سامحيني

[رااشد]

.............. وسامحيني ترانا من الحياة انتهينا

خاطري طاب منها واتخذت القرار
................... بعد من كاسها بمر العذاب ارتوينا

وش نبي في حياة تـذل نـسل الـحرار
................... مانبي هالحـــياة وجـعـلنا ماحيينا

قالوا الصـقر لامـن شـاف ماعـاف طار
.................. مـير ويـن المطـير وقيدنا في يدينا

لامـتى ياحبيبي ؟ لامـتى الانتـظار ؟
............لامـتى الـجرح ينـزف والــقهـر محـتوينا

لامتى بس قل لي ؟ والله الفكر حار
................ وتهت بين المواجع بين جرح وانينا

صرختي ضايعه بين البحر والمدار
................... مابكـتها قــلوب ولالـها سامــعينا

يسكن الحزن ليلي واسكنه بالنهار
................. وكني اخذت حزن العالمين اجمعينا

يازمان القهر والهم والانهيار
................. وش بقى يازمن من لوعتك ماخذينا

يازمان الالم والضيم وين الفرار
............... منك انا وين اروح ؟ الله لمثلي يعينا

يازمان العذاب المر يكفي مرار
................ اااه ياذا الزمن وش فيك قاسي علينا

اعترف بالهزيمة منك والانكسار
.................غصــب عنا رضينا لو بها مارضينا

وكان تكــفيك منا نشوة الانتصار
................... فكـنا يازمـن تكفـى ترانا انتهينا



م ن

 

[رااشد]