انفاس في سطور

[عابر السبيل]

مشاهدة المرفق 119916العيد عليك مبارك وكل عام وانتي بخير

 

[عابر السبيل]

عطر القوافي والعلوم المليحه
ضج المكان بريحة العطر مفتون

أثر العطر احيان يصبح فضيحه
وان زاد عطره يصبح العطر له لون


عابر السبيل

 

[عهود منسية]

العيد يااا واباشروا به
عرباننا والمسلمين

إلا قليبي ما دروا به
مشتاق لأحبابه وحزين

الروح ع الفرقا مغصوبه
والوقت قاسي ما يلين

كل(ن) تلاقى بمحبوبه
وقلبي أنا صابح غبين

لا يااا ولا أنا سرت صوبه
ولا توايهنا بالإيدين

عليه م الباري عقوبه
اللي سعى بفرقاا المحبين




عهود





عيكم مبارك وأيامكم سعيدة

 

[عابر السبيل]

يلعب حفيف الريح باطراف ثوبك
مع قذلتن تشبه جناحين طاير

هامت عيون الناس ياصاح صوبك
والفكر ياحلو اللما فيك حاير

عابر السبيل

 

[عابر السبيل]

صوت الهبايب لاحنته الشبابيك
ولا نام شبّاكن تلاحن مع الريح

كن الهواء من مبعد الدار ناصيك
شي ن يشرّح ظامي القلب تشريح

لا ياصريم الريح ماتت مواطيك
وتلوح الشباك ياشين تلويح

مادري شكيت الوقت والوقت شاكيك
يوم انت تقبل بعض الاحيان واتشيح

عابر السبيل

 

[عابر السبيل]

كم ظامي ن يهلك على حافة البير
وكم راجي ن يرجي وهو حيل محروم

اسألك ياللي كن هرجك دنانير
يالظالم اللي لابسن ثوب مظلوم

وش سالفة هجرن على غير تبرير
والخافي اللي اصبح اليوم معلوم؟؟؟

خواطري عندك بليلي مسايير
وعلى خيالك ظام اشواقي اتحوم

عابر السبيل

 

[عابر السبيل]

ياكم يطول الليل في حال فراقاك
وكم هو قصيرن لا حصل لي تلاقي

يمسي عتيم الليل مع غفوة اسماك
وبالصبح يبقى من جمالك بواقي

عابر السبيل

 

[عابر السبيل]

في عينها لي م السوالف حكايا
ياكم بها لي من لذيذ السواليف

يحيطها م الزين ركب وسرايا
وسوالفن تنعش كما نسمةالريف

تسحر بزينن صافيات المرايا
في كل لونن يسحر القلب له طيف

عابر السبيل

 

[عابر السبيل]

وش اسهرك يا ناعس الطرف هالليل ؟
كنك تحاول م القوافي قصيده

احيان تعصى ف الكتابه تماثيل
وتكر في بيت الهوى ثم تعيده

واحيان تشعل م القوافي قناديل
ووعد القوافي يالحلا من وعيده

عابر السبيل

 

[عابر السبيل]

سلام ياللي فرقتني دروبه
دربن يمين وثاني ادروبه يسار

مشيت دربن والحبايب مشوا به
وياكم يمشي واهي القلب مشوار

عسى رفيق الدرب تمحى ذنوبه
ب جاه الذي للمخاليق غفار

عابر السبيل

 

[عابر السبيل]

العيد يااا واباشروا به
عرباننا والمسلمين

إلا قليبي ما دروا به
مشتاق لأحبابه وحزين

الروح ع الفرقا مغصوبه
والوقت قاسي ما يلين

كل(ن) تلاقى بمحبوبه
وقلبي أنا صابح غبين

لا يااا ولا أنا سرت صوبه
ولا توايهنا بالإيدين

عليه م الباري عقوبه
اللي سعى بفرقاا المحبين




عهود





عيكم مبارك وأيامكم سعيدة

عيدك مبارك وكل عام وانتي بخير ومن يعز عليك

على زمانك يا انجل العين حوبه
وبشوفتك يصبح لنا العيد عيدين

ياهل ترى في عادة الوقت توبه؟
ويجمع زمانك ياغلا القلب حبين

الله ياللي حط م الزين ثوبه
كنه يفصّل م الحلايا فساتين

كن العطر بانفاسها من شروبه
يحييك حينن وبالمصده احايين

نسمات صبحي ترتحل دوم صوبه
بالخير مني يا ليال الشتيتين

كم ذا تمنيته مع الوقت نوبه
وبالوصف كني اوفي الدين بالدين

عابر السبيل

 

