انفاس في سطور

[عابر السبيل]

الله يالحنن تجيبه حمامه
كنه يقطّع ثومة القلب تقطيع

ياشادي ن بين الصباح وظلامه
ولحنن يروّع ناعس الطرف ترويع

ياباكي حزنن عدتك الملامه
وانا بارقّع هاتكالقلب ترقيع

تبي السلامه مير مابه سلامه
الله يجازي لايع القلب تلويع

ياباكي ن باللحن مافهم كلامه
وهو يسمّع شاجي اللحن تسميع

عابر السبيل

 

[عابر السبيل]

قالت من انت وقلت انا اللي تخبرين
عود اليراع يطاوع الدوم شوري

انا حبيب القاف وسط الدواوين
وكم يختلف في بدع الابيات طوري

اخذ جميل القاف يسر وميامين
وادق لك في ساعة الحس زوري

تمشي تدق القاع من زايد اللين
وقلبي لها ماطاع في يوم شوري

تردم لها زينن تراكم على زين
وتزرع على لدن من الخد جوري

عابر السبيل

 

[عابر السبيل]

خلف الاكام وجملة ن من سحابه
واشكال وردن تفضح الصبح باللون

وجمال طيفن ينفتن بالكتابه
لا صاحي ن معها ولا هوب مجنون

إلى بغيته صار قدمك سرابه
دومه مع الاطياف رحل ويحلون

في غبة الاشعار يمخر عبابه
وانا اشهد انه بينهم حيل مزيون

مسحات وجهه بين فرح وكأبه
وهمسه يبيح كلما كان مكنون

عابر السبيل

 

[عابر السبيل]

صحّى ظلام الليل نور الشبابيك
والليل كنه م الحيا صار نعسان

ياقلب صرته من حساب المماليك
بالصبح باهت والغلس تلبس افنان

امنولن تلقى وليفن يحييك
واليوم بون البعد صاير له ابوان

واسفل علومك تشبه اليوم عاليك
ياكم بكى خل ن على فقد خلان

واليوم مابه م الرفاقه حواليك
وتذكار منهو راح يملاك باحزان

قل لي على من بس انا اليوم اشكيك
ومن وين بالقى لي على الشوق اعوان

قل لي ويش الحيله لي ا جتني طواريك
كم يهلك الانسان في حب انسان

عابر السبيل

 

[عابر السبيل]

يدندن على الاوتار من كان مشتاق
يناجي بها حبن طوته الليالي

اللي يجاور من القوافي له اوراق
وياكم مهمومن يناجي ل سالي

لون الشفق سحرن على خد الاشفاق
متفردن بين الجنوب وشمالي

لون الذهب يشبه على الغرب ترياق
يحيي على نياط الغلا ذكر غالي

عابر السبيل

 

[عابر السبيل]

جيته ضحي العيد يلعب ويلفح
العين نجلا والمبيسم ذبوحي

لبته سقاني من ثمانه ولا شح
وانا سقيته من ثمانن شحوحي

لو ان قول ن اح تشفي المجرّح
كثرت من قول اح واشفيت روحي

مير إن قول ن اح مالي بها صح
زودن على مابي تزاود جروحي

 

[عابر السبيل]

سقوى سقى الله ماضي الوقت يا سعود
والله لا يجزى الصواديف بالخير

سلام ياماش ن يهصر الخصر والعود
كنه يوتر خطوة المشي توتير

خلط العطا ما بين شح ن على جود
كنه يسمر خافقي بالمسامير

سلام يا رمشن كما السيف مجرود
يحمل بعينه صقيل البواتير

حالي معك نقص ن تحارب مع الزود
واقطّر الانفاس معها تقاطير

عابر السبيل

 

[عابر السبيل]

قطر الندى حلو ن على خد ورده
والزين للورده ولا يذكر الطل

يرخي اديم الورد من عقب شده
ويزداد زين الطل ويفخر به الفل

سلام يا من غاب مع طول مده
بغيت له حل ن ولا جاد لي حل

والشاعر اللي بيح البعد سده
حاله تشابه رحل دربن على حل

عديت به وصفن والا ادركت عده
نيروز لونن مسكنه فاخر الزل

عابر السبيل

 

[عابر السبيل]

من بينهن تشبه فنارن مع الليل
والشمس لا بانت توارى لك انجوم

كنه لبس من حول عنقه اكاليل
راجي عطاها ماطل الوعد محروم

تشبه ل دله حولها لك فناجيل
او هي ملاكن في حلا الليل مرسوم

بس اتعلل بالنظر فيه تعليل
كم ضاع مني بالنظر فيه من يوم

عابر السبيل

 

[عابر السبيل]

سجنت اناالصورة على جدار هالبيت
كله عشان البسمة اللي خذتني

تشبه لشمعه تسحر النار والزيت
اسجن لها حين وحين سجنتني

ياشف ياللي فتت القلب تفتيت
ياليتها يومن شريته شرتني

من عقبها ماتاجد البيت ياسبيت
ياهل ترى اللي حييته حيتني ؟؟؟

بغيت اسلم غايتي يوم مريت
مير الليالي في الغلا ماعطتني

عابر السبيل

 

[عابر السبيل]

