موقف بالعيد ما تنساه

[hmad alshooog]

موقف قديم اول مره اضحي اشتريت اكبر خروف بالسوق
عجبني فيه هادي ومطاوع مايحتاج ربط بحبل لدرجة اول مامسحت على راسه ومشيت
صار يمشي جنبي كنه صاحبي وصلنا عند السياره ومن كثر ماحبيته كنت بطلعه معي بالغماره وديته البيت وكان هادي جدا والكل استغرب رغم ضخامته وكبره
الصباح استعنت بعيال اخواتي وجهزنا عدة الذبح وودعته وحظنته ماكان هاين علي
وكنت بسبق جيراني اخلص قبلهم
سحبته الى ميدان القصاص وسدحته وعادي ماتحرك سكر عيونه شكله على باله بنومه
مسكت السكين واشرت للعيال ثبتوه ووسميت وبدل ماقول دعاء الذبح قلت اللهم لك صمنا وعلى رزقك قبله بيوم كنت صايم يوم عرفه ..ومشيت السكين على رقبته العيال بهالحزه ضحكوا عشان لخبطت بالدعاء
وتركوه وهو شكله ماتوقع اني بغدر فيه واذبحه المهم اني ذبحته
المصيبه اقسم بالله من الفسقه قام حاولنا نثبت فك نفسه وفضحني راح يجري
والدم ينزل منه مسافه وجيراني وعيالهم تركو ذبايحهم وفزعو لي يمكن 100 متر وطاح
وجيته كان يطالع في وهو يطلع بالروح حزني كنه يقولي هذي اخرته تغدربي

فاصل ونواصل

 

[زهرة الاوركيد]

موقف قديم اول مره اضحي اشتريت اكبر خروف بالسوق
عجبني فيه هادي ومطاوع مايحتاج ربط بحبل لدرجة اول مامسحت على راسه ومشيت
صار يمشي جنبي كنه صاحبي وصلنا عند السياره ومن كثر ماحبيته كنت بطلعه معي بالغماره وديته البيت وكان هادي جدا والكل استغرب رغم ضخامته وكبره
الصباح استعنت بعيال اخواتي وجهزنا عدة الذبح وودعته وحظنته ماكان هاين علي
وكنت بسبق جيراني اخلص قبلهم
سحبته الى ميدان القصاص وسدحته وعادي ماتحرك سكر عيونه شكله على باله بنومه
مسكت السكين واشرت للعيال ثبتوه ووسميت وبدل ماقول دعاء الذبح قلت اللهم لك صمنا وعلى رزقك قبله بيوم كنت صايم يوم عرفه ..ومشيت السكين على رقبته العيال بهالحزه ضحكوا عشان لخبطت بالدعاء
وتركوه وهو شكله ماتوقع اني بغدر فيه واذبحه المهم اني ذبحته
المصيبه اقسم بالله من الفسقه قام حاولنا نثبت فك نفسه وفضحني راح يجري
والدم ينزل منه مسافه وجيراني وعيالهم تركو ذبايحهم وفزعو لي يمكن 100 متر وطاح
وجيته كان يطالع في وهو يطلع بالروح حزني كنه يقولي هذي اخرته تغدربي

فاصل ونواصل

والله اني ضحكت مع انو اليوم كله كان كأيب بس موقفك ضحكني يا شيخ انا عنك حسيت بذنب

 

[سلمــان]

موضوع حلو
اذكر عيد الضحية قبل كم سنه
صليت انا واصحابي وبعد الصلاة نبي نرجع لبيوتنا وش حلونا وش زينا
مبسوطين مستانسين وسعداء وش حليلنا نبي نرجع لسيارتنا نرد البيت

وكان في طريقنا بيت قديم وعلى بابه شايب كبير يتعكز على عصى
وهو ينادينا يقول تكفون يا عيالي طلعوا لي الذبيحة من هذي الغرفة
وساعدوني اذبحها \ وهو شايب باين عليه حالته تعبانة وفقير ويستحق المساعدة \ ومحترم حيل

انا كل شيء لابسه جدييييييد ومشخص \ وما اعجبني الوضع حسيت ان فيه شيء \ وارجع اخر الصف واحنا عددنا خمسه
ويقومون الشباب يقولون \\ ابشر يا عم ابشر وين الذبيحه نجيبها ونساعدك \\ وهو يعطيهم مفتاح الغرفة
وهم يأخذون مفتاح الغرفة ( عباره عن غرفة بجانب بيت الشايب تطل ع الشارع مباشرة )
ويقوم واحد من الشباب اسمه ابوعابد مسوي اقوى واحد فينا ويفتح الباب بسرعه واندفاع
ويبي يخش ع الذبيحه يمسكها ويجيبها المهم ( طلعت الذبيحة تيس ذكر من الوع الفاخر قوي جدا وسريع)

