اثبت حضورك ببيت من الشعر الشعبي

[رااشد]

انا فديت الشوق لازاد فيني

لاقلت بني ميت قال انت عايش

كانك تزيديني عقل ياسنيني

باالله خليني مع الحب طايش

 

[رااشد]

كفها الناعم مثل ريش النعام

وريقها منبع من اطراف النحل

عنقها بينه وبين الصدر عام

عينها من ربها رمش وكحل

 

[رااشد]

امرأة طَاوّعها الحُبْ وبِـ سكينِ الغَدرِ تَذّبحُنيّ

وَرمتنيّ فيْ البَحرِ بِلا أملٍ يأخُذنيّ المَوجُ فَـ يُغرِقُنيّ

أمُسكُ بِالزَورقِ والذِكرىْ تُمسكُ مّجدافاً يَضرِبُنيّ

يَ حُباً تَوّجنيّ مّلِكاً بِـ الحُزنِ كَسانيّ وألّبَسنيّ

 

[احلام عابره]

لاجل الذي قد كان بيني..وبينك
تعال وسلم على روح ...مشتاقه

لاتعذب من هو بالهوى... ضنينك
دمعة عيونه على الخد ... حراقه

تعال المس القلب براحة.. يمينك
لمسه تهدي النبض وثورة أشواقه

احاول اغفى ويصحيني ... انينك
الي ذقته بالبعد خافقك ......ذاقه

يمر طيفك وتشتاق ..عيني لعينك
وارسلك من زهور الشوق ....باقه

تعبان قلبي وتنادي..الروح.. وينك
يالصاحب الي صعب علينا..فراقه

 

[مِيرِيَام]

ما خفيته بقلبك ينقرى في عيونك
لا تحاول تخفّي لوعتك في سلامك

انت ما انته وطبعك ما تبلور بلونك
تبتسم لي وحزنك ينعرف من كلامك

كل شي فيك ينطق حتّى ثورة شجونك
زادها الشوق غيره..واكشفت لي مرامك

وين شوق التّلاقي..وين لحظة جنونك
وين وردٍ تفتّح من رياض ابتسامك

وين قلبك وفكرك..وين..سارح بكونك
كل شي فيك يدعو للتعجّب.. علامك؟

ليت يا نور عيني ما تصدّق ظنونك
في عشيرٍ تهمّه راحتك وانسجامك

في عشيرٍ شؤونه يا حياتي شؤونك
عاش منّك ولاجلك وافيٍ بالتزامك

كيف انساك واقدر يا حياتي اخونك
وانت بالقلب واحد مالكنّي غرامك

تعتقد لو جفيتك اقدر اعيش دونك؟
وانت نبضي وحسيّ..خاطري مستهامك

اطلب الله ربي يحفظك لي يصونك
واعرف انّك بقلبي ما لغيرك مقامك

سالم سيف الخالدي

 

[احلام عابره]

سلم على صاحب من الناس.. شاريك
غلا من جوف القلب ماهو من لسانه

يغليك؟ ايه والله انه حييييل.. يغليك
ولا عنده بالشوق مزوح.........وميانه

لوجيت تسال عن الحال ميت ن فيك
والغلا في عرفه فرض........... وديانه

 

[مِيرِيَام]

أنتِ بنات الفكر وانتي المُلهِمه
وأنتِ القصيد العذب واحساس الشعور

كان الحكي مسموع واصبح تمتمه
غربة مشاعر تختنق بين السطور

صار التواصل بالحروف المُبهَمَه
وبالكلام اللي يجي ضمن الشطور

جارك الله يا القلوب المُغرمه
من مشاعر ما تكَفِّيها الصدور

جاتِك الأشواق تسعى مُرغمه
وإعذريني لو حصل بعض الأمور

ما قويت اسلى وقلبي ما احكُمه
إعذري قلبي ترى القلب إمْعَذور

انتثر شوقي وتعبت الَمْلِمَه
والمشاعر لا طريتي لي تثور

من تولّع بك عسى الله يرحمه
في حديثك موج واحساسك بحور

من يشبهك يا التوت في اول موسمه
يا النفل والورد واحساس الزهور

كل الليالي قبل اعَرْفِك مظلمه
يا شعاع الشمس يا بدر البدور

الزمان اللي جمعنا ما اكرمه
في حضورك أُنس واشراق وسرور

يا وَنَس قلبي عساني ما اعدمه
طيفك اللي في ظلام الليل نور

إبراهيم علي عسيري​

 

[سلمــان]

ما بقى من الجمر غير الدفين
الي نخافه لا يزيد المعمعه

انت تتكلم بقلب لك سمين
جرب الحب ولكن ما اقنعه

وانا اخاف اوقع في الكمين
والتراجع والله ما اشنعه
سلمان

 

