علي أد لحافك مد رجليك

[LioN KinG]

علي أد لحافك مد رجليك .. !!
" رواه كسلان " ..

• إن كان لك عند الكلب حاجة قولّه يا سيدي .. !! " رواه منافق "
• الإيد إللي ما تقدرش تعضها بوسها .. !!

" رواه ذليل "
- إمشِى جمب الحيط .. !!
" رواه جبان "
- إتمسكن لحد ما تتمكن .. !!
" رواه لئيم "
- زيّك زي الناس .. !!
" رواه مستسلم "
- ما يعيبش الراجل إلا جيبه .. !!
" رواه تافه "
- أنا عبد المأمور .. !!
" رواه مهزوم "
- الكذب ملح الرجال .. !!
" رواه دجال "
- يموت حبيبي وﻻ أستهواشي .. !!
" رواه أنانى "
- القرايب عقارب .. !!
" رواه قاطع رحم "
- إن سرقت إسرق جمل وإن عشقت إعشق قمر .. !!
" رواه لص طماع "
- ياواخده القرد على ماله بكره يروح المال ويفضل القرد على حاله .. !!
" روته خاطبة "
- إللي مربي قرد عارف لعبه .. !!
" رواه قرداتي "
- إطبخى يا جارية كلف ياسيدي .. !!
" يرويه الشعب المصري كله آخر كل شهر "
- يا مربي فى غير ولدك يا باني في غير ملكك .. !!
" روته زوجة أب أو حماه "
- ‎إللي يعوزه البيت يحرم ع الجامع .. !!
" رواه بخيل "
- يا أرض إتهدي ما عليكى أدي .. !!
" رواه مغرور "

• إللي على راسه بطحة بيحسس عليها .. !! " رواه ملقحاتي "
• يافرحة ما تمت خدها الغراب وطار .. !!"رواه متشائم "
• إللي خدته الهانم تاخده مساحة السلالم .. !! "روته ضرة "
• إكسر للبنت ضلع يطلع لها 24 ضلع .. !!" رواه جاهل "
• جات الحزينة تفرح ملقتلهاش مطرح .. !! " روته ندّابة "
• ‎إللي يرشني بالميه أرشه بالدم

" رواه بلطجي "
- لا تعايرني ولا أعايرك ده الهم طايلني وطايلك .. !!
" رواه مغلول أو شمتان "
- حط الحية والست في كيس تطلع الحية من الكيس تستغيث .. !!
" رواه خبير فى شئون المرأة "

• صباح الخير يا جاري إنت في حالك وأنا في حالي .. !! " رواه منطوي "
• يا مآمنة للرجال يا مآمنة للميه في الغربال .. !!

" روته ومازالت ترويه وستظل ترويه الستات الخايبه بس "

 

[ولنا بالخيال حياة]

كفيت ووفيت
أيها الالق
.
.
.
وهناك بشر
على أد نظرة
يتمدد ويتمايل

 

[سمارة]

للاسف كلها امثلة تتدولها الناس
يسلمو مديرنا العزيز

 

[كاسيوبيا]

واقع نعيشه ولا نقدر أن نتخلص منه

إلا بتمردنا عن كل ما غرس من مصطلحات باطلة



يسلمو الموضوع الجميل

 

[روفي]

زين مابيني وبينهم معرفة
كان دستهم واحد واحد

يسلمو مديرنا الغالي