[عابر السبيل]

يارقيق الكف يا نفحة الطيب
انفاس طيفن مرني تالي اليوم

في خافقي لك من فعولك مضاريب
يشهد عليها نازف الجرح واكلوم

فتنة زهورن لاعبتها يعاسيب
متخالف الالوان زنبق ويشموم

بغيت لي طب ن ولا به تطابيب
وجهلت بك شي ن له ازمان معلوم

عابر السبيل

 

[عابر السبيل]

عين الفريد اللي بها سر واخبار
وسوالفن تخفى على باقي الناس

وش تالي اخبار المدينه والاسرار.؟
ووش لون راعي الجميله والاحساس

وقفت بالفقره على صامت احجار
وريح المدينه يشعف القلب نسناس

ياسيدي يازارع الخد با ازهار
وسحر العيون اللي كسوله ونعّاس

ادخل على الله تذبح الناس بانظار
ورقيق شف ن يعشقه صافي الكاس

جيت المدينة شفي اليوم مسيار
في ساعة حلوات الابيات انفاس

من ش ن بقلبي اسبك القاف دينار
وجيتك على رحل الطواري وهوجاس

عابر السبيل

 

[عابر السبيل]

وش تالية لحنن تغنيه الاطيار
يحرق لدون الغصن صالي لهيبه؟؟

مادري يغني من عنا الوقت محتار
لحونه معا هالليل ياهي غريبه

ياكم تسحر موجع القلب اوتار
تروح به مرات ثم ان تجيبه

عابر السبيل

 

[عابر السبيل]

على الشواطي باقي ورود وازهار
تشهد على ميعاد حب ن ولقيا

يشبه جزاها من قسا الوقت سنمار
مات الغريب وكان بالود يحيا

عابر السبيل

 

[عابر السبيل]

الله على اللي مر من عند بابي
عدى ولا سلّم على اللي يراعيه

ياراحة الملهوف وانته عذابي
والخافق اللي ساطي الشوق شاعيه

راحت سنين ن وانا اشرب سرابي
يموت شوق وسود الايام تحييه

ياكم انمق غترتي مع ثيابي
وياكم صوبه مظلم الليل نسريه

عابر السبيل

 

[عابر السبيل]

يا مدللن ثلب الجدايل باالالوان
خلطت نور الصبح في ظلمة الليل

سبحان خلاق الحلا والف سبحان
ياكيف انا مولع بحب المجاديل

ياسايق الدله ولعتي منك فنجان
سلام يا بايع غريب الفناجيل

عابر السبيل

 

[عابر السبيل]

ياساهر المصباح شفني ل حالي
اضرب اخماس الطواري بالاسداس

اشرب فناجيلن واحاكي دلالي
ابيع هوجاسن واشري لهوجاس

كن القوافي ياغلا من حلالي
اسكب على ابياتي صبابات واحساس

عابر السبيل

 

[عابر السبيل]

من بينهن زينك على الغيد مجنون
تشبه فنارن في دجا الليل مشبوب

وجبة جمالن تسحر القلب واعيون
وتلعب عليهم ياالغلا الف ملعوب

ياشفة تاخذ م الكرز طعم مع لون
كن الحلا في صافي الخد مكبوب

عابر السبيل

 

[عابر السبيل]

زين الزهر يجني على حلوات الازهار
تصبح طرود ن بين الاحباب مهدات

والشعر والشاعر كما شمعة الدار
يلقى بها الساهر مع الحب لذات

ياشمعة ن ترقص على راسها النار
تحيي ليالي الولف وتموت ب سكات

ياعشقتي حطي على الورد دينار
وانا باغني لك لذيذات الاشعار

عابر السبيل