اثبت حضورك ببيت من الشعر الشعبي

[عابر السبيل]

ياشمعة ترقص على راسها النار
تحيي ليالي الحب وتموت ب سكات

والشعر والشاعر كما شمعة الدار
يلقى به الساهر مع الليل لذات

وزين الزهر يجني على غض الازهار
تصبح طرودن بين الاحباب مهدات

ياصاحبي فوق الزهر حط دينار
وانا باغني لك حزينات الابيات

عابر السبيل

 

[عابر السبيل]

يفوت عمرك والجميله ل غيرك
واللي قسمه الله لابد حاصل

واصل وتابع بالليالي مسيرك
وياكم حق ن وانقتل تحت باطل

عابر السبيل

 

[احلام عابره]

ليت الليالي تجيب غالي..الروح
ولا حروف الوجد تهز . وجدانه

ياكم عزفت بالغلا باذخ. البوح
ياليل دان ودان وياليل ..دانه

 

[مِيرِيَام]

ياربي البارحة طار القصيد أسراب
لعيون من هي تنام ومسهرة عيني
يارب مدري ولع ؟ وإلا غلا وإعجاب ؟
وإلا الأمل صوته البارح يناديني
كل مانغفل باب يرجع ينفتح لي باب !
وكل ماأخلي هجوسي ما تخليني
يا فاتنة طالبك كان الهوا غلاب ؟
عالضيق فدوة عيونك لا تحديني
ماني بناقص جروح وبهذله وأتعاب
عندي من هموم وقتي ما يكفيني
الحب لا جا يجي من الله بدون أسباب
وإن كان همت بغرامك لاتلوميني
وأنا وصلتك وأنا كلي شموخ أحباب
أبيك ... لكن أخاف إنك ترديني
إما محبه وغلا وإلا نظل أصحاب
وإن ما حصل لي كلامي بينك و بيني
قولي قصيدة ارتكبها ( حمود ) ذنب وتاب
وإلا اجحديني وقولي : ماتعرفيني
وإليا عجبتك خذيني للعيون أهداب
ووديني إلوين ما ودك توديني

شعر حمود جلوي

 

[عابر السبيل]

فات القطار ولا بقى الا مكانه
وانا اراعي بالشفق ذيل الافلاس

غديت كني له شريد الذنانه
واضربهن اخماسن تضارب والاسداد

وعيني تلاقط كنها العيدبانه
وقلبن تقطع بن الرجاوي والاياس

ودفنت م الاياس دافي حنانه
وعقب الركاده اصبح الوضع منحاس

شريت لي شي ن باحطه ببنانه
واصبحت ادوّج بالفلاسا من الناس

عابر السبيل

 

[عابر السبيل]

ياشيت وين اللي مع الدرب مروك
دربن لقطهم طلعة الشمس وينه

قلبي عليهم له اعوام مفروك
واعجف خدود الصب م الدمع عينه

ياكم طريق ينبت الشحط والشوك
على غلاميس السحر عابرينه

يسقيك با دربن من البعد مشروك
وعسى الحيا يسقي فروع المدينه

عابر السبيل

 

[عابر السبيل]

سقوى سقى الله يا انجل العين طاريك
البارحه بعض المخاليق طروك

كم تعتذر في وصالك مساليك
جميع بابن في المواصيل مصكوك

إسلم وتبقى عسى الله يخليك
يرحم ابوك وكل الذي بالمحبات حبوك

بالود ودي كان بالخير امسيك
مثل الذي بالخير ياحلو مسوك

عابر السبيل

 

[مِيرِيَام]

لعل براقٍ سرى في دجى الليل
ينثر على دار الحبايب ربابه

يسقى لنا دارٍ مقر ومداهيل
دارٍ لنا يوم السنين الطرابه

سجيت فيها بأول العمر ياويل
قلبٍ على مابه يزيد العنا به

ياحي عصرٍ مابقى إلا تماثيل
رسمه ومثلي يذكر اللي مضى به

حسن النعيمي

 

[عابر السبيل]

كريم يا برقن تشاعق ورعاّد
يالله عساه من المدينه ليا النير

يا وادي النخلات سلم على بجاد
سلامن احلى من عطوف الاباكير

قل له رفيقك يا فتى الجود ماعاد
والهقوة انه عند عوج المناقير

سلم على اللي باسفل الشعب وراد
اللي هروجه لي سواة الدنانير

ورثت منها شقوة الروح واسهاد
وادفع من الاشواق صوبه فواتير

عابر السبيل

 

[مِيرِيَام]

غيابك علمَ احساسي الوله واستاحش الروتين
‏ولا أدري بدايات المشاعر وين أواخرها

‏يقولون الوعد دين و ترى لي في رقبتك دين
‏وعدت الا القطاعه واذكر انك قلت ما اقدرها

