على كف القدر نمشي ولا ندري عن المكتوب

اليهود قلبوا ليل غزة نهار الله أكبر عليهم




حسبي الله ونعم الوكيل بحكام العرب
الله ينتقم منهم
الله ينتقم منهم

الله ينتقم من حكام العرب

​

صباح ليس له الا معلّمٌ من معالم الوجوه
الحزنُ المسكوب على وجه الخذلان

نعم نحن نؤمن أصبحنا نشهد أن لا اله الا الله
ككل ثانية من عمرنا نوقن فيها أن لاشيء قبل
الله ولاشيء بعده .
ثم أننا اصبحنا نوقن أن كل متخاذل
عدواً لنصرة الله
•
•

اللهم سلآماً على اطفال غزة وقلوب أمهات غزة
اللهم برداً وسلاماً على اجساد ذابلة بشموخ في
غزة


اللهم قوة
اللهم صبراً
اللهم رحمة​

••●

الليله كانت صعبه كتير وبتخوف شعور انه الموت حدك
شيء جد بيخوف
صح دوم بنشعر انه بأي لحظة ممكن نموت متلنا متل اي
حد بالعالم لكن انه تكون موجود بمكان والقصف عليك والطخ
بيحاوطك اشي بخوف والله

الله يعين اهل غزة بس شو اتحملوا
هاده تاني مرا بقصفوا بالصواريخ مدينتي جنين

أمس مقبرة قصفوها تخيلوا قصفوا سيارة فيها مقاومين
بمقبرة

قد ايش عديم إنسانية العميل يلي خبر العدو عنهم شو
ممكن يكون شعوره اتجاه نفسه

استشهد اربعه شباب بثواني بقصف صاروخي
ما قادره اوصف شعوري جد

غير عن الجرحى والاضرابات والحدادات والاقتصاد يلي
اتدمر والنفسيات الزفت والخوف والقلق

نحنا بنعيش أيام حقيقه ماممكن اي لغه تقدر تعبر عنها

حتى المسيحين ماسلموا من العدو وبلشوا فيهم مع المسلمين
وكأنهم مابدهم الا لغتهم تضل وهم يكونوا السياده

صدقا ماعاد نقدر نعبر عن ايش بنشعر
الشيء فاق الوصف

ممكن نضل متأملين ونحارب ونروح شغلنا بس صدقوني
بنخرج من البيت ونحنا خايفين مانرجع الو
لهيك بنحضن اولادنا وكأنه بنودع حيطان الدار

ولمن نرجع بنكون فرحانين انه ماحد فاقد ولامفقود
وبنشكر الله وبنتمنى انه تنتهي الحرب
مع انه للاسف كل ما بالعا بتتشعب وبتزيد


شو نقول جد شو تقول
بس ان وقعت غزة صدقوني الدور على الدول العربيه كله
بوقته مخطط له وكل حد جاييه الدور


للاسف مو رايحه الا على الشعوب الحكام مكيفين اجتماعات
ونرفض ونرفض
ياليت فيني بس املك عقابهم ياليت

يارب والله نحنا قلوبنا تعبت
صح في كتير منا مابيستاهل رحمتك بس انت الرحيم
يارب الاطفال المساكين

يارب


​

••●

[ أصبحنا وأصبح الملك لله وحده لاشريكّ له ..
اللهم بدايةّ يومٍ جميل مجرد من الهموم ' اللهم جبراً لأهل
غزة .. تلك القلوب الهائمه على وجه حزن

اللهم إنا مغلوبون ..فإنتصر
اللهم إنا مغلوبون ..فإنتصر
اللهم إنا مغلوبون ..فإنتصر




اللهم ﺇﻧﺎ ﻣﻐﻠﻮﺑﻮﻥ ﻓﺎﻧﺘﺼﺮ ﻣﻈﻠﻮﻣﻮﻥ فأﻧﺘﻘﻢ ﺍﻟﻠﻬﻢ ﺇﻥ ﻧﺸﻜﻮ اليك ﺿﻌﻒ ﻗﻮﺗﻨﺎ ﻭﻗﻠﺔ ﺣﻴﻠﺘﻨﺎ ﻭﻫﻮﺍﻧﻨﺎ ﻋﻠﻰ ﺍﻟﻨﺎﺱ ﺃﻧﺖ ﺭﺏ ﺍﻟﻤﺴﺘﻀﻌﻔﻴﻦ وانت ربنا تولى أمرنا ولا تكلنا الى انفسنا طرفة عين او الى احد سواك.​

أتمنى أن يكون هذا الصباح خير رغم كل البؤس
الذي يتوشح به هذا العالم ..

