تواصل معنا

عاوز اقولك كلام كتير انك مثلا لو تبقى جنبي احس ان الدنيا دي مملكة وانا الأمير انتي تظني اني احبك لا وربي دا اللي جوه بقلبي ليكي اكتر بكتير من كلمة...

الحالة
مغلق و غير مفتوح للمزيد من الردود.

white wizard

الساحر
إنضم
14 أغسطس 2021
المشاركات
3,330
مستوى التفاعل
2,038
الإقامة
بين شطري قصيدة
مساجلة شعرية بحب قيس وليلى❤ مع (white wizard.....قرينة القلب)
عاوز اقولك كلام كتير

انك مثلا لو تبقى جنبي

احس ان الدنيا دي مملكة

وانا الأمير

انتي تظني اني احبك

لا وربي دا اللي جوه

بقلبي ليكي اكتر بكتير

من كلمة بأربع حروف

حتى لو قلتلك بحبك

كتير ألوف

لساها فقيرة

مش قد شوق

ولا قد حيرة

ولا أد قُصة بتهفهف

فوق الضَفِيرة

يا هل ترى ممكن يا قلبي

تبلي ريقي بكلمة حلوة

تكافئي بيها عرق الأجير

وصدقيني لساني بردو

عاوز اقولك كلام كتير
 

نغــم

نجوم المنتدي
إنضم
17 يونيو 2021
المشاركات
12,016
مستوى التفاعل
18,208
مساجلة شعرية بحب قيس وليلى❤ مع (white wizard.....قرينة القلب)
ايوه بحبك ونَفَسي طويل

وصوت موالك ساكن سمعي

ماأسمع غيره ، من المواويل

ماأنا في دروبك ؛ بزرع بذرة

وصل ، ولا أتعب ..

مهماً كان الدرب طويل ..

وكل كيانك يسكن كُلّي . .

ااه من كلّك .. انت ياللّي

يميل الغصن الثابت جدره

وغصنك فرعه ، كان مايميل ..

يفضل يسند ..

وكمان يفضل صمتي بيعند ..

ويصرخ فيا بصوت مبحوح

أرفق حال من شوقه بيضعف ..

ولا كان عمره ضعيف وهزيل ..

وأنا عرفاك ياحبيبي .. شجاع

صاينه رموشك حبي بدمك ..

نبضك من فرقاه .. ملتاع

بعرف عنك ..

حَسَّك قلبي ، كأني أنا أمك .

وأرجع أقولك ..

اه انا بحبك ..

ويرضى هوايا يعيشلك دايماً


وجوا عروقك يجري ، يسيل .

وهفضل أحبك ، ماأنا نَفَسي طويل .
 

white wizard

الساحر
إنضم
14 أغسطس 2021
المشاركات
3,330
مستوى التفاعل
2,038
الإقامة
بين شطري قصيدة
مساجلة شعرية بحب قيس وليلى❤ مع (white wizard.....قرينة القلب)
طيب خلونا نخلي جزء من المساجلة لمناقشة السلبيات الموجودة في المجتمع بشكل كوميدي وف قالب زجلي كدا ، يعني مثلا حد زي ندى مثلا معلوماتها عن الطبيخ زي معلوماتها عن دورة كارنو ف الديناميكا الحرارية 😅 ف يلا بينا بعد اذن شريكتي طبعا الأستاذة قرينة القلب

عامله كيوت متغندره
والقُصة كمان متسنتره
وتقول دا انا حتة سُكره
وان قلت يا حلوه أطبخي
على طول قوام تجيب ورا
تقولي دا مكانش اتعذر
وع الطريق بيبيع جزر
وحياة مَامّا وحياة بَابّا