ياهادي مرك مرور السحابه
لا انته على عجلن ولاانته على ريث

او انت بيد ن لي ترقرق سرابه
او هوغبارن طيروه الحراريث

مسكين من هو سرابه شرابه
ترى الصحاري موتها لك مواريث

عابر السبيل

 

[عابر السبيل]

ماعاد باق ن م السواليف لي خير
تلاشت الايا م هي والسواليف

قمت اتسمع في صباحي عصافير
كنه يولف ساحر اللحن توليف

انشدك انا وش تالية هالمشاوير
متى على الله ينتهي الهجر ياحيف

يازارع اللوتس بخد ونواوير
كنك تشرف تالي الوقت تشريف

يوم المسره تنقلب حين تكدير
وانته هروجك فوق خدك مذاريف

عابر السبيل

 

[عابر السبيل]

اصحر زماني عقب شوفك ولا ماك
واحترت انا مابين لامك ولمياك

كنت اتمنى ليلة البدر احياك
واقول يامرحبا بك وحياك

تعددت يا صاحبي عندي اسماك
وكم اكتبك في بعض الاحيان واقراك

واحيان انا ارسم طلعة لي على ماك
وفي صفح النوى اكتبك ثم ان امحاك

كن المشاعر شي بعض اشياك
ياللي بعيدك ياحلو يشبه ادناك

عابر السبيل

 

[عابر السبيل]

مضى لي في هواكم خمس
سنينن وانت تاعيها

حمست بها حياتي حمس
ورب البيت محصيها

تذكّر يا رهيف الحس
وعودن كنت تعطيها

تلاشت مع طلوع الشمس
وخالي الكف تاليها

عابر السبيل

 

[عابر السبيل]

سلام ياعينن تجمع الزين كله
عين الوحش لا صار وقت الهدادي

ياكم عزيزن ذاق منها المذله
نقطة عسل ويشوبها لك سوادي

من بينهن شمسن تجاور وفله
من شافها يصبح ببجح ن وبادي

يازينها والمدح فيها ب محله
ياريح ند ن هاج في وسط وادي

راحت ليال الشوق منهو يدله
فيها جمالن كان شربي وزادي

مال مثيل وباقي الهرج خله

من عقبها شفت الحزن والحدادي
عابر السبيل

 

[عابر السبيل]

يا ماشي ن تطوي وسيع الفدادي
تمخر عباب البيد في غمرة الليل

حطيت انا من فوق سطري شدادي
ويالله عساها خير تطوي المحاحيل

حط الجدي بين العيون العمادي
واوفي المماشي ياعميلي لها كيل

شفي ديارن عن عيوني بعادي
يحيا بها ميلن ويهلك بها ميل

ياكم يها في ادلم الليل عادي
كم صامل ن ضيع بها الحول والحيل

سلام مني يا مضنة فوادي
شربت حبه بالمواضي فناجيل

اللي ب كفه ولعة لي زنادي
ياكم بها ياخالي القلب من ويل

كني معاها تالي العمر غادي
كم عندها لي من دلال ومعاميل

كني غوى الراي عقب السدادي
وبتالي الاوقات مثل المهابيل

ولا خبر وادي ن سيل اليوم وادي
متى على الله تفرح الروح بالسيل

عابر السبيل

 

[عابر السبيل]

وين النهاية يا طريق المواليف
كني لمحت الشمس ماتت على اقصاك

ياشمس هذا اليوم وش هالتصاريف
شهدت موتك وارتجي شوف محياك

لا واعلى طلعه على كايف الكيف
واعيش صبحك واغني ل ممساك

ياصاحبي كن الشفق عندي اطراك
اللون لونك والملامح محيّاك

عشتك شتاء واليوم جا الصيف
وكاس المحبه م الاحاسيس يملاك

كن الهواجس في هواكم خذاريف
ياطلسم الايام من عاد يقراك

لا واحسايف يارقيق الشفاشيف
يا كم ظميت من المزايين لمياك

عابر السبيل

 

[عابر السبيل]

عساك في خير وتجي منكم اخبار
وعيدك مبارك ياغلا كل هالكون

ياشمعة ن ترقص على راسك النار
يا منبع الانوار يا تحفة اللون

كم ذا نحرت لطلعتك حلو الاسطار
والصاحي اللي لاجلكم راح مجنون

امسي بدار ن والصبح مثل في دار
كني مع الاحساس رحلن يحلون

يا سندباد السطر يا حب الاشعار
يا مبيحن عند الشفق كل مكنون

يا مدندن الابيات يا ريش الاوتار
مليت جوك بالمواويل ولحون

لا بعد من راح في وقت الاسحار
فكري معك يا موسع البعد والبون

عابر السبيل

 

[عابر السبيل]

كم آآتلمس بالزوايا بقاياك
وصمت المكان اللي ذبحني ضجيجه

ماتسمع اللي م البعيدات ناداك؟؟
ياشبه وردن حاجتي في اريجه

عابر السبيل

 

[عابر السبيل]

عدّاك وقتك يا رهيف الاحاسيس
وصرته كما حرفن ولا احدن بيقراك

ولا جا ظلام الليل تفتح لنا الكيس
ويبدا مع الظلماء كلامك ومسراك

كن القوافي م التهاميم تنفيس
كن القمر في كل ليل يتحرّاك

عابر السبيل