عهود منسية

[عهود منسية]

في سماء الامجاد رفرف يا علم
قلوبنا تخفق معك والله وترف

نبض الامارات برفيفك منتظم
وكل منا في غلاها إلها هتف

عيشي بلادي في أمان وفي نعم
هذا اتحاد بلادنا فاق الوصف

عشتي لشعبٍ مع غرامك منسجم
بقلوبنا دفتر وواقعنا حرف

بالفاتحة حصنتك ونون القلم
ألم ترى والقارعة ولام وألف

بآيات ربي المنزله وبكل اسم
أنزله ربي في كتابه والصحف

نحمي حمى أرضج ونقسم لج قسم
نعمل ونخلص والقسم هذا شرف

دام الأمان وعاش قايدج وسلم
القايد الفذ الحكيم المختلف

عسى الفرح يا ديرتي دايم يعم
وعسى علمج المرتفع دايم يرف



مساء السعادة للجميع دون استثناء ...
وحشتوني ييت أسلم عليكم

 

[عهود منسية]

(بنت زايد) .. راعي اليد النديه
بكل فخر إسمي بإسمه مقترن

نستمي به والفخر أصبح سميه
يرحمه ربي ويسكنه جنة عدن

دار زايد هي الامارات البهية
في حبها روحي وقلبي مرتهن

وسلامتكم

 

[عهود منسية]

بكلمة (أحبك) إدخل قليبي ودش
من أوسع أبواب الغلا لي تباها

العين دارك والجفن منزل وفرش
والروح قربك نالت أغلى مناها

غصن الموده في حشايه معرش
وروضة هواكم طايبٍ لي جناها


عهود

 

[عهود منسية]

ندوووش وحشتيني جدا أدري مقصره زمختفيه بس والله ظروف يا الغاليه تسرقني الأيام والشغل والعيال
لكن أبد ما أنسى الحبايب

 

[ندى الورد]

ندوووش وحشتيني جدا أدري مقصره زمختفيه بس والله ظروف يا الغاليه تسرقني الأيام والشغل والعيال
لكن أبد ما أنسى الحبايب

ياااعمري انت اعرف انك ذهب وربي وهذا هو الي يميزك اتمنى لك كل الخير والسعاده ياارووحي انت

 

[عهود منسية]

أسعد الله الأماني لي اتركتنا من سنين
واجبرتنا انتداري بين ...سطر وبين حرف

وأجبر الله القلوب لي دايم ترق وتلين
واتوارى بهواها خلف قرطاس وملف







عهود





مساكم الله بالخير والنور والسرور والورد المنثور ...
وأسعد الله العابرين اللي ما ينسوني ولا أنساهم
متعكم الله بموفور الصحة والعافية جميعا ...ومرحبا الساع

 

[عهود منسية]

لا عدمت هالطلة الجمييلة يا ندى ... هلا وغلا

 

[التوق]

صباح الخير ياوجه الخير
الشاعرة الأصلية بنت زايد
كل عام وأنت أحبابك بصحة وعافية
حبيت أسلم عليك وأشوف اخبارك
أن شاءالله انك بخير ياغلاي
ربي يسعدك ويحفظك

 

[التوق]

اللَّيْل مَا يَقْبِلْ عَلَى مَوْطِنْ النُّوْر
دَايِمْ نَهَارْ بْنُوْر أهْلِهْ وْنَاسِهْ

مَا ادْرِيْ تِرَابِهْ ذَاكْ أوْ ذَاكْ بَلُّوْر
وِالاَّ بْأرْضه نَاثِرْ الْعِقْد مَاسِهْ

لِهْ قَلْب مِتْوَاضِعْ وْ لِهْ مَجْد مَغْرُوْر
كِلْ مِنْ نِظَرْ حِسْنِهْ تِوَلَّعْ وْبَاسِهْ

حَتَّى شِعَاعْ الشَّمْس رَاضِيْ وْمَجْبُوْر
يَنْزِلْ يْقَبِّلْ لِهْ جِبِيْنِهْ وْ رَاسِهْ

فِيْه الْمَحَبِّهْ وِالْغَلا فِيْه مِنْثُوْر
فِيْه السَّلامْ أرْسَى جِذُوْرهْ وْ سَاسِهْ

فِيْه الْعِشِقْ غَارِسْ مِنْ احْسَاسِهْ شْعُوْر
فِيْه الأصَاله.. وِالْعِرُوْبه أسَاسِهْ

فِيْ ظِلّ مِنْ لَبَّسْ فِضَا أرْضه زْهُوْر
وَابْدَعْ بْعَدْلِهْ لِلسِّيَاسِهْ سِيَاسِهْ

هُوْ لِــ (الإمَارَاتْ) بْسِمَا لَيْلَهَا نُوْر
رَبِّيْ يِدِيْمِهْ لاجْل شَعْبِهْ وْ نَاسِهْ

علي الْخَوَّارْ

 

[التوق]

@عهود منسية

الغائبة الحاضرة في القلب
ربي يسعدك ويحفظك من كل شر يارب

 

[عهود منسية]

@عهود منسية

الغائبة الحاضرة في القلب
ربي يسعدك ويحفظك من كل شر يارب

يا حبيبة قلبي لا خليت منج ومن طلاتج الجميلة
الله يسعد أيامج يارب ولا يحرمنا هالتواجد الراقي

 

[ندى الورد]

اشتقنا لك كثثير يااعهوود
طل علينا لاتغيب

 

[عهود منسية]

قالوا: تمنى قلت: ياليت
شباك يوايق ع حويهم

وإلا فنر وأكون له زيت
أذوب م اللهفة عليهم

ياليت شو بتفيد ياليت
لو قلت أنا أموت فيهم

يوم إني دون لقاه رديت
كفي خلي وقلبي يبيهم



وسلامتكم

 

[عهود منسية]

اشتقنا لك كثثير يااعهوود
طل علينا لاتغيب

والله أنا مشتاقه أكثر يا الغلا ...
يمكن اتعودت بس أكيد ما انسى حبايب قلبي ...

 

[ندى الورد]

والله أنا مشتاقه أكثر يا الغلا ...
يمكن اتعودت بس أكيد ما انسى حبايب قلبي ...

تعودت ع غيابك يابنت والله اشتقنا لك ولحرروفك الفخمه

 

[عهود منسية]

تعودت ع غيابك يابنت والله اشتقنا لك ولحرروفك الفخمه

لا خلا ولا عدم يا الغاليه ما تفقدين غالي فديتج

 

[التوق]

يا حبيبة قلبي لا خليت منج ومن طلاتج الجميلة
الله يسعد أيامج يارب ولا يحرمنا هالتواجد الراقي

القلوب عند بعضها يابنت زايد
ربي يسعدك ويحفظك من كل شر يارب

 

[عابر السبيل]

عطر القوافي والعلوم المليحه
ضج المكان بريحة العطر مفتون

أثر العطر احيان يصبح فضيحه
وان زاد عطره يصبح العطر له لون



مرحبا الف ببنت زايد

 

[ندى الورد]

 

[عهود منسية]

مشاهدة المرفق 119915

من العايدين والفايزين يارب ..نور المكان بشيخة المكان هلا وغلا