ماعرف التوم م الكزبرة
 

نغــم

نجوم المنتدي
إنضم
17 يونيو 2021
المشاركات
12,016
مستوى التفاعل
18,208
مساجلة شعرية بحب قيس وليلى❤ مع (white wizard.....قرينة القلب)
الساعه دقت دقّه ،
دقّه
وصوتها شقّ ف الصمّت
شقّه
ساكت كأنك ناسي
كلامك
ويوم ماتحكي بتقولي
لأه
جرى أيه ياعم سمعني
صوتك
أحكيلي عنك ، [UWSL]وبلاش[/UWSL]
[UWSL] سكوتك [/UWSL]
حق حواري انك تُرُده
وأوعاك تجور على شيء
بحقّه
عاملي فيها أمير
زمانك
راح فين جنانك !
رغي الساعات
وسرد الحاجات ..
دا أنا خُلقي ضاق
من طول بُكامك
وخلاص جناني هيطقّ

طقّه .
 

white wizard

الساحر
إنضم
14 أغسطس 2021
المشاركات
3,330
مستوى التفاعل
2,038
الإقامة
بين شطري قصيدة
مساجلة شعرية بحب قيس وليلى❤ مع (white wizard.....قرينة القلب)
انا اللى كنت فاتح فى قلبى
خمسين راق
وبقبل كل الكلام جواه
ولو حرّاق
وهمسة مِسا
مستأنسه
بعطر [UWSL]النِسا [/UWSL]
ولقمة لُقا
متغمّسه
رحيل وفراق

وف يوم وليلة
خطفتني!!

ام الرموش
شبعانه سُهد
وعيونها البني
لو شافها جبل
يتهد ...
أما الشفايف شهد
والخدود
صهد ...
 

نغــم

نجوم المنتدي
إنضم
17 يونيو 2021
المشاركات
12,016
مستوى التفاعل
18,208
مساجلة شعرية بحب قيس وليلى❤ مع (white wizard.....قرينة القلب)
اااه ياقلبي ..

السؤال موجوع بينزف

والجواب بيبعد ، وخايف

جرحك المكشوف ماينشف

مهما تحكيه ( الشفايف )

فين حبيبك ؟

جوا روحك ليه بينسف ..

ويعبي جوفك بالقذايف .

ضحى بيك وكان بيجزف


حتى دمعك ماهو شايف .
 

white wizard

الساحر
إنضم
14 أغسطس 2021
المشاركات
3,330
مستوى التفاعل
2,038
الإقامة
بين شطري قصيدة
مساجلة شعرية بحب قيس وليلى❤ مع (white wizard.....قرينة القلب)
اااه يا قلبي

حمّال آسية

زي ما يكونوا الخلايق

قسموا الفرح بينهم

وفاتوا الوجع ليا

حتى لما حبينا

الضحكة قلبت بدمعة

وانطفت بغدر الهوى

جوانا شمعة

واتاري موت ياسين

كان بأدين بهية
 

نغــم

نجوم المنتدي
إنضم
17 يونيو 2021
المشاركات
12,016
مستوى التفاعل
18,208
مساجلة شعرية بحب قيس وليلى❤ مع (white wizard.....قرينة القلب)
ومنين هنضحك ،

او حتى تيجي

البسمه لينا

ودروبنا تبعد ...

رافضة ضحكة بتلاقينا

وليه نسلّم للظروف

ونملى سمعنا بلحن خوف

وليه نسيب كل الآسى

من فوق سمانا طليق يطوف !

أنا رافضة قيدي

ورافضة قيدك

ولو هواك هو القيود

أنا سمكة حرّة

في بحرك أنت

ويوم ماتغمز

تبقى صيدك

سلّمت قلبي ..

بدون حدود ..

ولو تعبت ف يوم انا ..

خليني أغفى بين عيونك ..


او أحط تعبي في حضن أيدك .
 