كانت الأيام الاخيره قاسيه حدّ الفاجعه
حدّ الخرس حدّ السكوت الإجباري
فما عسانا نقول غير الله شاهد وهو نعم الوكيل


لي صديقه من غزة طبعا لمن الضفه تتواصل مع
اي حدن من غزة بيكون خطر والخطوط مراقبه
لكن هاده تعرفت عليها وصرنا رفقه لي يومين باعته
لها وبضل اتطمن عليها
اليومين يلي مرقوا كانت مسكره نت بسبب قطع اللتصال
عليهم

هلا قبل شوي لقيتها بتبعت لي
يا الله شو فرحت انه لسه عايشه ..كانت تبكي وخايفه
وتحكيلي نحنا كل ثانيه بنتشاهد والموت بحضنا
حكتلي عن الاوضاع وكيف الخوف والعتمه والجوع والوجع
مرافقهم

كأنها بتحكي بسيناريو لفيلم رعب مجرد من الإنسانيه
اقصى احلامها تصير هدنه وتسافر وتهرب


يا الله شوو صعب لمن الانسان يكون حلمه هروبه من
بلده

بكل الاحوال يلي بصير أكبر من انه عقل يتحمله
او قلب يوسعه


والله وإن الله لساهد انه القلوب فاضت وبس

​

عندنا بالضفه قصفوا مدينتنا مرتين وكل ليله بيدخلوا طخ
واعتقالات وتخريب وخوف

عندنا انفقد الأمان يلي اصلا كان شبه طيف
وكل الرجال بالشوارع وبينامو على الرصيف تضامن مع غزة

بس شو طالع باليد
مابيدخلو اليهود بيقصفوا وبيضربوا وبيعتقلوا وبيطلعوا

أنا صدقا هالفتره كتير تعبانه نفسيا وجسديا ومرهقه
نفسي بحضن دافي وآمن وأنام وانا ابكي واصحى وانا
مافي طاقه سلبيه

أنا حزينه كتير والله
وكل القوة الظاهريه يلي بحاول دافع فيها عن نفسي
لأحمي حالي كلها وجع وألم بقلبي وسكين بروحي

نفسي اتخبى من العالم كله
نفسي اكون سعيده
نفسي الاكفال مايتأذوا
نفسي نصحى على صوت العصافير
وننام على وجه القمر


نفسي ونفسي ونفسي

هل ياترى ممكن بيزم يتحقق شو بنفسي​

••●

شكرا من القلب للشعر الراقي كرقي أخلاقك
رضا التركي



يقيموا لنا وزنًا إذا شبَّ سعيرها
فأرواحنا للأوطانِ تلكَ فداءُ

وما قد وهنَّا عن دفاعٍ لأمَّةٍ
لها منَ العزِّ القديمِ لواءُ

وما عيشنا إلَّا نضالٌ بهمَّةٍ
لغازٍ لهُ بينَ الضُّلوعِ عداءُ

سيخبركم سيفُ اليمانِ ونصلهُ
ورمحٌ لنا ما منهُ فرٌّ ووقاءُ

بأنَّا لنا بأسًا شديدًا وقوَّةٌ
وعزمٌ لدى الوغى بحيثِ نشاءُ

وما عرفنا اليأسَ شطرُ ساعةٍ
لنا ٌ بينَ خلقِ اللهِ نورٌ وضياءُ

وإن طالتِ الآجالُ إنِّي مناضلٌ
وإن متُّ للحربِ الضَّروسِ بقاءُ

فلا تهنوا إنَّ الجنانَ مثابكم
أوِ النَّصرُ للأوطانِ هذا رجاءُ​

••●

وكأننا بتنا نسيرُ الدربّ بلا روح ولا بسماتٍ
ودون ضحكات
أين تلك القهقهات وذاك الصوتُ القادم من الامل

وكأننا بتنا أطياف
أشباه ارواح

​

هل أقول صباح الخير على بلادي
وفي كل صباحٍ بكاءٌ وصراخٌ من ظلمٍ وأنين


أمس إجتاحات قوات الإحتلال مدينة جنين عاثت فيها
الفساد
لكن أسودنا أسود المقاومه الأبطال قد بثوا فيهم الرعب
قُتل في جنين ضابط وثلاثةُ يهود إعترفوا بهم الا الآن
زاد حقدهم نعم
دخلت قوات صهيونيه كما فعلوا في غزة
قوةٌ فاقت حدّ إستيعاب جنين
ظناً أنهم هكذا هم الغالبون
ولايعلمون أن لعنة الله على الكافرين

بُثّ الرعب فيهم
وزاد الخوف وزاد الصراخ
نعم هو الله . بثّ في قلوبهم الذعر

نعم ملزالوا يدنروا بشوارع مدينتي وحتى أشجار
مدينتي
مازالوا الا الآن الساعه الخامسه والنصف سفكاً في
دماء إخوتي

مازالت النساء تبكي وتبكي وتدعو الله
أتعلمون بماذا يرفعن أيادهن نساء مدينتي
أن يكون إبنها عريس شهيداً مقبولا في الجنه

هكذا حال شعبي وهذا حال مدينتي

ياليتهم يكتفون في مدينتي ويمضون
فلم يكفيهم من غرورهم ما يفعلون فقد إجتاحوا

مدينة نابلس ومدينة طولكرم وعاثوا فيها فساد
تباً لهم ما يظنون ؟؟

ففي كل زاويةٍ من بلادي طفلٌ يولدُ بفطرة الحريه
والكوفيه والشخصيه الأسديه

نحن اطفالنا أشبال وأشبالنا أسود وأسودنا عظمآء

فلتحيا فلسطين بعزٍ وإباء​

صباح الخير
اه صباح الخير وكل يوم خير مادام في قلوب نضيفه
وارواح طاهره ..

