معاد يمديني وعمري ثلاثين

[رااشد]

لمّي شتات .. وشتّتي ما تلمّين
ولو كنت صعب اللملمه ، لملميني

لو كنت صعب اللملمه تستطيعين
لو اني اصعب مسألة .. حاوليني

لو كنت صعب الحل ! واحد من اثنين
يا جمعيني صح .. يا جمعيني

لاني كذا ولا كذا شايف الشين
لا صرت متعذب كذا ، عذّبيني

لا تحرقيني بجمرة البُعد والبين
وانتي بقربك قادره .. تحرقيني

ولا تسمعين لحاقدين وحسودين
ناسٍ لهم يسراي كنها يميني

ما عاد يمديني وعمري ثلاثين
ازعلك .. وارضيك .. وتزعليني

ما عاد يمديني ادوّر مزايين
سدّي فراغ اللي بقى من سنيني .
م ن

 

[رااشد]