همس الروح

*بين النبض أمنيه غافية **
إنضم
14 يونيو 2021
المشاركات
20,706
مستوى التفاعل
20,086
الإقامة
بين أحضان السماء
مساجلة شعرية بحب قيس وليلى❤ مع (white wizard.....قرينة القلب)
في حبك ياقيس تكتب الاشعار

فعشقك خطف القلوب والانظار

ولكن عشقك لي اجمل وأعظم انتصار

بقلمي
 

white wizard

الساحر
إنضم
14 أغسطس 2021
المشاركات
3,330
مستوى التفاعل
2,038
الإقامة
بين شطري قصيدة
مساجلة شعرية بحب قيس وليلى❤ مع (white wizard.....قرينة القلب)
وعاوزك تكون إلي وحدي

احس بدفا انفاسك

بتدَوِب جليد خدي

تكون فارس مواويلي

وف عز العتمه قنديلي !

ولما ابكي تكون

يا حبيبي منديلي

ولو أعطش شفافك

تكون نيلي

ووقت الحزن تغنيلي

تكون صبحي تكون ليلي

ولو مال عليا الكون

تكوني كتفي وما تميلي
 

نغــم

نجوم المنتدي
إنضم
17 يونيو 2021
المشاركات
12,016
مستوى التفاعل
18,208
مساجلة شعرية بحب قيس وليلى❤ مع (white wizard.....قرينة القلب)
صباح ، وشمس

وكوب ليمون دافي في يدي

بترسم فوق مداه شفايفي

حنين ، وهمس

وعيون حيارى

بجفون ماتطبق فوق شجوني

[UWSL]ورموش ماترضى[/UWSL]

[UWSL] بأي .. وَمس[/UWSL]

[UWSL]وأيدين .. جليدها [/UWSL]

[UWSL]ماتذوب جباله ، [/UWSL]

[UWSL]ألاّ بحنوك ، وأيديك[/UWSL]

[UWSL]دفا بيزيده لمس .[/UWSL]

و حضن فاضي ..

رغم كسوفه ،

محتاجك أن
تَ

تطبق ضلوعه ،


وتلم أنفاسه

اللي تاهت دون وجودك

[UWSL] مرة ، ومرة[/UWSL]


وعشرين ، وخمس .
 

white wizard

الساحر
إنضم
14 أغسطس 2021
المشاركات
3,330
مستوى التفاعل
2,038
الإقامة
بين شطري قصيدة
مساجلة شعرية بحب قيس وليلى❤ مع (white wizard.....قرينة القلب)
أيا حورية الحدقة

أنا المجذوب الذي

لم يطمع في عشقك

الا ببضع بسماتٍ

صدقة

تأبط خصلاتك بين جناحيه

وعلى رنات صوتك الدافيء

المنقوش في وجدانه

اقام يا حبيبتي

الحلقة
 

نغــم

نجوم المنتدي
إنضم
17 يونيو 2021
المشاركات
12,016
مستوى التفاعل
18,208
مساجلة شعرية بحب قيس وليلى❤ مع (white wizard.....قرينة القلب)
أخبرني

أيا رجُلي البعيد ..

من مثلنا قد عاش الحب

وفي جنباته .. بات شريد

وأتقن أن يقتات ( العشق )

كلقمة فرحٍ .. أضحت عيد

وأحيت قلباً بعد .. مماته

كان بفرط السُهد .. شهيد

من مثلك أنتَ ، ومن مثلي

أريدكَ أبداً جداً .. قُربي


وأعلم ما تهوى ، وتريد .
 

white wizard

الساحر
إنضم
14 أغسطس 2021
المشاركات
3,330
مستوى التفاعل
2,038
الإقامة
بين شطري قصيدة
مساجلة شعرية بحب قيس وليلى❤ مع (white wizard.....قرينة القلب)
بعد ليلةٍ ممتلئة بتفاصيلك
" ظلَّ قلبي ينهلُ من
فيض ِ الذِكرى حتى ثمل ْ ...
وأدرك َ النُقصان َ فى الفؤادِ
حتى اكتملْ ..
وكلّما ارتوى وَلَهاً
شعر َ بـ عطشٍ
لـ شوقٍ مُحتمل ْ ..
وجّه كفّيه للسمآء ِ
وقال .
ياإلٓهى ما العمل ْ؟
كيف َ أبرءُ مـن وجدٍ
يختلط فيه المشمول ُ
مع من شَمل ْ ....
وكيف كلّما قارب َ
الجُرح التئاماً

أدعوكَ بألا يندمل ْ .
 

