الـ حنيـــــــن 🕊️💞

[رومانز]

خيال بمكبره تخوفني وامشي وياك
وبعدك بيه حتى جنازة ماقابل​

 

[امنية رجل]

من جانت الروح بحضن كلبي تنام
اشو هسه الليالي تبخرت بيهم

من طلع حبل الجذب كلش كصير
أنا الكلش غشيم وصدكت بيهم

 

[رومانز]

كافي انتظرته عمر
هيج انت مستاهل
گلتلهم ابقه انتظر
مو طعمه بس يختلف المنتظره يستاهل
هذا البنص البحر والمي يطب مركبه
تظل روحه بالساحل
وزع ادوار الزمن اختاريت دور انگتل
ما دبر الگاتل
شيبت ما عيدت يفصل بقميصي الزمن ولهسه ما كامل​

 

[امنية رجل]

منين اجيب العشك يالعشكك تبده
مليان جان بوهم حته الوهم نده
مطلوب صار العشك من يمك ومحتار
عطشان احب العطش بيك العشك صب نار
وتاليتك اتبخرت ماي وخلص حده

 

[صمت البوح]

:

و حين يأخذك طوفان الشوق ..
‏لا تأوى الى جبل الكبرياء ..
‏فلن يعصمك من الغرق في الحنين ..
‏سوى .. فلك اللقاء..

:

 

[رومانز]

منين اجيب العشك يالعشكك تبده
مليان جان بوهم حته الوهم نده
مطلوب صار العشك من يمك ومحتار
عطشان احب العطش بيك العشك صب نار
وتاليتك اتبخرت ماي وخلص حده

احن الهم واني ادري الوجع منهم

 

[امنية رجل]

احن الهم واني ادري الوجع منهم

واجيب الهم على كلبي كله منهم

 

[رومانز]

واجيب الهم على كلبي كله منهم

وانتهينه
وانتهى الماينتهي وخلص حجينه

 

[امنية رجل]

وانتهينه
وانتهى الماينتهي وخلص حجينه

لادربهم يحمل اجدامي العليلة
ولا بقت بالروح حيلة
واشد كلبي بعلك حبهم واشتكيله
وانتهيت وراحت ايامي الجميلة

 

[رومانز]

لادربهم يحمل اجدامي العليلة
ولا بقت بالروح حيلة
واشد كلبي بعلك حبهم واشتكيله
وانتهينه وراحت ايامه الجميلة

يناسيني
أرد اذكرك اني ماناسيك

 

[رومانز]

تسلم انت فتحت قريحتي والحمزه كله منك
لقد ذكرتني بصديق قديم كنا نتساجل طويلاً
كان اسمه مخلد

فدواتك بعد رويحتي انت

 

[امنية رجل]

يناسيني
أرد اذكرك اني ماناسيك

متشعبة الذكريات اعليك
ماناسيك
واخبرنك كظه كلبي بمحنتك بيك
ماناسيك
وارد ونسه كطع كلبك وادور اعليك
ماناسيك

 

[رومانز]

متشعبة الذكريات اعليك
ماناسيك
واخبرنك كظه كلبي بمحنتك بيك
ماناسيك
وارد ونسه كطع كلبك وادور اعليك
ماناسيك

اويلاه ياسومر
تذب نفطك عليه واني بيه النار

 

[امنية رجل]

اويلاه ياسومر
تذب نفطك عليه واني بيه النار

واطفي النار من اتذكرك ماضي

سلامة كلبك صديقي

 

[رومانز]

واطفي النار من اتذكرك ماضي

سلامة كلبك صديقي

ربي يسلمك غلاي
:
:

انت سهمك عافية وسمهي التعب
وراح اضمه بكلبي مايفيد العتب
بين فراك على جفوف الطبيب
من شفت بالورقه طول من كتب

 

[امنية رجل]

ربي يسلمك غلاي
:
:

انت سهمك عافية وسمهي التعب
وراح اضمه بكلبي مايفيد العتب
بين فراك على جفوف الطبيب
من شفت بالورقه طول من كتب

احتار وياي كل واحد كشف كلبي
كال شحال نبضك كتله يانبضي
كلي هذا المنه تشعر بي
كتله يولي راواني طفح جبدي

 

[رومانز]

احتار وياي كل واحد كشف كلبي
كال شحال نبضك كتله يانبضي
كلي هذا المنه تشعر بي
كتله يولي راواني طفح جبدي

ترى الكتمان يوصل حده مرات
بس المشكله شتريد تحجي
الما يكدر يبجي يرتاح
انه حتى بجي ماكادر ابجي

 

[امنية رجل]

ترى الكتمان يوصل حده مرات
بس المشكله شتريد تحجي
الما يكدر يبجي يرتاح
انه حتى بجي ماكادر ابجي

خلص دمعي وبعد ما تنزل دمعتي
الحزن يجري بمكان دموع العيون
يجري الحزن حيل يشوغ بروحي
و شينشف الحزن خضر بالجفون

 

[امنية رجل]

ويحن لها ذلك الموسوم بالنبض
فاقطعهُ بعطسةٌ كاذبة

 

[بحــ عاشقه ـــة]

.

اي مفرده بائسة
قادرة على اغتراب الفقد
الا ليت
كل الحروف لم تكن ارامل
ليست بحاجة الى حضن الحنين

.

.

.