💌🌿رسِآلَةّ مًنِ آيَةّ💌 🌿

[ملاذ أمن]

رسِآلَةّ مًنِ آيَةّ
فُيَ آيَآتٌ فُيَ کْتٌآبً آلَلَهّ عٌزٍ وٌجّلَ بًنِقُفُ عٌنِدٍهّآ..
بًتٌخِبًطِ حًرفُيَآ عٌلَيَ قُلَبًکْ، وٌتٌصّحًيَ فُيَةّ نِوٌر
وخير مدفون.. هنعيش في صفحات هذا المتصفح مع رسائل ربنا في آياتة، آيات قرآنية كلها حب وهدي من ربنا لينا..
ف أهلا بكم معنا في نوى وهداية آية..

كمثال •••
﴿أَلَمْ يَعْلَمْ بِأَنَّ اللَّهَ يَرَىٰ﴾ (العلق: 14)

بتقفل الباب ... تطفي النور ... تمسك الموبايل ...
وتفتكر إنك لوحدك؟
بس الحقيقة؟
إنت تحت نظر ربّنا ... لحظة بلحظة

👁‍🗨 بتتفرّج على الحرام وبتقول: "مرة وهتعدّي"…
بس كل مرة بتسيب علامة في قلبك
وكل نظرة بتتسجّل في صحيفتك

مين اللي بيشوفك؟
مش الناس ... ده رب الناس

ربّنا اللي سترك كتير مش غافل ..بس بيسيبلك وقت ترجع
كل ما تغلط وتكمل ، بتبعد أكتر…
وكل ما تقول "محدش شايفني" 🫥، الآية بترد عليك:
"أَلَمْ يَعْلَمْ بِأَنَّ اللَّهَ يَرَىٰ؟"

لو بتحب ربّنا بجد ‍ استحي منه
اقطع الطريق ده قبل ما يكسّر قلبك ويضيع عمرك
وابدأ من النهارده
ارجع للي شايفك وبيحبك ‍
ربّنا
•••
هناك المزيد
ولكم حرية المشاركة ​

 

[ملاذ أمن]

﴿مَّا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ﴾ (ق: 18)
لا تخرج من فيك كلمة… إلا وسُجّلت، فلا تستهين بحرفٍ يُرضي الله، أو يُغضبه.
علمتني هذه الآية
أن الصمت عبادة، والكلمة أمانة… فزِنْ ألفاظك قبل أن تُوزن عليك.​

 

[ملاذ أمن]

"وَعَسَىٰ أَن تَكْرَهُوا شَيْئًا وَهُوَ خَيْرٌ لَّكُمْ..." (البقرة: 216)
أوقات بنزعل على حاجات راحت مننا…لكن ربنا يري ويعلم اللي إحنا مش شايفينه.
اللي بتفتكره خسارة… ممكن يكون نجاة!
حكمة ربنا أوسع من دموعنا… وأرحم بينا من قلوبنا.

علمتني هذه الآية
إن الخيرة دايمًا فيما اختاره الله… ولو ما فهمتش دلوقتي، هتفهم قدّام. ​

 

[رااشد]

ملاذ امن
جزااك الله خير
الجزااء ونفع بك
دمت بود

 

[جنون عآبثهة]

-


كتب الله اجرك ملاذ أمن
يعطيك العافيه
دمت

 

[جنون عآبثهة]

-

 

[جنة المنتدى]

سبحان الله العظيم
أمس وقت السحر
كنت بفكر بجديه
تنشيط القسم الأسلامي،
بمواضيع هادفه
خصوصآ أقتربت الشهور الطيبه
كل عام وأنتم بخير
دخلت وجدتك بدأت ماأفكر فيه
وبدايه طيبه ورائعه
تقديري لهذا الأختيار
وأكيد سأكون هنا بأستمرار
إن شاء الله نجتمع ديمآ
على العمل الطيب ورضى الرحمن
في ميزان حسناتك اخي الراقي
كل التقدير والأحترام

٠٠

 

[جنة المنتدى]

رسالة في آية

"وَاصْبِرْ لِحُكْمِ رَبِّكَ فَإِنَّكَ بِأَعْيُنِنَا"
— سورة الطور، آية 48


٠٠٠٠
في كل موقف صعب،
وفي كل لحظة يعتريك القلق،
تذكّر هذه الآية:
الله يراك ويحرسك دائمًا،
وأنت تحت نظره ورعايته.
أصبر لحكمه وثق بأن ما كتبه لك
هو الأفضل، فهو معك
في كل خطوة،
يعلم ما في قلبك،
ويهديك الطريق حين تحتاج إليه.
ليكن هذا الأمل نورًا في قلبك وطمأنينة لكل يوم يمر عليك.
كل نفس تأخذه
وكل خطوة تخطوها
أنت في أعين الرحمن،
وهذا كفيل
بأن تهدأ روحك ويستقر قلبك