‏مسيّر لك شعوري ما تخيرت الجوى والبين
‏ولا اختارت غيوم السيل وين يسيل مطارها

‏طوارييّك تذكرني و انا ماني من السالين
‏على كل اتجاهاتي تباغت عيني صورّها

‏أخاف اثقل الخطوات تنساني مع الناسين
‏واخاف اجيك كلي و الضلوع أكسر خواطرها

‏تجي مثل الشعر و أجيك مثل العالم الغاوين
‏وتطربني السوالف من لسانك لو تكررها

‏شعوري لك يذكرني من الرهبه و حكي العين
‏قصيدة تنتشر بين العرب مجهول شاعرها

 

[عابر السبيل]

سلام يا رمشن على الخد مسحوب
وخده فنارن تالي الليل شبوه

رقيق ساحر لا مشى زين الثوب
حتى ثبابه م الحلا منه حبوه

وعنقن لها من فوق الاكتاف منصوب
كن الحلا من فوق الابسام كبوه

كن الشهد في شفها ذرف مشروب
وياويل من سحر الاعيان صابوه

حظي معه رقمن بالاصفار مضروب
واصفار حظ ن مالك الله جابوه

عابر السبيل

 

[احلام عابره]

اتعبني غيابك ولو كنت.... وياي
اشتاق لك والشوق يحرق خفوقي

اي والله احبك ولاغيرك ..... مناي
اقولها با احساس من زود.. شوقي

يامن ملكت القلب لاتخسر ..رضاي
عطني بشرع الحب كامل.. حقوقي
​

 

[مِيرِيَام]

مهما تردّى : وقتنا .. لازم " نطيب "
‏ما نكسر بْـ خاطر .. ولا نجرح شعور
‏'
‏نعاف من : ينسى جمايلنا .. ويعيب
‏ونحبّ من : ينصح إذا .. فينا قصور
‏'
‏نموت من : خذلان صاحب ، أو حبيب
‏ونعيش : لوّ أقدارنا .. عيّت " تدور " !
‏'
‏ان ما حضرنا .. بْـ ما يجمّلنا .. نغيب
‏بعض الغياب أجمل كثير مْن الحضور
.

 

[احلام عابره]

جبت القصايد معنى وحرف واحساس
فيها الهوى يشتعل بين........ السطور
‏:
الغزل يغـمرها من الساس...... للراس
ولا يـــهمني ان خالفت ........البحور

فيها الدواء والبلســـم ...وفيـها.الآس
ينتثر بها عطـــر كادي....... ومنـــثور

أبي هديها للغاليين من.......... الناس
الي غلاهم بالقلب من سنين...وشهور
​

 

[عابر السبيل]

يسهر طويل الليل منهو شقا به
حظ ه بيوتن على النجمه يغنيها

غريب يا ليل نجومه سرابه
والساهر اللي للانجم يناجيها

انا هويته والهوى حلو ن شرابه
لا نامت الناس غنت لك سوانيها

يا متورف الاكفاف يسلم لي شبابه
بداية قصتي بك وانته تواليها

لا يابعد من صابني منها عجيب الغرابه
يموت ليله وانته تجي ثم تحييها

كم يسعد الروح دمث السوالف والدعاه
وتسعد جوانح مهجتي وانت غاليها

عابر السبيل

 

[احلام عابره]

دقات قلبي من عناي أعبثت.. بي
تزيد بين الثانيه ............والدقيقه

راحت بي افكاري بعيدآ وجت. بي
واهداب عيني في دموعي غريقه

 

[مِيرِيَام]

امطري وانعشي خد الثرى يا سحابه
وانعشي خاطرٍ من كل الاخبار طايب

اجلـبي لي نهار العيـد و احلى ثيابه
رجعّي لي سنيــن و ذكّريني حبايب

اعزفي لحنٍ احلى من لحون الربابه
دوّري لأمنيـاتي و لخيـالي ركايب

خلي البــال يصفي جوّه من الكآبه
قبل ماالجو يصفي من جميع الشوايب

واسكبي "نافع الصيّب" لعل انسكابه
يسقي قبور خلاني و ذيك النصايب

ناصر القحطاني

 

[احلام عابره]

مسرحيــه صــارت الدنـيـــا بعيــونـــي
وانت اجـدر من لعـب دور... البطولــــه

يـامــلاك الحــب عفــــوا. ياجنـــونــي
لوسمحت بخـاطــري شــيٍ بقولـــــه

بسألك وشلون خابــت بــك ظنونــــي
وكيف هانت عشـرتي معـك بسهوله

 

[عابر السبيل]

يا اديم الزين يا نبع الخيال
ياهدو الهمس يا سحرالحكي

غيرك بنقص ن وانت غايات الكمال
عينيك من ثقل المرامش تشتكي

كنك شربت الكاس من نبع الدلال
او انت في تكية جمالن مرتكي

ياشبيه الغصن من ثقله ميال
غديت محراب الهوى وانت مثله منسكي

يافناجيل الفخر يهواك حب ن وهال
قالت عيونك بالنظر لي افتكي


عابر السبيل

 

[رااشد]

يااللي كلامگ عقد لؤلؤ مع ألماس
طابت سنينگ واسعد الله لياليگ
قل ماتبي واهرج بلا حد واقياس
ياحي هرجگ لالفاء قلب مغليگ