اليوم كان حزين بمدينة طولكرم قريبه علينا جدا
انا منطقتي واقعه وسط تلات مدن جايين نحنا بالوسط
يعني كل شيء يصير كأنه عندنا ..ناهيكم عندنا مستوطنتين
صح سايبينهم الصهاينه لكن كل فتره بيعملوا مشكل ليرجعوا


اليوم بقى استشهد تلات اقمار مناضلين من مدينة طولكرم
الكل شعر بالحزن واستنكر
والاحداث بغزة كمان كانت بائسه كمان الكل حزين اه واستنكر

بس الغريب فيين
انه كملوا الحياه عادي دون خطابات احتجاجات عطله اضراب
وكأنه صار المشهد مكرر
وكأنه الاحداث صارت اعتياد

وهون الكارثه العظمى
انه المشاهد الدمويه تصير اعتياد
بس حزن وتعاطف بالشعور



معقول ياجماعه توصل الحاله فينا نعتاد الحرب والظلم
ونتعايش معهم

وكأنا بنقول لليهود اقتلونا وهدموا بيوتنا اتعودنا

نوع من انواع الاستسلام​

اليوم كان بشع كتير وبيخوف كان قاسي حد
الوجع ..اليهود دخلوا مدينتنا إجتياح كامل
دمروا المدينه ..قصفوا ..و ١٥ شهيد وضعفهم جرحى
طخوا على المدارس والطلاب
اقتحموا اسوار المشفى
مارحموا لا صغير ولاكبير ولا اسعاف
من الساعه تسعه الصبح لهس وهم قبل شوي
إنسحبوا
الشيء فظيع
من قوة بشاعة يلي صار اليوم صعب وصفه بجد
يارب ياارب توقف هالحرب علينا وعلى غزة يارب
مو كرمالنا كرمال الأطفال والكبار والضعفاء
ونحنا عبادك الضعفاء
الحرب بشعه وبتخوف وبس​

بتعرفوا شو أصعب وأقوى انواع الحزن
انه من كتر حزنك ما عاد الحزن يوجعك
جد نحنا من كتر وجع قلوبنا بس بنحاول
نتعايش ونضحك على حالنا انه هينا بنشتغل
ما متنا اليوم ما حد بقرب لنا اختفى
ما اذونا اليهود

يا الله شو هالحالة يلي وصلنا الها شو​

ونقوول ياصبااااح الخير
يا صباح الأمل والثقه بالله

أصبحنا وأصبح الملك والقوة والعزةُ لله وحده .

من الساعه تلاته ونحنا صاحيين من بعد أمس الصعب
لأنه اليهود إجتاحوا منطقتنا والمناطق يلي حدنا
أختطفوا أسرى وعملوا فوضى وكالعاده رعب وخوف

وقبل ساعه أو أقل شوي إنسحبوا

مع هيك مابعرف عندي أمل انه اليوم ببلش حلو بأذن
الله ..

يارب تجعله اليوم جميل آمن
وتمسح عن قلب كل حزين دمعته
وتتورد الارواح بالأمان

وتنتهي هالحرب ونرجع نتعايش ونعيش
يارب​

من تلات أيام ونحنا عايشين تحت القصف والأسر
أسروا شي 1000 شاب ما سابوا نصهم ..
الشهداء أقل شيء بهالكم يوم عشره والجرحى
عدد كبير


المشكله مو انه حولوا الحرب لعنا بالضفه وخاصه
جنين لأ
ولا انه صار الوضع الإجتماعي والإقتصادي والأمان
صفر ..كمان عادي اتعودنا

هالمرا تحديدا ولحتى يستفزوا المجاهدين بمدينتنا
دخلوا اليهود للمساجد وصاروا يغنوا بالمآذن
رفعوا بمدينتنا بكذا مكان علمهم كنوع من انواع
الإستفزاز

الإبن الشاب يلي القناص ضربوا رصاص والدنيا مطر
وقع على الارض بدمه امه كانت مستغنيه عن روحها
وبتعمل الو بإنعاش بيدها على أمل انه يعيش ..

جد في أمور والله كل الكلام مابيقدر يعبر عنها الا بس
حسبي الله ونعم الوكيل​

كنت قبل أحكي النفسيه بدها سفر بدها
هدايا بدها ضحك .. لكن صدقا النفسيه
لتضبط صح بدها نوم عميق وطويل ونصحى
على أمان وسلام

مابدنا شيء تاني​