[hmad alshooog]

مساء النور وطول الليل
وشعر يفوح باعماقي
معك حتى الشعر يفرق
تفاصيله عن الباقي
تهب الريح في وجه
الزمن والعمر للتقديم
ومعك فدوه شجرة عمري
ليا من طاحت اوراقي
اشوف انك حديقة ورد
والعاشق معاك يهيم
ووعد ماتذبل ورودك
مادام ان قلبي الساقي

 

[مِيرِيَام]

الطيب فطرة والنوايا ماتبين
والي يحبك حاول انك ترفعه

ولا كل من قفى تحس انه ثمين
بعض الوجيه مجمله ب الاقنعه

والي يتعشون السوالف نومتهم جايعين
الهرج مافيه بركة اذا الفعول مرقعه

مها سعود الحربي
​

 

[احلام عابره]

هاذ القلب بالنبض والاحساس. يفديك
لو بالهجر والنكران حطمت........اركانه

ُلو تسكن مية قلب ماغيره..... يدفيك
شريعة الحب عنده تحرم ........ الخيانه

لو يوم يشعر انه خاب الامل........ فيك
يفجر عروق القلب ويعملها.......صيانه

 

[احلام عابره]

سلام الله على من هو مكانه بالقلب خالي
فدا الشعر والشعار والحروف .. وقوافيها

يخاصمني يعاتبني معاه العشق .. يحلالي
وتتسامى سطور البوح في اجمل معانيها

اعشق نظرة عيونه ولا غيره على ... بالي
اذا ماغاب جروح القلب عيا من . يداويها

حبيب القلب ولا اسمع بحبه لوم ... عذالي
عشانه اكتب حروفي والحنها .... واغنيها

 

[عابر السبيل]

سلام يا نورن تبين من الشرق
جال الظلام وبان شرقي ابتسامه

لاجله يغرد قمري الصبح م الورق
يشبه لخد ن نون بسمه غلامه

لاجله اطورق ساجع اللحن له طرق
الجادل اللي يسجرك في كلامه

اورث بقلبي من زمانين له حرق
ونبي السلامه مار ما به سلامه

كن امتهن بي مهنة الحرق والسرق
وابخل جميلن يغرقك في غرامه

عابر السبيل

 

[احلام عابره]

قلنا صباح الخير ردو. ...التحية
يالي جفيتونا ترا السلام... لله

لكم بالقلب من المعزّه... بقيه
ماسلاكم القلب والشاهد. الله

 

[عابر السبيل]

كل ما بنيت البيت يرجع يهده
واغدي معه بيتن من القاف مكسور

عزي لمنهو بيح الوقت سده
مع صاحبن كنه معي شاهد الزور

وانا معه بالدوم حافظ لوده
يابسمة تضفي على قلبي النور

واللي مضى لي ياحلو من يرده
عصرن مضى ولا طاع لي شور

مضى على شوفه من الوقت مده
للفرح دور ومثله الحزن له دور

عابر السبيل

 

[مِيرِيَام]

القلم يحكي لو إنّي ماحكيت
ترجم احساسي وسطر مايريد
بكل حرف وكل سطر وكل بيت
والله انك كل مضمون القصيد

نايف العويمري
​

​

 

[hmad alshooog]

ارسل فديتك شاقني حرفك العذب
غـرد مع احساس الغلا وانت غالي
قلبي معك في ملعب الشعر يطرب
ويـرتـاح لك قلبـي ويـرتـاح بالـي

 

[عابر السبيل]

يا اخر سواليف المسا نور عيني
احضرت لك بعض الصباح اللي تمناه

معها بقايا من حتايت اسنيني
مع سطر قافن بالمثايل رسمناه

انا سطورن م الجواء تكتبيني
باقي زمانن م مواضيك عشناه

يا بايعي ياليت لو تشتريني
لو كان غيرك م المخاليق بعناه

عابر السبيل

 

[عابر السبيل]

بعض الكلام اللي بعض الاحيان ينقال
يوديك قبرك لا لفى من غواليك

كنه يمد السم في رشف فنجال
يميتك اللي كان بالود يحييك

سلام يا بيتن احبه م الامثال
واليوم يا بيت الهوى من يغنيك......؟؟؟

اسلم وسلم يا جميلات الاسبال
قم سلني ياكم مرات اسليك

عابر السبيل

 

[عابر السبيل]

يسعد مساك وطيب الله فالك
كنك تبيع العطر من كم الازهار

وانا اتقهوى من عذية دلالك
ياللي مليت الجو بن ن مع بهار

الا ومعها م الفواخر مقالك
كنك تدندن بالسواليف باوتار


عابر السبيل