عزه ضمأ ولا مذلة سحابه

[ماهر_94]

اللـي بعـد ماغـاب عنـكـم بكـيـتــوه..!
كـم صـار لـه مـعـكـم ولحـدٍ درابـه ..

ياليتـكـم ملتـوا عـلـيـه وسـألتـــوه ,,
ســؤالكـم يمـكـن يغـيّـر جـــوابــه ..

لكـن خذيـتـوا كـل شـي وتركتـوه ,,
لضيقـــتـة ولعـزلـتـه واغـتـرابـه ..

اليـوم بـس اليـوم يعـنــي فـقـدتــوه..!
وهو له سنه من يوم ما اقفت ركابه ..

لو كان فيكم خير .. كنتوا ذكرتوه ,,
قبل الزمن يسرق ملامح شبابه ..

يعني عشانه ما اشتكى .. ما سمعتوه ..!
هذا الخطأ اللي ما حسبتوا حسابه ..

ما قد عرض شكواه حتى على أخوه ,,
شلون اجل يشكي عليكم صوابه ؟

طبعه يموت ولا ألحق الغيم مشروه ,,
عــزة ظـمـأ .. ولا مـذّلـة سحـابـه !

اقفى .. عساه مجار من كل مكروه ,,
راسه عزيز .. وراس ماله ثيابه ..

وعفّة يديه اللي خذاها من أبوه ,,
و صبره على جوعه وقلّة زهابه ..

خلّه يتوه بكيفه .. احسن ولا يتوه ,,
بـ يدين ناسٍ شرعها شرع غابه ..

الذيب فيها من سلك درب مشبوه ,,
واللي ما هو ذيبٍ كلته الذيابه..

يا ما أنبنى من حلم فينا وهدّوه ,,
وقتٍ غريب وناسٍ أكثر غرابه ..

صدق القناعة كنز .. لكن هم أفنوه,,
و حتى الأصابـع علمـوها تشابــه ..

ما دام صوتك من ورى الباب مسفوه ,,
يا ريـح هـدّي باب مـن سـدّ بابــه ..

والصاحب اللي غاب لو هم تناسوه ,,
قـولــي لـهـم لا يفـرحـون بغيابـه ..

هـم حصّـلوا في غيابه اللي تمـنّـوه ,,
بس الوعد لا من برى من صوابه.





منقول ///

 

[روح]

يا لهذا النص الذي يقطر وجعًا وعتبًا نبيلاً
في كل بيت غصّة، وفي كل شطر وقفة قلب!

من أول "بكيتوه بعد ما غاب"
إلى "يا ريح هدّي باب من سد بابه"
كأن القصيدة تمشي على أطراف كرامة مكسورة، لكنها واقفة بشموخها

المنقول هذا... لو هو ينطق، كان قال "أنا شعور رجل كاتم، خانوه الساكتين قبل ما تخونه الدنيا[UWSL]"[/UWSL]

أبدعت في اختيارك
وذوقك جاب لنا شعر من النوع
اللي ما ينقري إلا وشيء داخلك يتحرك

سلمت ماهر

 

[هدوء]

نقل مميز صح بوحك وبوح شاعرها

 

[رااشد]

جميله جدا صديقي
ماهررر
سلمت يداااك
على الاختيار
الانيق دمت
بوود