجيبة الايام ياهي عجيبات

عابر السبيل

 

[عابر السبيل]

كم اكتبك ثم امسحك من سطوري
شوفي لإسمك يلهب نياط جوفي

ياجوري الخدين ينبوع نوري
ياقف على طيفك تفاصيل شوفي

الله يا وقتن بالخلايق يدوري
متى يوقف بالمتاهات طوفي

يارقيّق الكفين ياطرف حوري
تشبه لعطرن امتلت به كفوفي

عابر السبيل

 

[الـمـهـرة]

تدري متى تشعر شعور إنك حكيم ؟
_ لما اتّغابى .. وأنت لك عقلٍ سوي ..

وتدري متى تشعر شعور إنك كريم ؟
_ لمّا تمدّ الزاد .. والبطن ايعوي ..

وتدري متى تشعر شعور إنك عظيم ؟
_ لما اتضيعف.. وأنت تدري إنك قوي

شعر:سعد صالح المطرفي

 

[Rayq_Marrh]

الكرامه فرض يوم الحب سنه
نحشم أنفسنا و يعجبنا التغاضي
من جرحنا نعذره و نصد عنه
ما نضيع وقتنا في شي فاضي
بعد ما نعطيه فوق اللي يظنه ،
نبعد و نكتب على صفحته ماضي
الحكي نرميه فـ الصدر و نكنه
و الصدور تشيل ما شالت الأراضي
مـا نقضي ليلنا ذكرى و ونه
حنا مع سود الليالي في تراضيّ ..

 

[مُخْتَلِفَةٌ]

يالله بـ توافيقٍ تجي مع بعضها
‏مثل المزون اللي تعاقب مراديف

‏ماضرها حاسد ولا احدن عرضها
‏وتضوي لـ راعيها بليّا تكاليف
،،

 

[Rayq_Marrh]

.
.









احيان تلقى لك مع الناس انسسان
يغنيك عن كل العرب والرفاقةة

 

[عابر السبيل]

مسيك بالخير يامبعد الدار
عساك في خيرن وتصبح على خير

باكر ليا منه صحى صبحه اطيار
وشالت لك النسمه عبير النواوير

اذكر رفيقن يذبحه منك تذكار
يناجي نجومن بالغلس له فنانير

الله ياللي تجتمع عنده انوار
يضوح منها شاطيات الفناتير


عابر السبيل

 

[عابر السبيل]

بعض العرب ياخذ من النوم عيني
وياخذ لسمعي لا ترنم بالالحان

ولفن غريبن صار بينه وبيني
كن ما انحلق في عالمي غير انسان

ياكل نياطي من التشوق حنيني
كن النوى في خافقي جا له الوان

عابر السبيل

 

[عابر السبيل]

يا رايحن يبغي ربوع المدينة
سلّم على راع الرموش الدقيقة

قد لي ثلاث اسنين ما اوفيت دينه
متحيرن بين الوهم والحقيقة

الجادل اللي يسحر القلب زينه
كن العسل خالط مع الطعم ريقه

أصيلة الاعراق تاكلك عينه
ودي بها يا مير مابعد طريقه

عابر السبيل

 

[عابر السبيل]

عسى السحاب اليا تهشم غضينه
يسقي ديارن بالمغارب غوالي

سلام مني يا شموخ المدينه
يسقي جبالن بالمشارف عوالي

كم شاعرن ذابت من الشوق عينه
ماللعيون اللي بكتها موالي

عابر السبيل

 

[عابر السبيل]

حظ العيون اللي تمناك صوره
وسط الاطار اللي تعلّق جداري

يا بسمة ن تحدث على القلب ثوره
صرته بعيدن وبالتماثيل جاري

ياوجه ياللي يجهر العين نوره
ياشمعة نورك ضفى وسط داري

كم واحدن يعدم من الوقت طوره
وكم واحدن يرتاع من فرد طاري

عابر السبيل