وتعرفون التيووووس تحب تقفز وهو اول ما انفتح الباب للتيس قفز هذيك القفزه بدون شعور من فوقنا وهرب باسرع سرعته
الا وهو تيس اسود نشيييييييط ويقفز ويهرب ومن قوة القفزه طاح صاحبنا اقوى واحد في الحارة هههههههههه
وتبداء قصة جديده قصة اكشن مليئة بالطيحات والقفزات

انا شفت الموقف وشفت التيس قمز بقوة وانا بدون شعور اروح للسيارة اجيبها لأني عارف انه مستحيل ينمسك
واخوياي لحقوه بعضهم بدون نعول ,,,,,,,,,,,, وانا اجيب السيارة والحقهم وهم من شارع لشارع ويدخل التيس سوق شعبي قريب ما فية احد
وكل المحلات مقفله وفيه دوريات شرطه جو يساعدونا الموهيم

صار كل شخص بعيد عن الثاني وانا بالسياره بالحالي واختفو اخوياي
يقوم التيس يدخل حوش وانا صرت بالحالي لانه ضيع اخوياي والشرطه وانا انزل له من السيارة
واحاصرة بين مجموعة محلات وهو بعيد شوي عني ولكن الله هداني والقى عصى طويله وكل ما جاء يبي يهرب اضرب رجوله ويرجع
وانتظر اخوياي ياصلون او الشرطه المشكله ما احد جاء وما قدرت حتى اتصل جوال

والله هداني \ لقيت سطل يمكن 10 لتر او اكثر عند احد المحلات فيه موييييييييه مليان موجود تحت مكيف صحراوي
المهم واخذ السطل واسحبه واقربه للتيس وارش عليه من المويه واكلمه بلغة الرعيان يوم يتمتمون بكلمات عشان يهدون الذبيحه
وهو شاف المويه ويقرب منها ( اثاريه عطشاااان ومن الخوف والقفز والجري يبي مويه باي طريقه )

وهو يقرب مني سبحان الله وينزل راسة على المويه وانا امسك يده بس ولا فكيته ابد ولقيت حبال قريبه وانا اربطه واحطه بالسيارة
واجيب المويه عنده وهو يشرب ويهداء وارجع لمكان الشايب لقيته جالس عند بابه حزين ومعه حريمة وانا نسيت اخوياي لاني رحمت الشايب والله
وانزل وانزل التيس وهو انبسط بشكل كبييييييييير ويدعي لي ويهلل ويدخلني الحوش عشان الذبح وانا ما اعرف اسلخ ولا اذبح قلت دقيقه
وانا اربط التيس في حوشه واطلع ادور شوي والاقي باكستانيين ثنين قلت بكم ذبح يا صديق قالو 200 ريال قلت طيب تعالوا

وانا ادخلهم على الذبيحه وهم يمسكون التيس ويذبحونه ويسلخونه في دقائق الا وهو جاهز
وانا اعتذر من الشايب ومن عياله كلهم بنات واطلع من البيت وهو وراي يدعي بس ويهلل
الموهيم \\

يوم طلعت الا وهذولا اخوياي جايين بسيارة اجرة ومعهم خرووووف مشترينه هههههههههههه
يبون يعوضون صاحب التيس لانهم السبب في ضياع تيسه وتوقعوا ان التيس اختفى
وانواع التعليق والضحك عليهم \\ المهم ثاني العيد واحنا كاشتين بالخروف الي شروه
ادري قصة طويله لكن هذي من الاشياء الي مستحيل تنسى ..

 

[زهرة الاوركيد]

موضوع حلو
اذكر عيد الضحية قبل كم سنه
صليت انا واصحابي وبعد الصلاة نبي نرجع لبيوتنا وش حلونا وش زينا
مبسوطين مستانسين وسعداء وش حليلنا نبي نرجع لسيارتنا نرد البيت

وكان في طريقنا بيت قديم وعلى بابه شايب كبير يتعكز على عصى
وهو ينادينا يقول تكفون يا عيالي طلعوا لي الذبيحة من هذي الغرفة
وساعدوني اذبحها \ وهو شايب باين عليه حالته تعبانة وفقير ويستحق المساعدة \ ومحترم حيل

