گمر صدفة

[رنا حميد]

جواد الدراجي
شلت عمري
الصفه من الشيب متفرهد
وأجيت محودبه عيوني
ولا ملگه أشتراني ولا حضن موعد
يطاردني التعب.. وأركض لآخر موت
أفر سابع سمه.. وطيوفكم تبعد
وأرد بذنوب عشگي ..
الما غفرها أحد
وأناديكم ينبع الشوگ
ليش أطباعكم صلفه
وأمس بيدي غزلت الصيف
سجادة ثلج ترفه
وصغت شمسين لعيونك
گصايب من شمس ..
بس جيسهن تغفه
فرشت الغيم تعلوله
أعله واهس ذكرياتك .. تبرد وتدفه
وصفت بين الليالي أحلامي تتعبد
وأرد بذنوب عشگي ..
الما غفرها أحد
مشيت الليل گبلك والظلام امتاع
لاله الخوف منّه وكابر بنزفه


وأكض چف الصبر بيدي
ويهد مني .. يهد ملچوم
حد.. ابرد.. نهار.. بشوگنه يعزفه
وأشيم كل وريد .. أنبض عشگ ثوار
لم صبر المحبّه .. وغربله وصفّه
وبين الخوف ذاك الچان يوجعني
ومابين النزف والتيه
لاگيتك گمر صدفه
وزحت حزني ..
الأخذني وچان يتمرد
وأرد بذنوب عشگي ..
الما غفرها أحد
وتسحرت بندى عيونك
شربتك واهس مخيل
كشخلك چم عطش صحره
ضگت روحي أعله طاريّك
لذيذه الروح لو صفها الهوى بكتره
وضحكتك حد وسع بالي
ودفت بشفافي هيل اسمك
نكت برياگهن حمره
وبچيتك طوخ.. من روحي
وتداينتك صدى دموعي
الصغتهن گطره الك گطره
وخسرتك والندم وياي دمعه وخد
وأرد بذنوب عشگي ..
الما غفرها أحد

 

[LioN KinG]

شكرا علي الابيات العذبة

 

[رنا حميد]

اهلا بمرورك

 

[امل مفقود]

مجهود رائع وطرح مميز
الله يعطيك العافيه