مِسكتك " حلم " في " واقع " رفض يحقق أحلامي

[روفي]

مِسكتك " حلم " في " واقع " رفض يحقق أحلامي
مثل ذاك السراب اللي خذاني بعيد وما نلته !!


عليك الله إرحمني ذبحني جرحي الدامي
وسيفٍ رافعه بوجهي عشان أرضيك / عانقته


أشوفك " طيف " وأتخيِّل وجُودك وإنت قدامي !!
ولكن الغياب أقوى .. صِدمني وقال: ما شفته


لي الله صرت لطعوني هَدَفْ وطيبتي الرامي
أنا لا طاعني هذا الزمان ولا بعد طعته !!


حبيبي صَعبه أتحَمَّل جُروحي وعظَّة إبهامي
قضى صبري وكل حَلٍ عشان الحُب جرَّبته


إذا لِك يُوم مِتضايق أنا الضِيقات أيامي
وإذا لِك يُوم تذكِرني أنا النسيان زعَّلته


وإذا جِسمِك تعَب , حتى أنا خايف مِنْ عظامي
أنا أمري إلى رَبِّي .. مِنْ الصَدمات سَلَّمته


محالٍ ألتقي بنقطه معاك .. وأنصُب خيامي
ربيعك وين يا الغالي.؟ أنا أسمع فيه وما عشته


أنا اللي كنت أسهرلك وأقول: لراحتك نامي
غفى بعض التعب فيني وبعضه فيك سهَّرته


تِغمِّض جفني اخيوط النهار وألمح أوهامي
وأرجع أكتشف جفني معك ما يوم غمَّضته


تعوَّد قلبي من صُوم اللقاء , لا تجرح صيامي
لقانا تحسبه ذنبٍ غريبه شلون حللته ..؟


وش الحيله .. إذا أفقد دواي وألمَح آلامي
لاجل أوصل إلى قلبك طريق المُوت أسْلَكته


وفجأه صرت لك شاعر و عينك كانت إلهامي
وكل بيتٍ عجب غيرك لاجل أرضيك بس .. قلته


كأنك صَحرةٍ تُورِد غياب // وينكِسِر ضامي
{دخيلك} .. قلبي الضامي .. أمانه ليه كسَّرته ..؟؟


يمُوت الحب لا يمكن , أموت ويبقى هُو سامي
وإذا حُبك مثل سِيفٍ تأكد إنِّي عانقته


أمانه .. كيف تتحمل عيونك لحظة {فراقي}
وأنا عيني من غيابك حبيبي ما تنام الليل

م.ن....الشاعر ..احمد الصانع

 

[كاسيوبيا]

~


حبيت الإنتقاء كلمات رائعة
ومعاني عميقة
سلمتي الطرح غاليتي

 

[جنون عآبثهة]

-





لي الله صرت لطعوني هَدَفْ وطيبتي الرامي
أنا لا طاعني هذا الزمان ولا بعد طعته !!
حبيبي صَعبه أتحَمَّل جُروحي وعظَّة إبهامي
قضى صبري وكل حَلٍ عشان الحُب جرَّبته

@روفي
صح منقولك كلمات جداً رائعه
سلمت أناملك على الأنتقاء المتميز
دمتِ بخير يـ أنيقة

 

[روح أنثى]

ذوق حلو

مشكوره لنقلك الجميل

كل الود

 

[بحــ عاشقه ـــة]

..


وفجأه صرت لك شاعر و عينك كانت إلهامي
وكل بيتٍ عجب غيرك لاجل أرضيك بس .. قلته

صح لسان شاعرها
وسلم يمين ناقلها

يعطيك العافيه @روفي