انا كل شيء لابسه جدييييييد ومشخص \ وما اعجبني الوضع حسيت ان فيه شيء \ وارجع اخر الصف واحنا عددنا خمسه
ويقومون الشباب يقولون \\ ابشر يا عم ابشر وين الذبيحه نجيبها ونساعدك \\ وهو يعطيهم مفتاح الغرفة
وهم يأخذون مفتاح الغرفة ( عباره عن غرفة بجانب بيت الشايب تطل ع الشارع مباشرة )
ويقوم واحد من الشباب اسمه ابوعابد مسوي اقوى واحد فينا ويفتح الباب بسرعه واندفاع
ويبي يخش ع الذبيحه يمسكها ويجيبها المهم ( طلعت الذبيحة تيس ذكر من الوع الفاخر قوي جدا وسريع)

وتعرفون التيووووس تحب تقفز وهو اول ما انفتح الباب للتيس قفز هذيك القفزه بدون شعور من فوقنا وهرب باسرع سرعته
الا وهو تيس اسود نشيييييييط ويقفز ويهرب ومن قوة القفزه طاح صاحبنا اقوى واحد في الحارة هههههههههه
وتبداء قصة جديده قصة اكشن مليئة بالطيحات والقفزات

انا شفت الموقف وشفت التيس قمز بقوة وانا بدون شعور اروح للسيارة اجيبها لأني عارف انه مستحيل ينمسك
واخوياي لحقوه بعضهم بدون نعول ,,,,,,,,,,,, وانا اجيب السيارة والحقهم وهم من شارع لشارع ويدخل التيس سوق شعبي قريب ما فية احد
وكل المحلات مقفله وفيه دوريات شرطه جو يساعدونا الموهيم

صار كل شخص بعيد عن الثاني وانا بالسياره بالحالي واختفو اخوياي
يقوم التيس يدخل حوش وانا صرت بالحالي لانه ضيع اخوياي والشرطه وانا انزل له من السيارة
واحاصرة بين مجموعة محلات وهو بعيد شوي عني ولكن الله هداني والقى عصى طويله وكل ما جاء يبي يهرب اضرب رجوله ويرجع
وانتظر اخوياي ياصلون او الشرطه المشكله ما احد جاء وما قدرت حتى اتصل جوال

والله هداني \ لقيت سطل يمكن 10 لتر او اكثر عند احد المحلات فيه موييييييييه مليان موجود تحت مكيف صحراوي
المهم واخذ السطل واسحبه واقربه للتيس وارش عليه من المويه واكلمه بلغة الرعيان يوم يتمتمون بكلمات عشان يهدون الذبيحه
وهو شاف المويه ويقرب منها ( اثاريه عطشاااان ومن الخوف والقفز والجري يبي مويه باي طريقه )

وهو يقرب مني سبحان الله وينزل راسة على المويه وانا امسك يده بس ولا فكيته ابد ولقيت حبال قريبه وانا اربطه واحطه بالسيارة
واجيب المويه عنده وهو يشرب ويهداء وارجع لمكان الشايب لقيته جالس عند بابه حزين ومعه حريمة وانا نسيت اخوياي لاني رحمت الشايب والله
وانزل وانزل التيس وهو انبسط بشكل كبييييييييير ويدعي لي ويهلل ويدخلني الحوش عشان الذبح وانا ما اعرف اسلخ ولا اذبح قلت دقيقه
وانا اربط التيس في حوشه واطلع ادور شوي والاقي باكستانيين ثنين قلت بكم ذبح يا صديق قالو 200 ريال قلت طيب تعالوا

وانا ادخلهم على الذبيحه وهم يمسكون التيس ويذبحونه ويسلخونه في دقائق الا وهو جاهز
وانا اعتذر من الشايب ومن عياله كلهم بنات واطلع من البيت وهو وراي يدعي بس ويهلل
الموهيم \\

يوم طلعت الا وهذولا اخوياي جايين بسيارة اجرة ومعهم خرووووف مشترينه هههههههههههه
يبون يعوضون صاحب التيس لانهم السبب في ضياع تيسه وتوقعوا ان التيس اختفى
وانواع التعليق والضحك عليهم \\ المهم ثاني العيد واحنا كاشتين بالخروف الي شروه
ادري قصة طويله لكن هذي من الاشياء الي مستحيل تنسى ..

اهم شي كشختك راحت فيها بسبت هالتيس
يقولون مال الحلال ما يضيع ولو ما هالرجال ع نيته ما سخر له هالشباب ورجال الشرطة يلحقونه كل هالمسافة وفي الاخير يرد له الله يجزاكم الخير عاد كاشتين بالخروف بقو لنا منها شوي نستاهل يبو سلمان

 

[غامض للأبد]

مسكت رأس الكبش بعد الذبح

 

[زهرة الاوركيد]

مسكت رأس الكبش بعد الذبح

احلفي ياشيخه انا انظفه