له هيبةٍ لامرني

[ريـ م]

ما قنّد شعور القصيد الا التغني بالعذوب
عذب الخصال سيد الرجال اللي يعدّل بالها

لا مرّني ليلة وله ضوّى على عتم الدروب
ولا مرّها ضي العيون فوّح قصيد دلالها

يتربّع بقلبي أمير واحتلني من كل صوب
ابساعته.. احتل قلبي.. بس لان يحلالها

وش ميّزه عنّ الخلق؟ ما اقول انه ابلا عيوب
لكنّ اعيوبه مزايا..! وغيره كم يسعى لها

له حنكةٍ لحظة لقانا.. خلّيتها عني تنوب
آخاف من عقلي وعقله لا جمعت ترحالها

له هيبةٍ لامرني تكتم على كل القلوب
لـه غيبةٍ لا غابها.. بكّت جـميع آمـالـها

له ضحكةٍ آشوفها تولد على ضفاف الغروب
تكتب على شاطي عيوني.. ذابـحة عـذالها

لا جاني في ايدنه قسه آلين له كلّي واذوب
ولا جاني بروحه جرح تنزف عيوني لحالها

لا جاني بضلوعه حطب خليت له قلبي شبوب
ولاجاني بشعلة زمانه.. تنطفي... بأفعالها

لاجاني بقلبه وطن امست له اجزائي شعوب
لا شد حبله بالكلام رخّت لعينه احبالها

هذا الوحيد اللي احبه بعشقته ماني مغصوب
هـذا انـا كـلي بـشوقـي والـعـقل واهـبـالـهـا

وان كان في يوم افترقنا وعد منك ما اتوب
من تاب عن دينه كفر.. يا قبلة جنتي قبالها

ب. ق

 

[ندى الورد]

والله انت الي هيبية
مرور اول ولي عودة

يختم

 

[رااشد]

له هيبةٍ لامرني تكتم على كل القلوب
لـه غيبةٍ لا غابها.. بكّت جـميع آمـالـها

له ضحكةٍ آشوفها تولد على ضفاف الغروب
تكتب على شاطي عيوني.. ذابـحة عـذالها

لا جاني في ايدنه قسه آلين له كلّي واذوب
ولا جاني بروحه جرح تنزف عيوني لحاله

سيدة الحرف ومهندسة الكلمه
د ك ريم
يابه شنو تقتبس شنو نخلي
للامانه نص جميل وباذخ
جمال لايضاهى دمتي بوود

 

[هدوء]

الجمال في حضرة الجمال لايقتبس ..

صح بوحك وعلا شانك شاعرتنا الأنيقة

ابدع احساسك والقلم بخاطر مافي مشاعرك

فكان لجمال الحروف نور على الورق ..