تعبت اشكي تعبت ابكي

[رااشد]

تعبت أشكي تعبت أبكي تعبت أحكي مآسي الروح . .

قتلني الوقت بضروفه ذبحني وجفف نهاري . .






أخبي علتي وأسكت وأنا في داخلي مذبوح . .

أجامل وأرسم الضحكه وأنا قلبي على ناري . .


أحاول والله يعلم بي أداري دمعتي لا أبوح . .

أداري الجرح وأتجاهل عن اللي ينشد أخباري . .


أقول بخير لكني جريح وفي حشاي جروح . .

صداها لو دفنته يوم يبين سنين بأنظاري . .


صرخت بحسرتي يكفي صرخت بصوتي المبحوح . .

ألا ياوقت وش ذنبي عشان الفيك باعذاري . .


تبعثر حلمي قدامي وغديت بدنيتي منزوح . .

وقفت ولا قدرت أجمع مغير مشتته أفكاري . .


أمني النفس وأخدعها وأقول إن كربتي بتروح . .

وهي والله مولوده قدر فأرحام أقداري . .


قتيل والبقا براسي في دنيا مابها مصلوح . .

قتيل والقهر قاتل من اللي ياخذ بثاري . .


أبا ببقى ضحية وقت أعاني والعنا مجروح . .

دعيت اللي خلق يرحم رجيته ربي الباري . .



أبي أسعد أنا بلحظه قبل نزعه توافي الروح . .

قبل مارحل عن الدنيا وأروح لاخر دياري . .


أنا بحمل صديد الجرح في باقي وقتي المسموح . .

وإذا وافتني القدره ترى هالبيت تذكاري . .



رثاني دمعي الطاهر في صمته مارضي بالنوح . .

رثتني قسوة الدنيا ورثتني حتى أشعاري . .



وجزت اللي ذبح قلبي وعشته بالخفا مشروح . .

لجل ماضعف بعين اللي نشدني كيفها أخباري .




م/ن... .​

 

[سمارة]

سلامتك من الجروح والاحزان
كلمات القصيدة كتير حزينة
ادعو الله عز وجل ان تغمر السعادة
حياتك وحياة الجميع
يسلمو على نقل القصيدة
احترامي راشد

 

[ريـ م]

جميلة جدا سلمت يمينك على ما نقلت وصح لسان شاعرها

رااشد

شكرا لك

 

[رااشد]

سلامتك من الجروح والاحزان
كلمات القصيدة كتير حزينة
ادعو الله عز وجل ان تغمر السعادة
حياتك وحياة الجميع
يسلمو على نقل القصيدة
احترامي راشد

سماره ربي يسلم
قلبك الطيب
شساكر اك مروىك الانيق
لاخلا ولاعدم

 

[رااشد]

جميلة جدا سلمت يمينك على ما نقلت وصح لسان شاعرها

رااشد

شكرا لك

الجميل مروررك
الريم يسعدني مرورك
الرااقي
دمتي بزود