نغــم

نجوم المنتدي
إنضم
17 يونيو 2021
المشاركات
12,016
مستوى التفاعل
18,208
مساجلة شعرية بحب قيس وليلى❤ مع (white wizard.....قرينة القلب)
حظي كدا ..

وأنا راضيه ..

أعيشك حلم في خيالي

وأكتم بركان ثاير لهفه

ودموع وجعاني ،،

ليها أداري ..

وأحلم ألقاك ، وأتمنى

كأنك حلم م الجنه ..

ينشد تفاصيل بتجذبني

ونوره يلف في مداري

ولو يوم يقتلني حرماني

هعيش الحلم من تاني ..

وأكفكف دمعي دا بيدي ..

وأحس بأنها يدك ..


نسيم بيزيح رماد ناري .

وكفاية عليّا نَفَسَ صدرك ..

يكون نَفَسي ..

يحسسني أن أنا منكَ ..

حبيبتك ، صاحبتك ، بنتك

وطول عمرك تدوب فيا ..

وعشقي في الوريد ساري .
 

white wizard

الساحر
إنضم
14 أغسطس 2021
المشاركات
3,330
مستوى التفاعل
2,038
الإقامة
بين شطري قصيدة
مساجلة شعرية بحب قيس وليلى❤ مع (white wizard.....قرينة القلب)
ولما بحاول اهرب
الاقي طيفك غالبني
حتى لما بكتب
أنا مش بكتبك
أنا بكتبني
كل ما امشي جنب منك
الاقي ضِلّي راح لك

وسابني
 

نغــم

نجوم المنتدي
إنضم
17 يونيو 2021
المشاركات
12,016
مستوى التفاعل
18,208
مساجلة شعرية بحب قيس وليلى❤ مع (white wizard.....قرينة القلب)
خبّرني ياحبيبي

على فين أهرب

من أشواق محوطاني

ورافضة بأنها .. تعتقني !

شوك الهوى بخدوشه

صار أدماني ..

من يوم ماقلت

أن أنت .. تعشقني .
 

white wizard

الساحر
إنضم
14 أغسطس 2021
المشاركات
3,330
مستوى التفاعل
2,038
الإقامة
بين شطري قصيدة
مساجلة شعرية بحب قيس وليلى❤ مع (white wizard.....قرينة القلب)

تحملُ شفاهً


صغارا غلاظ

. توزع شوقاً

يعلو السديم

شفاهٌ بلونِ

الوردِ البهيج

تُزفرُ ناراً

تُلهب بوقع

السوطُ الاليمْ

وخدٌ كصفحة

الماء العذب

شديدُ الرَوَاق

من شدة صفاه

يكاد يبينْ

طويل اسيل

حلو المزاق

كأنه الشهد

او خمر مُعتّق

طوته السنين

وجيد طويلٌ

شديد البياض

حرير الملمس

محلي بعقد

الدر الثمين

ضممتها حتي

كادت تموت

لاشفي في نفسي

شوقٍ دفين

وان ارسلتها

لهيبٌ في جسدي

وأسأل نفسي

الا تشبعين!!!!
 

نغــم

نجوم المنتدي
إنضم
17 يونيو 2021
المشاركات
12,016
مستوى التفاعل
18,208
مساجلة شعرية بحب قيس وليلى❤ مع (white wizard.....قرينة القلب)
ثم ماذا ؟
أفلتنا الحب
أم أنه من طغى و أفلتنا !
والعين تأبى الصمت
وفي هدبها مُنية
تغفو الأماني ..

لا لمسناها ، ولا أحسّتنا .
 
الحالة
مغلق و غير مفتوح للمزيد من الردود.

sitemap      sitemap

أعلى