٠٠

 

[ملاذ أمن]

"وَعِندَهُ مَفَاتِحُ الْغَيْبِ لا يَعْلَمُهَا إِلَّا هُوَ" [الأنعام: 59]

أوقات كتير بتحس إن الدنيا قفلت، مفيش طريق، مفيش حل، وكل حاجة قدّامك "مقفولة بالضبة والمفتاح".
بس الآية دي بتهز القلب:
"وعنده مفاتح الغيب"
يعني مفيش مشكلة في حياتك، ولا باب فرج مسدود، ولا رزق متأخر…
إلا وهو عند ربنا.
مش عند مديرك، ولا عند السوق، ولا حتى عند مجهودك!

المفتاح اللي هيفتح بيه ربنا لك رزقك، زواجك، شفاك، سترك…
موجود!
بس معاه هو..
وبيفتحه وقت ما يري سبحانه ويشاء ، مش وقت ما دماغك مستعجل.

فاهدأ، واطمن، وخبط على بابه في سجدة…
وقول: "يا رب، افتحلي باللي عندك، مش باللي في بالي." واختار لي الخير فإني لا أعلم​

 

[ملاذ أمن]

سورة الكهف… سورة النور في زمن الفتن.
سورة بتعلمك إزاي تحمي قلبك من الانحراف، وتحافظ على إيمانك وسط دوامة الدنيا.
كل جمعة تقرأها، كأنك بتجدد عهدك مع الله بالثبات واليقظة.

فيها 4 قصص عظيمة، وكل قصة دواء لفتنة:

---

1. أصحاب الكهف
شباب مؤمنين هربوا بإيمانهم لما الدنيا كلها كانت ضدهم.
ربنا حفظهم لأنهم صدقوا:
﴿إِنَّهُمْ فِتْيَةٌ آمَنُوا بِرَبِّهِمْ وَزِدْنَاهُمْ هُدًى﴾
لو حسيت إنك غريب بإيمانك… افتكرهم، وافتكر إن الغربة في سبيل الله شرف مش ضعف.

---

2. صاحب الجنتين
واحد اغترّ بماله ونِعَمه، ونسي إن النعمة من الله مش من ذكائه.
﴿وَدَخَلَ جَنَّتَهُ وَهُوَ ظَالِمٌ لِّنَفْسِهِ﴾
ربنا أخد منه كل شيء عشان يفوق.
الرسالة؟ متتعلقش بالدنيا، لأنها فانية… وخلي تعلقك دايمًا بالله.

---

3. موسى والخضر
تعلم إن الحكمة الإلهية أوسع من فهمك، وإن مش كل حاجة مش مفهومة تبقى شر.
﴿وَكَيْفَ تَصْبِرُ عَلَىٰ مَا لَمْ تُحِطْ بِهِ خُبْرًا﴾
يعني ساعات ربنا بيحصل قدامك حاجات تحيرك، لكن فيها خير كبير ليك.

---

4. ذو القرنين
ملك قوي عادل، استخدم قوته لنصرة المظلومين وبناء الحضارات.
﴿قَالَ مَا مَكَّنِّي فِيهِ رَبِّي خَيْرٌ﴾
ربنا بيديك النعم عشان تعمر بيها الأرض، مش تتكبر بيها.
القصة دي بتعلمك إزاي تكون قائد حقيقي… مؤمن، عادل، متواضع.

---

والخاتمة؟
﴿فَمَن كَانَ يَرْجُو لِقَاءَ رَبِّهِ فَلْيَعْمَلْ عَمَلًا صَالِحًا﴾
السورة بتختم بنداء للعمل والإخلاص… لأن الفتن حوالينا، والنور في القرآن.

قال النبي ﷺ:
"من قرأ سورة الكهف في يوم الجمعة أضاء له من النور ما بين الجمعتين" – [رواه الحاكم]
اقرأها كل جمعة… تنورلك الطريق، وتحصّنك من فتنة الدجال.

---​

 

[جنة المنتدى]

رسالة في آية

٠٠٠
"ٱلَّذِينَ آمَنُوا۟ وَتَطْمَئِنُّ قُلُوبُهُم بِذِكْرِ ٱللَّهِ ۗ أَلَا بِذِكْرِ ٱللَّهِ تَطْمَئِنُّ ٱلْقُلُوبُ"
— سورة الرعد، آية 28

٠٠
حين يضطرب كل شيء من حولك
أذكر الله…
فبذكره تهدأ الأرواح،
ويسكن القلق، ويزول الخوف.
هي آية تهمس لنا بأن السلام الحقيقي لا يُهدى من الناس،
بل يُزرع في القلب من الله.